ESAIA 40:9 - Jinghpaw Hanson Version Bible

⁹ Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

Jinghpaw Common Language Bible 2009

⁹ Yerusalem e, tsaw ai bum ntsa de lung nna kabu gara shiga htawn tsun u! Ziun e, ja ai nsen hte shaga nna, kabu gara shiga ndau shabra u! Dai hpe jahtau tsun u, hkum hkrit nga et. Shanhte a Karai Kasang du sa wa nga ai ngu, Yuda mare ni hpe tsun mu!

ESAIA 40:9 ပူးပေါင်းရင်းမြစ်များ

2 HKAWHKAM LABAU 13:4

Shaloi Abiya gaw Ehprim bum ga na Zemarim kawng ntsa e tsap da nna, Yeroboam hte Israela masha nlang hte e, madat mara mu law.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 41:27

Yu mu, yu mu, dai lam byin na ra ai, ngu nna Ziun hpe shawng tsun ai wa ngai rai nga nngai; Yerusalem mare hpe kabu gara shiga htawn tsun ai wa ngai shapraw nngai.

ESAIA 44:26

shi shangun ma ni a ga hpe shagrin da ai hte, shi kasa ni a hpaji daw ai lam shabyin ya ai wa; Yerusalem mare hta masha bai nga nna, Yuda mare ni gaw dè da ai hkrum ai hte, marawng marang re ai htingra ni hpe ngai bai lajang na we ai, nga nna tsun ai wa;

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 51:7

Dinghpring ai lam chye nna, nye a tara hpe myit masin hta kyem da ai amyu e, nye a ga madat mara mu: masha ni a n kaw n law di ai lam hkum tsang myit; shanhte shatan nhkan ai a majaw, myit hkum htum myit:

ESAIA 52:6

Nye a amyu mahtang, nye a amying nsang hpe chye na ra ai: ga tsun ai wa gaw ngai nan rai nga nngai, dai shani e jang, shanhte chye lu na mara ai: yu u, ngai nang e rai nga nngai,” nga nna Yehowa tsun nga ai.

ESAIA 58:4

Nanhte gaw dangrang hkat ai hte, ga law ga la nna, n hkru ai lata latup hte htwi let, lusha gam myit dai: nanhte a nsen gaw, matsaw ntsang de hkrang lu na matu, nanhte dai ni lusha gam ai n rai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

YEREMIA 22:20

Na a jinghku jing-yu ni yawng hten mat hkrum ai majaw, Lebanon bum de lung jahtau u, Bashan mung hta shabam u, Abarim mung e garu u.

YEREMIA 29:11

Yehowa ning nga ai: Nanhte a lam ngai myit ai hku, ngai chye nga nngai: nanhte hpe jahten na n rai; nanhte myit mada ai lam, htawm hpang e lu la hkra, ngwipyaw ai hku hkrai ngai myit nga nngai.

NAHUM 1:15

Mai kaja ai shiga hte, ngwipyaw lam tsun shana ya ai wa a lagaw hpe, bum lang ntsa e mada yu mu! Yuda e, na a poi ni hpe galaw u; na ndat ga rap raw u: n hkru ai wa gaw htawm hpang e nang kaw ga sa wa lu na n rai: shi gaw nhtum nni shamyit kau ai hkrum wa sai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

KASA 2:14

Shaloi Petru gaw sape shi langai ni hte rau rawt nna, nsen shaja let dai masha ni hpe tsun wu ai gaw, “Yuda mung na ni hte Yerusalem e nga nga ai ni nlang hte e, ndai lam nanhte chye na myit ga; nye a ga hpe mung madat la mu.

KASA 4:13

Shanhte chyawm gaw, Petru yan Yawhan a nden ja ai myit mu nna, shan gaw laika n chye ai, yu maya masha rai nga ma ai hpe chye ma ai majaw, mau nga ma ai; rai timung, shawng de Yesu hte rau shan nga yu ai gaw, shanhte dum ma ai:

KASA 4:29

Ya yang Madu e, shanhte a daru ahkrim ai ga hpe dum ya mi; machyi makaw mai tsai hkra, na a lata ladawn nna, na a chyoi pra ai Shangun ma Yesu a amying hte lamik kumla, mauhpa amu byin nga ai hta,

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

EHPESU 6:19

Dai kabu gara shiga a jaw e, hkang hkyihkyang hte hkang da ai kasa ngai rai nga timung, dai kabu gara shiga a sung htum ai lam hpe nden ja ai myit hte shana ya lu nna,

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 PETRU 3:14

Dai rai nna, dinghpring ai lam a majaw, nanhte nni nkri hkrum myit yang gaw, nanhte a lu nga myit dai; shanhte a jahkrit ai hpe mung, hkum hkrit nga myit; de a majaw sha pyi hkum ung ang nga myit;

TARA AGYI 9:7

Ya dai lam Yohtam hpe shana ya mu yang, Gerizim bum pungding e shi lung tsap nna, shi a nsen shaja let jahtau wu ai gaw, “Shehkem masha ni e, nanhte a ga Karai Kasang madat ya malit ga, nye a ga madat la mu law.