ESAIA 41:1 - Jinghpaw Hanson Version Bible

¹ Zunlawng ni e, nye a man e atsin sha nga mu; masha amyu ni gaw n-gun ningnan shaja mu ga; sit sa marit; shanhte ga tsun mu ga; tara dangrang hkat ga, rau zuphpawng ga.

Jinghpaw Common Language Bible 2009

¹ Karai Kasang gaw, “Sumtsan mungdan ni e, Atsin sha nga nna nye a ga madat mu! Tara rung hta na a amu shawn na matu shajin da u; nang gaw ga shaga lu na ahkaw ahkang lu na ra ai. Kadai wa teng man nga ai hpe daw dan ya na matu rau sa wa ga.

ESAIA 41:1 ပူးပေါင်းရင်းမြစ်များ

YOBA 38:3

Share wa zawn na nshang shingkyit kyit u; ngai san de ga, nang htan ya e.

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 34:1

Amyu baw ni e, madat mara na matu sit sa marit; maigan amyu ni e, matsing mu; lamu ga hte de a yawng mayawng, mungkan ga hte dai hta na pru ai baw nlang, na la mu.

ESAIA 40:31

Yehowa hpe ala nga ai ni chyawm gaw, n-gun lu la nna, kalang zawn singkaw nnan hte pyen lung na mara ai: shanhte gat timung, hki ba na n rai, hkawm timung, n-gun yawm na n rai.

ESAIA 41:5

Zunlawng ni mu nna hkrit ma ai; lamu ga jahtum ni gari ma ai; shanhte sit sa nna du ra ma ai.

ESAIA 43:26

Ngai hpe shadum e; tara dangrang hkat ga: nang mara lawt lu hkra, na amu hpe tsun u.

ESAIA 43:9

Amyu baw ni yawng rau zuphpawng mu ga, masha amyu ni shinggyin nga mu ga: ndai amu hpe mung, moi shawng de byin ai lam ni hpe mung, shanhte hta na kadai tsun lu a ta? shanhte awlaw ai hkrum hkra, tinang a sakse shapraw mu ga; shing n rai, shanhte madat nna, “Ndai gaw teng nga ai,” nga nna yin la mu ga.

ESAIA 48:16

Ngai hpang de sit sa nna, ndai ga madat mara mu; ngai gaw npawt kaw nna mayun e tsun ai n rai: byin pru ai shani kaw nna ngai lawm nga nngai; ya mung Madu Yehowa hte shi a Wenyi ngai hpe shangun dat nngai.

ESAIA 49:1

Zunlawng ni e, nye a ga na la mu, sumtsan mung na amyu ni e, madat mara mu: Yehowa gaw hkritung nna pyi, ngai hpe shaga ni ai; nye nu a kraw lawang kaw nna, nye a amying hpe shabrawng ya ni ai;

ESAIA 50:8

Nye mara dat ya ai wa gaw, saw e rai nga ai: kadai wa ngai hte dangrang hkat na rai ta? shingjawng hkat ga; ngai hpe ra baw shangun ai wa, kadai wa rai ta? dai wa ni wa ru ga.

HABAKU 2:20

Dai sumla gaw sharin achyin lu a ni? Yu u, dai gaw aja gumhpraw hte sup nna, de a kraw lawang e nsoi nsa hpa n rawng nga ai.

ZEHKARIA 2:13

Hkrung mahkrung gaw Yehowa man e asim sha nga mu ga: kaning rai nme law, shi gaw shi a chyoi pra ai shara kaw na hprang rawt wa sai.”