ESAIA 4:6 - Jinghpaw Hanson Version Bible

⁶ Shani e jan kahtet yang, nbung laru hte marang htu yang, shingbyi shinggang na matu, sum langai mi kaap na ra ai.

Jinghpaw Common Language Bible 2009

⁶ Shi a hpung shingkang gaw shani na jan a kahtet kang ai kata kaw nna shim nga ai shara hte nbung laru hte marang htu ai kaw na shingbyi shinggang na matu dai mare a ntsa e shingnip ya na ra ai aten du wa nga ai.

ESAIA 4:6 ပူးပေါင်းရင်းမြစ်များ

SHAKAWN KUNGDAWN 27:5

Shi gaw ruyak ai nhtoi hta shi a npan e ngai hpe makoi da ni ai; Shi sum a shingbyi shara hta ngai hpe magap da nngai: Lunghkrung ntsa e, shi ngai hpe shadun da ni ai.

SHAKAWN KUNGDAWN 55:8

Nbung bung ai hte laru kaba kaw na, Shingbyi ai shara de ngai alawan hprawng mat wa na nngai” nga nna tsun nga nngai.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

GA SHAGAWP 18:10

Yehowa a amying ningsang gaw ngang ai langchyi rai nga ai; Dinghpring ai wa gaw, dai de hprawng shang nna, shim nga ai.

ESAIA 14:32

Dai re ai majaw, sumtsan mung na kasa ni hpe, kaning ngu htan na rai ta? Yehowa gaw, Ziun mare hpe gaw da ai rai nna, shi a amyu hta nni nkri hkrum ai ni gaw, dai hta e shingbyi nga na mara ai.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 32:1

Yu mu, dinghpring ai hku hkan ai hkawhkam up nga nna, du ni gaw malang ai hku hkan let, tara dara na mara ai.

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 8:14

Dai rai yang shi gaw chyoi pra ai shingbyi shara tai na ra ai: rai timung, Israela dap lahkawng a matu, ahtu kataw na nlung hte, myit kataw shangun ai lunghkrung, Yerusalem masha ni a matu, mahkam hte ndaw, shi tai na ra ai:

EZEKELA 11:16

“Dai re ai majaw, Madu Yehowa ning nga ai, ‘Ngai shanhte hpe sumtsan mung na amyu ni hpang de htawt kau nna, mungdan ni hta ayai kau timung, shanhte sa nga ai mung ni hta, ngai shanhte a matu, tawng marang mi, nawku shara tai na nngai:'

HEBRE 11:7

Kamsham ai hte Noa gaw garai n mu yu ai arai ni a lam shadum jahprang ai hkam la lu ai rai nna, shi a nta masha ni hpe hkye hkrang la na matu hkrit hkungga ai myit hte sanghpaw li shachyaw wu ai: shing rai kamsham ai hte shi mungkan ga hpe jeyang nna, makam masham hte seng ai dinghpring ai a sali wunli hkam la ai wa, rai wa ai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

SHINGRAN 7:16

Shanhte gaw hpang de galoi mung kawsi hpang kara n hkrum na masai; jan shingna mung, hpa kahtet ai mung, shanhte hpe hkra lu na n rai: