ESAIA 40:22 - Jinghpaw Hanson Version Bible

²² Lamu madin ntsa e dung nna, de a npu e shanu nga ai ni hpe, dinggam-yaw zawn nawn ai wa gaw, Shi nan rai nga ai: shi gaw sumsing lamu hpe nba zawn grang nna, shanu na matu sum zawn kahpyen da wu ai.

Jinghpaw Common Language Bible 2009

²² Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.

ESAIA 40:22 ပူးပေါင်းရင်းမြစ်များ

NINGPAWT NINGHPANG 1:6

Bai Karai Kasang gaw, “Hka hpungnung a ka-ang e lamu madin din nna, hka hte hka karan u ga,” nga ai.

YOBA 22:14

Sumwi ni shi hpe ka-up nna, shi n mu lu ai; lamu a lahta tsang e shi hkawm nga ai, nga nna tsun ndai.

YOBA 26:7

Dingdung maga hpe asan awan hta shi hpyan da nna, ginding aga hpe hpatwat e, noi da wu ai.

YOBA 36:29

Gaja wa, sumwi ni mawng bra wa ai hte, shi sum a mu ngoi ai nsen, kadai chye lu a ta?

YOBA 37:18

Jaw ai magri jamna zawn grin nga ai lamu madin hpe, nang shi hte rau din da nni?

YOBA 9:8

Sumsing lamu hpe shi nan kahpyen da nna, nammukdara hka leng ni hta, kabye hkawm nga ai.

SHAKAWN KUNGDAWN 104:2

Nhtoi hpe nba zawn nang hpun lawai nga ndai, Sumsing lamu hpe hpajawng zawn, nang kahpyen da nu ai.

SHAKAWN KUNGDAWN 18:11

Shi gaw nsin hpe shi a makoi magap shara shatai nna, Hka kaba a nsin hte, htat ai sumwi ni, Shi a grup grup na sum tai nga ma ai.

SHAKAWN KUNGDAWN 19:4

Mung shagu hta dai hte a ngoi ai gaw, Mungkan ting hta dai hte a mungga, pri rai sai: Shi gaw dai hte hta jan a matu sum lajang da nu ai.

SHAKAWN KUNGDAWN 2:4

Lamu hta dung nga ai wa gaw mani nga ai, Dai Madu shanhte hpe asawng kau mu ai:

SHAKAWN KUNGDAWN 29:10

Yehowa gaw Sha-u sha-ing ai ntsa e, dung nga sai; Yehowa gaw htani htana Hkawhkam adung nga ai.

SHAKAWN KUNGDAWN 68:33

Chyi nma kaw nna sumsing lamu hta jawn ai wa hpe mahkawn mu; Yu mu, shi gaw nsen kaba hte jahtau dat wu ai.

GA SHAGAWP 8:27

Shi gaw sumsing lamu hpe hpajang da yang, ngai lawm nngai: Sung htum ai shara hpe jarit kawan da ai hte,

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 37:16

Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai, nang gaw sumsing lamu hte ginding aga hpe hpan da nu ai.

ESAIA 40:15

Yu u, amyu baw ni gaw, nhtung hta hkrat ai, ntsin nsi hte bung nna, jang hta kap ai nbun zawn nawn nga ai; zunlawng ni mung shi a lata hta hpaw tsaw zawn rai nga ai.

ESAIA 40:17

Amyu baw ni yawng, shi a man e hpa n re ai zawn rai nga ai; shi gaw shanhte hpe lam n la ai kaman zawn, nawn nga ai.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 42:5

Sumsing lamu hpe hpan nna kahpyan da ai wa, ginding aga hte dai hta nga manga hpe nep da ai wa, de a ntsa e nga ai amyu ni hpe asak, dai hta hkawm nga ai ni hpe wenyi jaw ai wa, Karai Kasang Yehowa ning nga ai:

ESAIA 44:24

Nang hpe mawai la ai wa, hkritung kaw nna nang hpe shachyaw ai Yehowa ning nga ai: Yawng mayawng hpe hpan da ai Yehowa ngai rai nga nngai; ngai nan sumsing lamu hpe hpyan da nngai; ginding aga hpe ngai nep da nngai: ngai hte rau nga ai wa kadai?

ESAIA 51:13

sumsing lamu hpe hpyan da ai hte, ginding aga npawt ni gaw da ai, nang hpe Hpan da ai wa Yehowa hpe malap kau ai hte, jahten shabyak maw ai wa a n-yun bu ai hpe shani shagu tutnawng hkrit ai wa, nang gaw, hpa wa rai nga nta? jahten shabyak maw ai wa a n-yun bu ai mung, ya kanang rai nga a ta?

ESAIA 66:1

Yehowa gaw ning nga ai: Sumsing lamu gaw nye a tingnyang, ginding aga gaw nye lagaw a kabye lahkum rai nga ai: nye a matu kaning re ai nta galaw na myit ta? ngai ban sa ai shara, kaning re ai shara rai na a ta?

YEREMIA 10:12

Yehowa gaw shi a n-gun atsam hte ginding aga hpe hpan da nu ai; shi a hpaji byeng-ya hte mungkan ga hpe shagrin da nu ai; shi a nyan hte sumsing lamu hpe hpyen da nu ai:

ZEHKARIA 12:1

Israela amyu hpe sha-ang ai, Yehowa a shingran mungga, da ndai rai nga ai: Sumsing lamu hpe kahpyan nna, ginding aga a npawt nhpang gaw da ai hte, masha a kraw kata e, wenyi hpan da ai Yehowa gaw, ning nga ai:

BU HKAWM 13:33

Nehpelim ngu ai amyu hta na prat ai Anak a kashu kasha Nehpelim masha ni hpe mung anhte mu da sagaw ai: shanhte a man e anhte gaw hkagrit hkadawn zawn she nawn ai wa rai nga ai; shanhte mung anhte hpe dai zawn sha a nawn kau na mi ai,” nga nna tinang sa yu da ai mung a lam Israela kashu kasha ni hpe shiga chyahten wa tsun dan mu ai.