ESAIA 41:17 - Jinghpaw Hanson Version Bible

¹⁷ Nni nkri hkrum ai ni hte matsan mayan ni gaw, ntsin tam timung, n mu ma ai: shanhte a shinglet hpang kara ai hte hkraw mat yang, ngai Yehowa shanhte a ga madat mara nna, Israela Karai Kasang ngai gaw, shanhte hpe kau da na, n rai.

Jinghpaw Common Language Bible 2009

¹⁷ “Nye a amyu masha ni hka ntsin tam la na ra ai aten hta mung, shanhte a yuhkraw ni hpang gara nna hkraw wa ai shaloi mung, dai Madu ngai nan shanhte a akyu hpyi ga hpe htan ya na nngai; Israela a Karai Kasang ngai gaw shanhte hpe galoi mung kau da na nngai n rai.

ESAIA 41:17 ပူးပေါင်းရင်းမြစ်များ

NINGPAWT NINGHPANG 28:15

Yu u, ngai nang hte rau rai nga nngai; nang hkawm sa wa ai lam shagu de ngai hkan pau nga na ring ngai; ndai mung de ngai nang hpe bai woi wa na de ai: nang hte ngai shaka da ai ga n tup tup gaw, ngai nang hpe kau da na n rai,” ngu nna tsun wu ai.

1 HKAWHKAM 17:8

Shaloi Yehowa a ga shi kaw du nna,

2 HKAWHKAM LABAU 6:17

Rai sa, Israela Karai Kasang Yehowa e, na shangun ma Dawi hpe nang tsun da ai ga gaw, teng nga lit ga law.

SHAKAWN KUNGDAWN 22:15

Nye a n-gun di chyen zawn hkraw mat nga ai, Nye a shinglet nye a gumra hta kap mat sai: Si ai nhpu hta nang ngai hpe tawn da nit dai.

SHAKAWN KUNGDAWN 34:6

Ndai matsan mayan wa shaga nga yang, Yehowa madat mara nga nna, ru tsang ai nlang hta na shi hpe hkye la wu ai.

SHAKAWN KUNGDAWN 37:25

Ngai shabrang brang nna ya dingla ni ai: Rai timung, dingman ai wa kau tawn da ai hkrum nna, Shi a kashu kasha ni muk sa hpyi ai gaw, ngai n mu yu nngai.

SHAKAWN KUNGDAWN 42:2

Nye a myit masin Karai Kasang hpe, Hkrung nga ai Karai Wa hpe, shagroi gara nga ai: Ngai Karai Kasang kaw, galoi wa me dawng pru lu na rai nga ai kun?

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

SHAKAWN KUNGDAWN 74:21

Zingri hkrum ai ni kaya kahpa hte n wa mu ga: nni nkri hte matsan mayan hkrum ai ni, Na a amying nsang hpe shakawn nga mu ga.

SHAKAWN KUNGDAWN 94:14

Yehowa gaw shi a amyu hpe kau da na n rai, Shi a sali wunli hpe jahti da na n rai.

PRU MAT 17:3

Dai kaw e amyu masha ni hpang kara nna, Mawshe hpe aput let tsun ma ai gaw, “Anhte hte anhte a kashu kasha ni hpe mung, anhte a yamnga ni hpe mung hpang kara ai hte sat kau na rai yang gaw, hpa majaw Egutu mung na anhte hpe woi wa n ta?” ngu mu ai.

PRU MAT 17:6

Yu u, Horeb bum na lunghkrung ntsa hta na a man e ngai tsap nga na ring ngai; nlung dai hpe nang kayat na wu ai rai nna, amyu masha ni lu na matu, dai nta na ntsin lwi pru na ra ai,” ngu nna tsun wu ai. Mawshe mung Israela a agyi salang ni a man e shing di galaw wu ai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 43:20

Nam na ashu ashan ni mung, nam gwi ni hte u gawla-uk ni mung, ngai hpe shagrau na mara ai: kaning rai nme law, ngai lata la ai nye a amyu masha ni lu hpa lu nna,

ESAIA 44:3

kaning rai nme law, hpang kara ai wa ntsa e ngai ntsin ru bun nna, hkraw hkun ai ga hpe hka shalim na we ai: na a amyu a ntsa e nye a wenyi hpe, na a aru arat a ntsa e nye a shaman ai hpe, ngai ru bun na we ai:

ESAIA 48:21

Shi shanhte hpe akrin daleng hku woi wa yang, shanhte hpang kara hkrum ma ai n rai: shi shanhte a matu lunghkrung hta na ntsin lwi shangun wu ai: shi gaw lunghkrung hpe pyi shaga nna hka lwi nga ai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 55:1

Hpang kara hkrum ai ni yawng hte e, ntsin ga ai de sa marit; gumhpraw n lu ai ni e, sa marit, mari nna lusha mu; gaja wa, sa marit, gumhpraw mung, manu jahpu mung, n hkrat ai sha, tsabyi jahku hte nga chyu hpe mari lu mu.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

ESAIA 65:24

Shanhte garai n shaga yang, ngai htan na nngai; ga naw tsun nga yang pyi, ngai madat na nngai.

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

YEREMIA 31:25

Hki ba hkrum ai myit masin hpe ngai jahkru shakat nngai; yawn hkyen hkrum ai ni yawng hpe, ngai shalan shabran nngai.

SHARUNG SHAYAWT 4:4

Chyu chyu ai ma gaw, chyu karut ai majaw, tinang a shinglet gumra hta kap mat nga ai; Ma kaji ni muk hpyi timung, karan jaw ai wa n nga ai.

EZEKELA 47:8

Shaloi dai wa gaw, Ndai hka gaw sinpraw maga de lwi wa nna, zaibru jang hku lai wa nhtawm, nawng de ang wa na ra ai: dai lwi ai hka gaw nawng hta shang nna, nawng hka gaw mu na ra ai.

MAHTE 5:3

Wenyi hta matsan mayan rai nga ai ni gaw, a lu ma ai; kaning rai nme law, sumsing lamu a mungdan, shanhte a mungdan rai nga malu ai.

MAHTE 5:6

Dinghpring ai hpe kawsi hpang kara nga ai ni gaw, a lu ma ai; kaning rai nme law, shanhte hkru kat wa lu na mara ai.

LUKA 16:24

Shaloi shi gaw, “Wa Abraham e, ngai hpe matsan dum le e; ngai gaw ndai wan grung ai hta nji nmu hkrum nga nngai majaw, Lazaru gaw shi a lata ndung hte ntsin kapruk sa nna, nye a shinglet madit katsi ya li ga, ngai hpang de shangun dat ru law,” ngu nna hpyi jahtau wu ai.

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.