ESAIA 40:4 - Jinghpaw Hanson Version Bible

⁴ hkaraw hkamwam shagu hpe, gaw shatsaw na ra ai; bum hte kawng shagu hpe shanem na ra ai; hkalik hkalawk re ai shara pri mat na ra ai; machyawk marawk re ai shara layang tai na ra ai:

Jinghpaw Common Language Bible 2009

⁴ Kadit shagu hpe jahpring mu; bum shagu hpe shara mu. Kawng ni gaw pa layang tai mat nna rawk marak re ai mungdan gaw pri tsawm mat na ra ai.

ESAIA 40:4 ပူးပေါင်းရင်းမြစ်များ

GA SHAGAWP 2:15

Masu magaw lam hkan nna, tengman ai lam yit kau ai ni a lata na mung, nang hpe mawai la na ra ai.

ESAIA 40:3

Marai langai mi a jahtau ai nsen gaw: “Nam mali e Yehowa a matu lam lajang da mu; zaibru jang e anhte a Karai Kasang a matu, nmaw lam shading mu:

ESAIA 40:5

Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

ESAIA 42:11

Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

ESAIA 45:2

na a amying hte nang hpe shaga ai wa, Israela Karai Kasang, ngai Yehowa nan rai nga nngai gaw, nang chye na lu hkra, ngai gaw na a shawng e sa wa nna, kabawng kachyawng re ai shara ni hpe ara sha di na we ai;

ESAIA 49:11

Nye a bum ni yawng hpe ngai lam shatai nna, nye a nmaw lam ni hpe, gaw shatsaw na we ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

EZEKELA 17:24

Shing rai, ngai Yehowa gaw, tsaw ai hpun hpe shanem kau nna, nem ai hpun hpe shatsaw nngai mung, tsit lali ai hpun hpe jahkraw kau nna, hkraw ai hpun hpe tsit lali shangun nngai mung, nam mali na hpun ni yawng chye lu na mara ai: ngai Yehowa nan tsun ai hte maren shabyin nngai,” nga ai.

EZEKELA 21:26

Kaning rai nme law, Babelon hkawhkam gaw, shaba wawt yu na maru, dai lam lahkawng a nbraw e tsap nga ai: shi gaw pala ni hpe garu kayau nhtawm, hpara sumla ni hpe san yu nna, sinpai hpe yu nga ai.

ZEHKARIA 4:7

“Bum kaba e, nang kadai rai n ta?” “nang gaw Zerubabela man e layang tai na ndai; shi gaw magum nlung hpe mara da nna, masha ni gaw, Dai hta chyeju nga u ga, chyeju nga u ga, nga nna jahtau garu na mara ai,” nga nna ngai hpe tsun ai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

LUKA 3:5

Hkaraw hkamwam shagu kaput lu na rai nga ai, Bum hte kawng shagu hpe daw kau lu na rai nga ai; Magaw ai lam ni hpe shading lu na rai nga ai, Machyawk marawk re ai lam ni hpe shara lu na rai nga ai:

1 SAMUELA 2:8

Matsan mayan ni hpe ga nhpu kata na, Kawsi jaren ni hpe hkumpup kata na, Shi sharawt la nna, du magam kasha ni hte rau dung let, Magam tingnyang sali dagraw lu ai ahkang jaw wu ai: Ginding aga madi wa daw ni hpe Yehowa madu nga ai rai nna, Dai ni a ntsa e mungkan aga de tawn wu ai.