ESAIA 39:6 - Jinghpaw Hanson Version Bible

⁶ Yu u, Yehowa ning nga ai, Na nta hta rawng marawng hpe mung, dai ni du hkra na nji nwa ni mahkawng da ai arai hpe mung, Babelon mare de htawm mat wa ai aten du na ra ai: hpa mung ngam da na n rai.

Jinghpaw Common Language Bible 2009

⁶ na a hkawhkam htingnu kata hta rawng marawng arai mahkra hte, na a nji nwa ni dai ni du hkra mahkawng da nga ai arung arai ni gaw Babelon mung de htawm mat wa hkrum nna, hpa mung ngam da ya na n rai.

ESAIA 39:6 ပူးပေါင်းရင်းမြစ်များ

2 HKAWHKAM 24:13

Dai hta kaga, Yehowa tsun da ai hte maren, shi gaw, Yehowa nta na sut rai nlang hpe mung, hkawhkam htingnu na sut rai nlang hpe mung, kashun la nna, Yehowa a nawku Htingnu matu Israela hkawhkam Shawlumon galaw da ai aja wan ni hpe mung agrawp kau wu ai.

2 HKAWHKAM LABAU 36:10

Ladu hkrum yang hkawhkam Nebuhkadneza gaw shi hpe rim la nna, Yehowa nta na manu hpu ai arai ni hte hpawn, Babelon mare de shi hpe rim wa nna, shi a kanau Zedekia hpe, Yuda hte Yerusalem ntsa e hkawhkam shatai wu ai.

2 HKAWHKAM LABAU 36:18

Karai Kasang a nta na wan ni kaji kaba mahkra hpe mung, Yehowa nta na sutgan, hkawhkam wa hte shi a agyi salang ni a sutgan mahkra hpe mung, Babelon mare de la wa mu ai.

YEREMIA 20:5

Dai hta n-ga ndai mare a sutgan mahkra hpe mung, atu amyat mahkra hpe mung, hpu ai baw mahkra hpe mung, Yuda hkawhkam a sutdek arung arai mahkra hpe mung, hpyen ni a lata hta ngai ap ya nna, shanhte gaw dai hpe lanep shatai nna, Babelon mare de la wa na maru ai.

EZEKELA 23:26

Bai shanhte gaw na a hpun palawng hpe sharun kau nna, tsawm la ai gali lakai ni hpe hpyu la na mara ai.

Daniela 1:2

Ya Madu gaw, Yuda hkawhkam Yehoiakim hte, Karai Kasang nta na arai nkau mi hpe, Nebuhkadneza lata hta ap ya kau nna, shi gaw dai arai ni hpe, Shina mung e nga ai, shi a hpara nta de la wa nhtawm, shi a hpara nta sutdek hta bang da wu ai.

Daniela 1:3

Shaloi hkawhkam wa gaw, unuk ni a agyi Ashpena hpe shaga la nna, ra n rawng ai, hpraw tsawm ai hte, hpaji byeng-ya amyu myu, chye chyang ai hte maka kumla pru nna, hkawhkam htingnu hta amu galaw mai ai, Israela kashu kasha shabrang nkau mi hpe