ESAIA 40:18 - Jinghpaw Hanson Version Bible

¹⁸ Dai rai nna Karai Wa hpe hpa hte shadawn na myit ta? Shi hpe hpa hkrang sumla hte shabung na myit ta?

Jinghpaw Common Language Bible 2009

¹⁸ Karai Kasang hpe kadai hte shadawn lu a ta? Shi gaw kadai hte bung nga ai lam nang kaning rai tsun dan lu na n ta?

ESAIA 40:18 ပူးပေါင်းရင်းမြစ်များ

YOBA 40:9

Na a lahpum Karai Wa a lahpum zawn rai nga a ni? Shi zawn mu ngoi ai nsen shapraw lu nni?

SHAKAWN KUNGDAWN 113:5

Htaw ntsa e shi a dung tingnyang rai nga timung, Lamu hte aga a arai guji guyang yu yu na,

SHAKAWN KUNGDAWN 89:6

Lamu sumwi hta e Yehowa hte kadai wa bung nga a ta? Hpara kasha ni hta Yehowa hte kadai wa pre nga a ta?

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

SHAKAWN KUNGDAWN 89:8

Zaw nawng zaw wa up ai Karai Kasang Yehowa e, Nang zawn n-gun rawng ai gaw, kadai wa rai nga a ta? Na a sadi sahka nang hpe shinggrup nga ai.

PRU MAT 15:11

Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi Pra ai hta dan hkung nga ai wa, nang zawn re ai kadai nga a ta?

PRU MAT 20:4

Lamu a lahta tang, lamu a npu ga ntsa tsang, ga a npu hka hpungtang hta rawng ai baw a hkrang hte bung ai sumla, nang na a matu hkum galaw hkum shachyaw et;

PRU MAT 8:10

Shi gaw, “Hpawt de rai u ga,” ngu wu ai. Mawshe mung, “Anhte a Karai Kasang Yehowa zawn re ai Karai Kasang n nga ai gaw nang chye lu na matu, na a ga hte maren rai na ra ai.

PRU MAT 9:14

ga ntsa ting hta e ngai zawn re ai kadai n nga ai gaw, nang chye lu na matu, ya ndai lang hta gaw, na a masin hta mung, na a agyi salang ni hte na a amyu masha ni hta mung, nye a ari zinli nlang ngai sharut bun dat na made ai.

ESAIA 40:25

Dai rai nna, “ngai hpe hpa hte shadawn na mi ta? ngai gaw kadai hte bung nga n ta?” nga nna Chyoi pra ai wa gaw san nga ai.

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 46:5

Nanhte ngai hpe kadai wa hte shabung nna, ngai shi hte bung hkra, kadai wa hte shadawn nna, shapre na myit ta?

ESAIA 46:9

Moi prat na lam ni hpe dum mu; ngai gaw Karai Kasang rai nga nngai; shaje n nga ai; ngai nan Karai Kasang rai nga nna, ngai hte bung ai n nga ai:

YEREMIA 10:1

Israela dap na ni e, Yehowa nanhte hpe tsun dan ai ga madat mara mu;

YEREMIA 10:16

Yaku a kamhtaw chyawm gaw, dai hte n bung nga ai; Shi gaw yawng mayawng hpe hpan da ai wa rai nga ai; Israela gaw shi a sali wunli amyu rai nga ai; shi a amying gaw, Zaw nawng zaw wa up ai Yehowa rai nga ai.

YEREMIA 10:6

Yehowa e, nang hte bung ai wa kadai n nga ai; nang galu kaba nga ndai; na a mying nsang mung, hpung shingkang hte galu kaba nga ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

KASA 17:29

Shing rai, anhte Karai Kasang a amyu matu ni rai nga ga ai majaw, Karai Kasang ngu ai hpe, masha a hpaji lata hte tawk ka ai aja, gumhpraw, nlung sumla hte bung ai, ngu nna n mai myit la ga ai.

TARA JAHPRANG 33:26

Yeshurun e, Karai Kasang hte bung ai kadai n nga ai; Nang hpe karum na nga, sumsing lamu hta yawn, Shi a hpung shingkang hte sumwi hta jawn nga ai.

TARA JAHPRANG 4:15

Horeb bum e wan kata nna, Yehowa nanhte hpe shaga myit dai shaloi, hpa zawn san ai hkrang mung nanhte n mu myit dai hte maren,

KOLOSE 1:15

Shi gaw myi e n mu lu ai Karai Kasang a hkrang bung sumla rai nga ai hte, hpan da ai arai yawng mayawng hta alat rai nga ai.

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

1 SAMUELA 2:2

Yehowa zawn chyoi pra ai kadai n nga ai; Nang hta kaga Karai shaje n nga ai, Anhte Karai Kasang zawn, lunghkrung shaje n nga ai.