ESAIA 40:3 - Jinghpaw Hanson Version Bible

³ Marai langai mi a jahtau ai nsen gaw: “Nam mali e Yehowa a matu lam lajang da mu; zaibru jang e anhte a Karai Kasang a matu, nmaw lam shading mu:

Jinghpaw Common Language Bible 2009

³ Nsen langai gaw, “Dai Madu a matu nam mali e lam lajang mu! Anhte a Karai Kasang a matu zaibru jang e lam jasan jaseng mu!

ESAIA 40:3 ပူးပေါင်းရင်းမြစ်များ

SHAKAWN KUNGDAWN 68:4

Karai Kasang hpe mahkawn mu, Shi a amying nsang hpe mangoi mu; Nam prang e jawn ai wa a matu lam waw mu, Shi a amying Yehowa rai nga ai; Shi a man e sharawng awng nga mu.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 40:4

hkaraw hkamwam shagu hpe, gaw shatsaw na ra ai; bum hte kawng shagu hpe shanem na ra ai; hkalik hkalawk re ai shara pri mat na ra ai; machyawk marawk re ai shara layang tai na ra ai:

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 49:11

Nye a bum ni yawng hpe ngai lam shatai nna, nye a nmaw lam ni hpe, gaw shatsaw na we ai.

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

MALAHKI 3:1

Yu u, nye a Kasa hpe ngai shangun dat nngai; shi gaw nye a man e, lam lajang na ra ai: nanhte hkan tam ai Madu gaw, shi a nawku Htingnu de akajawng sha du na ra ai; nanhte marit nga ai ga shaka a Kasa gaw, yu u, shi du ra ai, nga nna Zaw nawng zaw wa up ai Yehowa tsun ai.

YAWHAN 1:23

“Ngai gaw, myihtoi Esaia htawn tsun ai hte maren, ‘Dai Madu a lam shading mu,’ nga nna nam e jahtau ai wa a nsen rai nga nngai,” ngu mu ai.