ESAIA 40:30 - Jinghpaw Hanson Version Bible

³⁰ Shabrang ni mahtang n-gun yawm nna, hki ba hkrum na mara ai; wa-ngan ni gaja wa kataw na mara ai.

Jinghpaw Common Language Bible 2009

³⁰ Brang ji ni pyi n-gun yawm nna; wa-ngan shabrang ni hki ba ai hte kataw lu nga ma ai.

ESAIA 40:30 ပူးပေါင်းရင်းမြစ်များ

SHAKAWN KUNGDAWN 33:16

Kadai hkawhkam mung, luksuk kaba hte lawt lu ai n rai, Gara share mung, tinang a n-gun kaba hte lawt lu ai n rai.

SHAKAWN KUNGDAWN 34:10

Hkanghkyi hkalung ni lusha kadawn nna, kawsi hkrum ma timung, Yehowa hpe tam ai ni kaja ai hpa mung n ra ma ai.

SHAKAWN KUNGDAWN 39:5

Nye a nhtoi lahpa mi daram nang tawn da ya nit dai; Nye a aprat na a man e hpa mung n rai nga ai: Gaja wa, masha gade reng nga rai timung, Shi kaman lila sha naw rai nga ai. [Selah.]

HPAJI NINGLI 9:11

Bai, jan a npu e mada yu yang, gat lawan chye ai majaw sha, gat shingjawng dang ai, n rai; n-gun ja ai majaw sha, hpyen majan dang lu ai n rai; hpaji byeng-ya majaw sha, shahpa lu ai, n rai; chye chyang ai majaw sha, sutgan lu ai, n rai; maka kumla pru ai majaw sha, myi man pa na, n rai: aten ladaw hte, ang wa ai hte maren, shanhte mahkra a matu byin ang wa ai hpe, ngai mu nngai.

ESAIA 13:18

Shanhte a ndan ni shabrang ni hpe adup agrawp kau nna, ma chyangai ni hpe matsan n chye dum na hte, shanhte a myi gaw ma kaji ni hpe n yu lahpawt nga ai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

YEREMIA 48:15

Moba gaw marawng marang tai mat sai; de a mare ni hkru hkat mat masai; shi san da ai shabrang ni gaw, sat kau hkrum na matu yu wa masai, nga nna Zaw nawng zaw wa up ai Yehowa mying ai Hkawhkam tsun nga ai.

YEREMIA 6:11

Dai re ai majaw, Yehowa a myit kahtet ai hte ngai hpring nga nngai; naw sharang nga lu ai n rai; “Mare lam e nga ai ma ni a ntsa e mung, zuphpawng nga ai shabrang ni a ntsa e mung, dai hpe ru dat u: madu wa hte madu jan mung, aprat kaba ai hte dingla ugut gu ai ni mung, rim la ai hkrum na mara ai.

YEREMIA 9:21

Kaning rai nme law, si du gaw anhte a hkuwawt hku lung nna, anhte a htingnu ni hta shang nhtawm, ma kaji ni hpe ndaw hkan, shabrang ni hpe mare htingwan hkan e shaza kau manu ai.

AMO LAIKA (AMOS) 2:14

Larau ladau re ai ni, hprawng lu na n rai; n-gun ja ai ni, tinang a n-gun dat lu na, n rai; share wa gaw, tinang a asak hpe hkrang la lu na, n rai:

1 SAMUELA 30:10

Shaloi Dawi hte marai mali tsa hkan shachyut mu ai: marai ni tsa chyawm gaw, nau ba mat nna Besora hka shi n dang rap ai majaw hti nga mat ma ai.