ESAIA 39:8 - Jinghpaw Hanson Version Bible

⁸ Shaloi Hezekia gaw, Nang htawn tsun ai Yehowa a ga mai kaja nga ai: bai, Gaja wa nye a aprat e ngwipyaw ai hte sadi sahka rai na ra ai,” ngu nna Esaia hpe tsun wu ai.

Jinghpaw Common Language Bible 2009

⁸ Hkawhkam Hezekia gaw shi a prat hta ngwi pyaw sim sa lam hte shim lum lam nga nga sana re hpe shi chye na wu ai majaw shi gaw, “Ngai hpe nang jaw ya ai dai Madu kaw na mungga gaw mai kaja nga ai,” ngu nna bai htan wu ai.

ESAIA 39:8 ပူးပေါင်းရင်းမြစ်များ

2 SAMUELA 15:26

shing n rai, ‘Nang hpe ngai n ra sade ai,’ nga yang gaw, rai sa, nga nga nngai, shi ra ai hku ngai e di ru ga,” ngu nna tsun wu ai.

2 HKAWHKAM LABAU 32:26

Hezekia chyawm gaw shi myit kaba ai yubak a majaw, Yerusalem masha ni hte rau myit nem nga nna, Yehowa a pawt sindawng ai gaw, shi a prat dingsa e, shanthe a ntsa e n du nga ai.

2 HKAWHKAM LABAU 34:28

Yu u, ngai nang hpe na nji nwa ni hte rau jahpawng da nna, nang gaw ngwipyaw ai hte na a lup hta shang lu na rin dai; ndai shara ntsa e mung, dai hta e nga nga ai ni a ntsa e mung, ngai shapraw ai tsin-yam tsindam hpe na a myi hte mu lu na n rai, ngu mu,” ngu nna tsun dat mu ai. Shing rai shanhte bai wa nna, hkawhkam wa hpe dai ga htawn tsun dan mu ai.

YOBA 1:21

“Ngai gaw nu a hkritung kaw nna singgu krin shangai sa nngai, Dai de singgu krin bai wa na ni ai; Yehowa jaw ya nna, Yehowa bai dawm la nga ai, Yehowa mying nsang gaw a nga u ga law,” nga ai.

SHAKAWN KUNGDAWN 39:9

Nang gaw ndai lam shabyin ndai majaw, Ngai n shaga, nye a n-gup n hpaw we ai.

SHARUNG SHAYAWT 3:22

Yehowa a chyeju majaw sha, anhte n htum mat ga ai; shi a matsan dum ai myit ma mat chye ai, n rai.

SHARUNG SHAYAWT 3:39

Asak hkrung ai wa gaw, hpa majaw put ngun nga a ni? masha wa gaw tinang a yubak majaw, put ngun nga u ga.

JAW JAU 10:3

Shaloi Mawshe gaw Arun hpe, Ngai kaw sit sa ai wa hta nye a chyoi pra ai lam ngai madun nna, amyu masha ni mahkra a man e ngai hpung shingkang lu la na we ai, nga nna Yehowa tsun ai gaw ndai zawn re ai lam hpe tau nna tsun ai rai nga ai, ngu wu ai. Arun gaw atsin sha rai nga ai.

ZEHKARIA 8:16

“Nanhte hkan galaw na lam da ndai rai nga ai: Langai hte langai tinang a htingbu wa hte, tengman ai ga tsun mu; nanhte a mare chyinghka ni hta tengman ai hte ngwipyaw ai hku hkan nna, tara dara mu;

ZEHKARIA 8:19

Zaw nawng zaw wa up ai Yehowa ning nga ai: “Shata mali hta e mung, shata manga hta e mung, shata sanit hta e mung, shata shi hta e mung, shata sanit hta e mung, shata shi hta e mung, matsing da ai lusha gam ai aten ladaw ni gaw, Yuda masha ni a matu kabu gara, myit pyaw ai hte sharawng awng ai poi ni tai na ra ai: dai re ai majaw, tengman ai hte ngwipyaw ai lam hpe tsawra nga mu.”

1 PETRU 5:6

Dai rai nna, Karai Kasang gaw ram ging ai aten e, nanhte hpe shagrau shatsaw dat myit ga, shi a n-gun rawng ai lata npu e, tinang dai myit anem nga mu:

1 SAMUELA 3:18

Samuela mung lama mi muk n ip da ai sha, atsai awai tsun dan wu ai. Eli gaw, “Yehowa she rai nga ai gaw, shi ra ai hku galaw u ga,” ngu nna yin wu ai.