ESAIA 40:20 - Jinghpaw Hanson Version Bible

²⁰ Nau matsan nna, dai baw kumhpa n jaw lu ai wa gaw, greng ai hpun lata la nhtawm, kangu nga ai sumla hpe tawk na matu, hpaji rawng ai lasama tam nga ai.

Jinghpaw Common Language Bible 2009

²⁰ Aja gumhpraw n dang di lu ai wa kadai mung tsam mat n chye ai hpun lata la nga ai. Shi gaw n kadawng mat ai gawkngu sumla galaw na matu kung kyang ai lasama langai tam nga ai.

ESAIA 40:20 ပူးပေါင်းရင်းမြစ်များ

ESAIA 41:7

Shing rai lasama gaw janghkam wa hpe, sumdu lang ai wa gaw ndup wa hpe, shadaw let, “Dai gaw namsan kaja rai nga ai,” nga nna tsun ma ai: n shamu n shamawt lu hkra, shi dai sumla hpe hpri masen hte dit shakap nga ai.

ESAIA 44:12

Ndup wa gaw, nwa dup na matu, nra wan hta ju nhtawm, lata lahpum n-gun dat let, sumdu hte dup ga ai; gaja wa, shi kawsi hkrum ai hte n-gun yawm wa ai; ntsin n lu ai majaw, gawng kya nga ai.

ESAIA 46:7

Shanhte gaw dai sumla hpe hpai nna, la wa ai hte de a shara hta tawn da mu ai; dai mung atsap nga nna shi a shara na n htawt lu nga ai; shi hpe jahtau timung htan lu ai n rai; ruyak kyin dut hta na mung, hkye mawai la lu ai n rai.

Daniela 5:23

sumsing lamu na Madu hpe nang shinggan kau nna, shi a nta na gawm ni hpe, na a man de jashawn nhtawm, nang hte na a agyi salang ni, numdung num ni hte lashi num ni, dai gawm ni hta tsabyi jahku lu nga ma hka; dai hta n-ga, myi n mu, na n na, hpa mung n chye ai gumhpraw, aja, magri, ahpri, hpun hte nlung hpara ni hpe nang shakawn kungdawn nna, na nsoi nsa Madu ngu ai, na a lam yawng hpajang tawn da ai Karai Kasang hpe, nang shagrau sha-a ai n rai:

Daniela 5:4

Gaja wa shanhte tsabyi jahku lu nna, aja, gumhpraw, magri, hpri, hpun hte nlung e tawk galaw ai hpara ni hpe, shakawn kungdawn ma ai.