ESAIA 41:14 - Jinghpaw Hanson Version Bible

¹⁴ Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

Jinghpaw Common Language Bible 2009

¹⁴ Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 41:14 ပူးပေါင်းရင်းမြစ်များ

YOBA 19:25

Ngai hpe hkye hkrang la ai wa hkrung nga ai gaw, ngai nan chye nngai, Shi gaw hpang jahtum e ga nhpu ntsa e dawng pru na ra ai.

YOBA 25:6

Dai hta n-ga, abyet rai nga ai shinggyim masha hte shingtai rai nga ai masha kasha gaw, grau nna n san seng nga a hka!” nga ai.

SHAKAWN KUNGDAWN 19:14

Nye a lunghkrung hte ngai hpe hkye hkrang la ai wa, Yehowa e, Nye a n-gup ga hte, nye a myit hta sumru yu ai lam gaw, Na a man e sharawng awng nga u ga law.

SHAKAWN KUNGDAWN 22:6

Ngai chyawm gaw, masha n rai, shingtai rai nga nngai: Masha shatan shara, amyu masha ni a matsat shabat ngai rai nga nngai.

SHAKAWN KUNGDAWN 46:5

Karai Kasang gaw de a ka-ang e shanu nga ai: Dai mare gaw shamu shamawt nga ai n rai; Karai Kasang gaw shi hpe jau jau e karum na wu ai.

SHAKAWN KUNGDAWN 78:35

Karai Kasang gaw shanhte a lunghkrung, Tsaw Htum ai Karai Wa shanhte a shaw hkrang la ai madu rai nga ai, shanhte dum lu nga ma ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 43:14

Israela a Chyoi pra ai Wa, nanhte a Hkye hkrang la ai Madu Yehowa ning nga ai: “Ngai gaw nanhte a matu Babelon mare de shangun nna, hprawng wa ai Hkalde masha ni yawng hpe, tinang machyu nga ai sanghpaw li ni hta, shayu dat na mu ai.

ESAIA 43:3

Kaning rai nme law, ngai gaw, nang hpe Hkye hkrang la ai Madu, Israela a Chyoi pra ai Wa, na a Karai Kasang Yehowa rai nga nngai: na a gawng malai hkungga tai na matu Egutu mung hpe mung, na a malai Hkusha hte Seba mung hpe mung, ngai jaw ni ai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 47:4

Anhte hpe Shaw Hkrang la ai wa chyawm gaw, Israela a Chyoi pra ai Wa, Zaw nawng zaw wa up ai Yehowa mying nga ai.

ESAIA 48:17

Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

ESAIA 54:5

Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

ESAIA 59:20

Ziun hpang de mung, tara tawt lai ai kaw na myit kayin ai Yaku a amyu masha ni hpang de mung, Hkye hkrang la ai Madu du na ra ai, nga nna Yehowa tsun ai.

ESAIA 60:16

Nang gaw maigan amyu ni a chyu chyu na rin dai; hkawhkam ni a madoi chyu hpang hpe chyu na rin dai; shing rai, ngai Yehowa gaw nang hpe Hkye hkrang la ai Madu, Yaku a Daru Magam rawng ai wa gaw, nang hpe Mawai la ai Madu rai nga ai hpe, nang chye lu na rin dai.

ESAIA 63:16

Abraham anhte hpe n chye, Israela anhte hpe n hkap la timung, nang nan, Yehowa e, anhte a Wa rai nga ndai; gaja wa, nang anhte a Wa rai nga ndai; anhte hpe mawai la ai wa e, na a amying ningsang moi chyaloi kaw nna rai nga ai.

YEREMIA 46:27

Rai timung, nye a shangun ma Yaku e, hkum hkrit et; Israela e, masin hkum kahpra et; kaning rai nme law, yu u, ngai nang hpe sumtsan mung de na, na a aru arat hpe bawng dung ai mung kaw nna, hkye hkrang la na nngai: Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

YEREMIA 50:34

Rai timung shanhte hpe Hkye hkrang la ai wa gaw, n-gun lagaw rawng ai wa rai nga ai; shi a mying Zaw nawng zaw wa up ai Yehowa rai nga ai: shi gaw gaja wa shanhte a amu hpe maga let, mungkan ting hpe asan apan di shangun nna, Babelon mare masha ni hpe sharu shatsang na ra ai.

SHARUNG SHAYAWT 3:57

Ngai nang hpe shaga ai shani e, nang sit sa nna, “Hkum hkrit et,” tsun nit dai.

Daniela 10:12

Shaloi shi gaw, “Daniela e, hkum hkrit et; chye na lu na matu mung, na a Karai Kasang man e na a myit shanem na matu mung, nang myit shada da ai shawng shani kaw nna, na a ga hpe na la lu ai: na a ga majaw mung, ngai du ni ai.

HOSEA 11:9

Ngai gaw masin pawt kahtet ai hte maren, n dawdan mayu nngai; Ehprim hpe shamyit kau na, ngai nhtang wa na nngai, n rai: kaning rai nme law, ngai gaw masha n rai, Karai Kasang rai nga nngai: na a ka-ang e shanu nga ai Chyoi pra Htum ai wa, ngai rai nga nngai; ngai gaw n-yun bu ai hte du na n rai.

MAHTE 7:14

Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

ROMA 9:27

Esaia mung Israela amyu a lam jahtau nna, Israela kashu kasha ni gaw nammukdara a zaibru zawn law ma timung, ngam nga ai kau chyen chyu sha hkye hkrang la ai hkrum na mara ai.

GALATI 3:13

Hpun hta e jen da hkrum ai wa kadai rai timung dagam dala hkrum ai wa rai nga ai, nga nna ka da nga ai hte maren, Hkristu gaw anhte a matu mara dagam dala hkrum ai wa tai wa ai majaw jep ai tara a dagam dala kaw na anhte hpe hkrang shaw la mi ai:

TARA JAHPRANG 7:7

Nanhte masha amyu gale mahkra hta nanhte grau law ai majaw nang hpe Yehowa nja nna lata la ndai n rai: amyu gale mahkra hta nanhte grau kaji nga myit dai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

YAWSHU 17:18

bum mi naw madu lu na ndai; dai hta maling htat timung, nang hkyen kau nna dai gaw htum hkra na a rai na rai nga ai; Hkanani masha ni n-gun ja ai hte hpri leng lu ma timung, nang shanhte hpe shachyut kau lu na rai nga ai,” ngu nna tsun wu ai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,