ESAIA 40:11 - Jinghpaw Hanson Version Bible

¹¹ Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

Jinghpaw Common Language Bible 2009

¹¹ Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 40:11 ပူးပေါင်းရင်းမြစ်များ

NINGPAWT NINGHPANG 33:13

Yaku gaw, Ma ni mung n kung ma ai; sagu bainam ni hte dumsu ni mung chyu chyu ai hkalung nang ma ai hpe, nang madu chye ya nga ndai: lani mi hta sha nau gawt jang gaw hpung mahkra ni si mat na ma ai.

NINGPAWT NINGHPANG 49:24

Rai timung, Yaku hta daru magam rawng ai wa a lata hte, Sagu rem wa ngu ai Israela a nlung hta nna mung, Nang hpe karum nga ai, na nwa a Karai Kasang hte,

SHAKAWN KUNGDAWN 100:3

Yehowa gaw Karai Kasang rai nga ai, chye mu: Shi anhte hpe hpan da mi ai rai nna, Anhte shi a masha ni rai nga ga ai; Shi a amyu hte shi a udat na sagu hpung, anhte rai nga ga ai.

SHAKAWN KUNGDAWN 27:10

Nye nu wa ni ngai hpe jahka kau rai timung, Yehowa ngai hpe pawn la na nngai.

SHAKAWN KUNGDAWN 28:9

Na a amyu hpe hkye hkrang lu u, Na a sali wunli hpe shaman ya e; Tutnawng e shanhte hpe woi rem nna pawn la mu law.

SHAKAWN KUNGDAWN 37:3

Yehowa hpe shamyet shanat nga nna kaja ai amu galaw u: Dai mung hta shanu nga nna, sadi sahka hpe tam u.

SHAKAWN KUNGDAWN 80:1

Sagu hpung hpe zawn, Yawsep amyu hpe woi wa ai, Israela hpe rem ai wa e, madat u; Hkerubim ntsa e dung ai wa e, dan pru rit.

ESAIA 42:3

Bye dip kau ai mai-aw hpe shi n shadaw na hte, kachyi mi sha tu ai wan shat hpe sat kau na n rai: shi gaw tengman ai hte tara ding ai hku shapraw na ra ai.

ESAIA 63:11

Shaloi Yehowa gaw moi na nhtoi ni hpe mung, Mawshe hte shi a amyu masha ni hpe mung dum nna, Tinang a masha ni hpe sagu rem ni hte hpawn, nammukdara na woi shapraw ai wa gaw, kanang rai nga a ta? shanhte a ka-ang e shi a Chyoi pra ai Wenyi bang da ai wa gaw, kanang rai nga a ta?

YEREMIA 31:10

Masha amyu ni e, Yehowa a ga madat mara mu; Israela masha ni hpe shabrai kau ai wa gaw, shanhte hpe bai shinggyin la nhtawm, sagu rem wa tinang sagu hpung hpe sin nga ai zawn, shanhte hpe sin nga ai zawn, shanhte hpe sin nga na ra ai, ngu nna sumtsan zunlawng du hkra tsun shana mu.

YEREMIA 31:8

Yu mu, ngai shanhte hpe dingdung mung de na woi wa nna, lamu ga htum ai de na shinggyin la na nngai: shanhte hte rau myi kyaw ai wa hte lagaw hten ai wa, gawngli ai num hte shinggyim machyi hkrum ai num, lawm nna, wunawng wuwa kaba wa na mara ai.

EZEKELA 34:15

Ngai hkum nan nye a sagu ni hpe bau na nngai; shanhte hpe hpum shangun na nngai;

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

EZEKELA 34:2

“Masha kasha e, Israela amyu a sagu rem ni hpe sha-ang nna myihtoi htoi u; myihtoi htoi nna sagu rem ni hpe htawn tsun u, “Madu Yehowa ning nga ai: Tinang hkum hpe sha bau ai Israela sagu rem ni gaw, dingnye lu mu ga; sagu rem wa gaw, sagu ni hpe bau mai ai, n rai ni?

EZEKELA 34:23

Sagu rem wa langai mi hpe mung ngai san da nna, sagu ni hpe shi rem nga na ra ai: dai wa gaw nye a shangun ma Dawi rai na ra ai: shi sagu ni hpe bau nna, dai ni a sagu rem wa tai na ra ai.

EZEKELA 34:31

“Nye a udat shara hta nga ai, nye a sagu hpung e, nanhte shinggyim masha hkrai rai nga timung, ngai gaw nanhte a Karai Kasang rai nga nngai,” nga nna Madu Yehowa tsun ai.

EZEKELA 37:24

Shaloi nye a shangun ma Dawi shanhte a hkawhkam tai nna, shanhte yawng sagu rem wa langai sha lu na mara ai; nye a hkang da ai ga hpe shanhte hkan nang nna, nye a matsun maroi ga hpe hkan shatup na mara ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

ZEHKARIA 11:7

Shing rai ngai gaw sat na matu san da ai, matsan mayan sagu hpung hpe, rem nga nngai. Sagu rem dawhkrawng lahkawng ngai la nna, langai mi hpe, Chyeju, langai mi hpe, Matut manoi, ngu shamying nngai; shaloi ngai gaw dai sagu hpung hpe rem nga nngai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

1 PETRU 5:4

Shing rai yang gaw, dai Hpung rem agyi wa dan pru ai shaloi e, nanhte gaw n wai n mat ai a rawng sadang a janmau hpe, lu la na mu ai.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.