ESAIA 4:5 - Jinghpaw Hanson Version Bible

⁵ Yehowa gaw Ziun bum na nta ni hte de a shawa hpawng ni a ntsa e, shani e wan hkut sumwi, shana e htoi kabrim ai wan shinglet hpan da nna, de a arawng sadang yawng a ntsa e magap ka-up nga na ra ai.

Jinghpaw Common Language Bible 2009

⁵ Dai hpang Ziun Bum ntsa hte dai yang e jahpawng da hkrum ai ni yawng a ntsa e, dai Madu gaw shani e sumwi hte shana e wan hkut hte htoi san ai wan shinglet ni dat dat na ra ai. Karai Kasang a hpung shingkang gaw ka-up nga nna mare ting hpe makawp maga na ra ai.

ESAIA 4:5 ပူးပေါင်းရင်းမြစ်များ

NEHEMIA 9:12

Dai hta kaga, shani e sumwi shadaw hte mung, shana e shanhte sa wa na lam jahtoi ya na matu, wan shadaw hte mung, nang shanhte hpe woi wa mu ai.

SHAKAWN KUNGDAWN 105:39

Shingnip tai na shi sumwi hpe hpyan ka-up nna, Shana e, wan jahtoi ya mu ai.

SHAKAWN KUNGDAWN 111:1

Myit malang ai ni a salang bawng hta e mung, Dai shawa hpawng hta e mung, nye a myit masin mahkra hte, Ngai Yehowa hpe shakawn kungdawn na nngai.

SHAKAWN KUNGDAWN 78:14

Shi shanhte hpe shani e sumwi hte, Shana tup wan nhtoi hte, woi wa mu ai.

SHAKAWN KUNGDAWN 85:9

Gaja wa, anhte a mungdan hta e arawng nga lu u ga; Shi a hkye hkrang la ai lam, shi hpe hkrit kamyin ai ni kaw ani sha nga nga ai.

SHAKAWN KUNGDAWN 89:7

Shi gaw, chyoi pra ai ni a shawa hpawng hta e, Makrim hpa rai nga ai rai nna, Shi a grup yin e nga ai nlang hte hta, Hkrithpa Karai Wa rai nga ai.

PRU MAT 14:24

Jahpawt manap na ahkying e Yehowa gaw dai wan sumwi shadaw hta nna Egutu hpyen hpung ni hpe mada yu let, shanhte hpe sharu shatsang da mu ai.

PRU MAT 24:16

Yehowa a hpung shingkang Sina bum ntsa e dan hkung nga ai hte, sumwi mung kru ya tup a ka-up nga ai; sanit ya ngu na nhtoi hta dai sumwi kata nna, shi Mawshe hpe shaga wu ai.

PRU MAT 26:1

Dai hta kaga di sumpan sum mung, nba grang shi dang hte nang galaw lu na rai ndai; kaboi ngut sai mani ai lachyit ri hte, sawm tsit ai, hkyeng mang ai, hkyeng tsawm ai ri a, ka chye ai masha ka ai Hkerubim sumla kap ai, nang galaw lu na rai ndai.

PRU MAT 26:7

Bai dai sumpan sum, galup na matu bainam mun hte da ai nba grang shi langai nang galaw lu na rai ndai.

ESAIA 32:18

Nye a amyu masha ni gaw ngwipyaw ai buga, shim ai dum nta, asim sha re ai dabang e, shanu nga na mara ai.

ESAIA 33:20

Anhte poi dè ai Ziun hpe yu u; mailak langai mi pyi n baw ai hte, de a sumri langai mi n dut yu ai, galoi mung sit kau n hkrum ai sum ngu ai, ngwipyaw Yerusalem mare hpe, nang gaja wa mu lu na rin dai.

ESAIA 37:35

Kaning rai nme law, Yehowa tsun ai gaw, “Ngai hkum nan a majaw mung, nye shangun ma Dawi a majaw mung, ndai mare hpe ngai makawp maga nna hkye hkrang la na we ai, nga ai,” ngu dat mu ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 60:1

Rawt u, htoi tu u; na a nhtoi du ra ai; Yehowa a hpung shingkang na ntsa e dan hkung nga ai.

ESAIA 60:2

Kaning rai nme law, yu u, gaw ginding aga hpe, htat ai nsin gaw amyu baw ni hpe, ka-up na ra ai; rai timung, na a ntsa e Yehowa paw pru nna, shi a hpung shingkang na a ntsa e dan hkung na ra ai.

MAHTE 18:20

Kaning rai nme law, marai lahkawng masum, nye a mying hpe gang nna zuphpawng nga ma yang gaw, dai yang shanhte a ka-ang e ngai mung lawm nga nngai,” ngu mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.