ESAIA 41:10 - Jinghpaw Hanson Version Bible

¹⁰ hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

Jinghpaw Common Language Bible 2009

¹⁰ Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:10 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

NINGPAWT NINGHPANG 26:24

Dai shana e Yehowa gaw shi kaw dan pru nna, “Ngai gaw na nwa Abraham a Karai Kasang rai nga nngai; hkum hkrit et, ngai nang hte rau rai nga nngai; ngai nang hpe shaman ya na de ai rai nna, nye a mayam Abraham a majaw, na a nshu nsha ni hpe shalaw jahtam na we ai,” ngu wu ai.

NINGPAWT NINGHPANG 31:5

Nan a nwa myi man gaw nye a man e shawng de na zawn n rai salu ai, ngai mu se ai: rai timung nye ji wa ni a Karai Kasang ngai hte rau nga nga li ai.

NINGPAWT NINGHPANG 49:24

Rai timung, Yaku hta daru magam rawng ai wa a lata hte, Sagu rem wa ngu ai Israela a nlung hta nna mung, Nang hpe karum nga ai, na nwa a Karai Kasang hte,

2 SAMUELA 22:19

Ngai tsin-yam hkrum ai nhtoi, ngai hpe dim shadang timung, Yehowa nye a shamyet shanat shara tai nga ai.

1 HKAWHKAM LABAU 12:18

Shaloi marai sumshi a agyi Amasai a ntsa e Wenyi dung nga nna, Dawi e, na a masha ni anhte rai nga ga ai; Yese a kasha e, nang hpang maga anhte lawm nga ga ai. Na a Karai Kasang nang hpe Karum ai majaw, “Nang hta ngwi ngwipyaw pyaw rai nga u ga law; Nang hpe karum ai ni mung ngwipyaw nga mu ga law,” ngu nna htan wu yang, Dawi shanhte hpe hkap hkalum la nhtawm, luksuk ni a bu aya dang da mu ai.

2 HKAWHKAM LABAU 20:17

Rai timung nanhte gasat shara n nga ai: Yuda hte Yerusalem masha ni e, asim sha tsap nga mi: Yehowa nanhte hpe hkye hkrang la ai lam mada yu mu: hkum hkrit myit, myit hkum kaji; hpawt ni jang shanhte hpe htim mu; Yehowa nanhte hte rau rai nga ai,” ngu mu ai.

2 HKAWHKAM LABAU 32:8

shi a maga e masha lahpum hkrai rai nga ai; anhte a maga de chyawm gaw, hpyen majan hta anhte hpe makawp maga lu ai, anhte a Karai Kasang Yehowa rai nga ai, nga nna tsun ai ga majaw, mung masha ni gaw Yuda hkawhkam Hezekia ga hta shamyet shanat nga ma ai.

SHAKAWN KUNGDAWN 144:11

Masha tsasam ni a lata hta na, ngai hpe shaw la nna mawai la e; Shanhte a n-gup kaman ga tsun nga nna, Shanhte a hkra lata hkalem sha ai lata rai nga ai.

SHAKAWN KUNGDAWN 144:8

Shanhte a n-gup kaman ga tsun nga nna, Shanhte a hkra lata hkalem sha ai lata rai nga ai.

SHAKAWN KUNGDAWN 145:14

Yehowa gaw kataw ai ni mahkra hpe, sharawt ai rai nna, Shagrit kau hkrum ai ni yawng hpe shadaw nga ai.

SHAKAWN KUNGDAWN 147:12

Yerusalem e, Yehowa hpe shakawn u, Ziun e, na a Karai Kasang hpe kungdawn u.

SHAKAWN KUNGDAWN 18:36

Ngai tsap shara nang nye a npu e dam lada di ya nna, Nye a hkarutum n kayaw nga li ai.

SHAKAWN KUNGDAWN 27:1

Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 29:11

Yehowa shi a amyu hpe n-gun shaja na ru ai; Yehowa shi a amyu hpe ngwipyaw ai hte shaman ya na ru ai law.

SHAKAWN KUNGDAWN 33:12

Karai Kasang ngu ai, Yehowa hpe nawku ai amyu hte, Sali wunli matu shi lata la ai abaw gaw, a nga ai.

SHAKAWN KUNGDAWN 37:17

Tara n lang ai ni a lata hpe agrawp kau ai hkrum na ra ai, Dingman ai ni hpe chyawm gaw, Yehowa shadaw da nga mu ai.

SHAKAWN KUNGDAWN 37:24

Yehowa shi a lata hpe shadaw ya wu ai majaw, shi kataw yang, taw nan nga na n rai.

SHAKAWN KUNGDAWN 41:12

Nye a myit malang ai hta nang ngai hpe shadaw ya nna, na a man e ngai hpe tut tut tawn da nga ndai.

SHAKAWN KUNGDAWN 46:11

Zaw nawng zaw wa up ai Yehowa anhte hte rau nga nga ai. Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 46:7

Zaw nawng zaw wa up ai Yehowa, anhte hte rau nga nga ai, Yaku a Karai Kasang gaw anhte a langchyi rai nga ai. [Selah.]

SHAKAWN KUNGDAWN 63:8

Nye a myit masin nang hpe hkan kanan nga nna, Na a hkra lata ngai hpe shadaw ya nga ai.

SHAKAWN KUNGDAWN 65:5

Anhte hpe hkye hkrang la ai Karai Kasang e, Dingman ai hku hkan nna hkrithpa amu hte, Nang anhte hpe htan ya nga ndai; Aga ting hte tsan tsan e nga ai nammukdara a hpa shara nang rai nga ndai.

SHAKAWN KUNGDAWN 99:4

Dingman ai tara tsawra ai hkawhkam a atsam hpe, Tara npawt hta nang tawn da nu ai; Nang gaw Yaku hta e tara dara ai hte dingman ai lam, jashawn nu ai.

PRU MAT 14:13

Mawshe chyawm gaw, “Hkum hkrit myit, asim sha she nga mu; Yehowa dai ni nanhte a matu hpaw ya na hkye hkrang la lam hpe yu yu ma la: dai ni nanhte mu lu ai Egutu masha ni hpe htawm hpang de galoi mung bai mu la na sai n rai.

PRU MAT 20:20

Shaloi Mawshe gaw, “Hkum hkrit myit; nanhte hpe chyam yu na matu mung, nanhte yubak n galaw hkra, shi hpe hkrit hkungga nga na matu mung, Karai Kasang yu hkrat wa ra ai,” ngu nna amyu masha ni hpe tsun wu ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 35:4

Da ting mu, hkum hkrit myit, ngu nna myit htum ai ni hpe tsun mu: yu mu, nanhte a Karai Kasang gaw matai htang na matu mung, shi kaw na ari jaw na matu mung, du na ra ai; nanhte hpe hkye hkrang la na matu shi nan du na ra ai.

ESAIA 37:6

Esaia mung, “Nanhte a madu du hpe ning ngu tsun mu; Yehowa ning nga ai: Nang na ai, Asuri hkawhkam a shangun ma ni ngai hpe shatan nhkan ai ga majaw, hkum hkrit et;

ESAIA 43:5

Hkum hkrit et; ngai nang hte rau rai nga nngai: sinpraw maga de na, na a aru arat ni hpe ngai woi wa nna, sinna maga de na nang hpe shinggyin la na nngai;

ESAIA 44:2

nang hpe hpan da ai wa, hkritung kaw nna nang hpe shachyaw ai hte, nang hpe karum nga ai Yehowa ning nga ai: Nye a shangun ma Yaku e, ngai lata la ai Yeshurun e, hkum hkrit et;

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 50:9

Yu u, Madu Yehowa ngai hpe karum na ra ai; ngai hpe dawdan ai wa gaw kadai rai ta? dai ni yawng hpun nba zawn dingsa mat na mara ai; manut e mung sha kau na maru ai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

ESAIA 60:19

Shani e nang hta htoi ai nhtoi gaw, ya kaw nna jan a nhtoi n rai; shata a htoi kabrim ai mung, nang hpe htoi ya na n rai: kaning rai nme law, Yehowa gaw na a matu htani htana nhtoi, na a Karai Kasang gaw na a arawng sadang, tai na ra ai.

SHARUNG SHAYAWT 3:57

Ngai nang hpe shaga ai shani e, nang sit sa nna, “Hkum hkrit et,” tsun nit dai.

Daniela 10:12

Shaloi shi gaw, “Daniela e, hkum hkrit et; chye na lu na matu mung, na a Karai Kasang man e na a myit shanem na matu mung, nang myit shada da ai shawng shani kaw nna, na a ga hpe na la lu ai: na a ga majaw mung, ngai du ni ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

HOSEA 1:9

Shaloi Yehowa gaw “Shi hpe Lo-ami, shamying u; kaning rai nme law, nanhte gaw nye a amyu n rai; ngai mung nanhte a Karai Kasang n rai na nngai,” ngu wu ai.

HAGI 1:13

Dai rai nna Yehowa a kasa Hagi gaw, Yehowa tsun ai: Ngai nanhte hte rau rai nga nngai, ngu nna mung masha ni hpe Yehowa a mungga htawn tsun mu ai.

HAGI 2:5

kaning rai nme law, Egutu mung na pru wa nna, nye a Wenyi nanhte hte rau shanu nga yang, ngai nanhte hte tawn da ai ga shaka hte maren, ngai nanhte hte rau rai nga nngai; hkum hkrit myit, nga nna Zaw nawng zaw wa up ai Yehowa tsun ai.

ZEHKARIA 10:12

Ngai gaw Yehowa hta shanhte hpe shangang shakang nna, shanhte gaw shi a amying hta, hkawm sa lu na mara ai,” nga nna Yehowa tsun ai.

ZEHKARIA 10:6

Ngai gaw Yuda dap hpe shangang shakang nna, Yawsep a dap hpe hkye hkrang la na nngai; shanhte hpe matsan dum nga ai majaw, ngai shanhte hpe nhtang wa shangun nna, nye a lata hte shapraw kau n hkrum ai ni zawn, shanhte tai na mara ai: kaning rai nme law, ngai gaw shanhte a Karai Kasang Yehowa rai nga nna, shanhte a ga, ngai madat na nngai.

ZEHKARIA 13:9

Ngai gaw dai htammi hpe wan ka-ang hku lai wa shangun nna, gumhpraw hpe jen ai hte maren, ngai shanhte hpe jen yu nna, aja hpe dinglik yu ai zawn, shanhte hpe dinglik yu na nngai; shaloi shanhte gaw nye a amying hpe shaga nna, ngai shanhte a ga madat na nngai; ngai gaw, ‘Ndai ni nye a amyu rai nga ai,’ nga nna tsun yang, shanhte gaw, ‘Yehowa anhte a Karai Kasang rai nga ai,’ nga nna yin la na mara ai.

LUKA 1:13

Dai lamu kasa chyawm gaw, “Zakari e, hkum hkrit et; nang hpyi ai ga madat ya nit dai rai nna, na madu jan Elisabet gaw na a matu shadang sha shangai na ra ai; shi a amying Yawhan ngu nna, nang shamying ya na ru ai;

LUKA 1:30

Shaloi dai lamu kasa gaw, “Mari e, hkum hkrit et; nang Karai Kasang a man e myi man pa nit dai:

ROMA 8:31

Dai rai yang gaw, ndai hte hta anhte hpa tsun na ga ta? Karai Kasang gaw anhte a maga e nga nga a yang gaw, anhte hpe hpyen ai maga de kadai wa mi nga lu na a ta?

2 KORINHTU 12:9

Dai rai nna shi gaw, “Nye a chyeju gaw na a matu ram nga ai; masha a gawng kya ai hta nye a n-gun atsam hkum tsup nga ai,” nga nna ngai hpe tsun ni ai. Dai re ai majaw, Hkristu a n-gun atsam gaw nye a ntsa e a up nga u ga, nye a gawng kya ai hta grau nna ngai gumrawng na ra nga nngai.

EHPESU 3:16

shi a Wenyi a jaw e nanhte a kraw kata na masha hpe, atsam hte shadaw shalan nna,

TARA JAHPRANG 20:1

Masha hpyen ni hpe nang gasat sa wa ndai shaloi, gumra hte hpyen leng ni hpe mung, nang hta grau law ai masha ni hpe mung nang mu lu yang, nang shanhte hpe hkrit lu na n rai: kaning rai nme law, nang hpe Egutu mung na shaw woi wa ai, na a Karai Kasang Yehowa gaw nang hpang maga rai nga ai.

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

YAWSHU 1:9

Nang hpe ngai hkang sade ai, n rai ni? n-gun da ting nna myit nden shaja u; hkum hkrit et, myit hkum hten et: kaning rai nme law, nang sa wa ai lam magup hta na a Karai Kasang Yehowa rau rai nga ai,” ngu nna tsun wu ai.”

TARA AGYI 6:16

Bai Yehowa gaw, “Gaja wa teng teng ngai nang hte rau nga nga na rai nna, marai langai hpe sha zawn, Midian masha ni hpe, nang sat kau lu na rin dai,” ngu wu ai.