ESAIA 40:12 - Jinghpaw Hanson Version Bible

¹² Nammukdara hka hpe lata lahkyawn hte shadawn ai wa, sumsing lamu hpe tinang lata hte lahkam yu ai wa, ga nhpu hpe dang bye hte hteng yu ai wa, bum ni hpe joi hte kawng ni hpe jang hte, shen yu ai wa, kadai wa rai ta?

Jinghpaw Common Language Bible 2009

¹² Nammukdara hpe lata latup mi hte kadai shadawn lu a ta? Sumsing lamu hpe shi a lata hte kadai shadawn lu a ta? Ginding aga a ga sau hpe gawm hta bang nna kadai lang lu a ta? Bum ni hte kawng ni hpe joi jang hta bang nna kadai shen lu a ta?

ESAIA 40:12 ပူးပေါင်းရင်းမြစ်များ

YOBA 28:25

Shi gaw nbung laru hpe shen yu nna, hka hpung ni hpe shadawn sharam yu nga ai.

GA SHAGAWP 30:4

Lamu de lung wa nna, bai yu wa ai gaw, kadai? Tinang a lata hte nbung hpe latup da lu ai gaw, kadai? Tinang a palawng hte hka hpung ni hpe majaw da lu ai gaw, kadai? Lamu ga njut nnaw ni hpe tawn da ai gaw, kadai? Shi a amying hpa rai ta? Kasha a amying mung hpa rai ta? Nang chye n yang gaw tsun u.

ESAIA 48:13

Gaja wa nye a lata gaw ginding aga hpe gaw da sai, nye a hkra lata gaw sumsing lamu hpe hpyan da nu ai: ngai shaga yang, dai ni gaw rau tsap nga ma ai.

YEREMIA 31:37

Bai Yehowa ning nga ai: Lahta tang na sumsing lamu hpe shadawn lu nna, lawu tsang na ginding aga npawt nhpang ni hpe sawk yu lu ai rai yang, Israela kashu kasha ni mahkra hpe, shanhte galaw ai amu majaw, ngai kabai kau na nngai, nga ai.

AMO LAIKA (AMOS) 4:13

Kaning rai nme law, yu u, bum ni hpe gaw da nna, nbung hpe hpan da ai hte, masha a myit mang ai hpe shapraw shadan chye ai wa, jahpawt nhtoi hpe nsin shatai ai hte, ga ntsa na tsaw htum ai shara ni hpe kabye hkawm ai wa gaw, Zaw nawng zaw wa up ai, Karai Kasang Yehowa, mying ai wa rai nga ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.