ESAIA 39:3 - Jinghpaw Hanson Version Bible

³ shaloi myihtoi Esaia gaw hkawhkam Hezekia hpang de sa du nna, “Ndai manam ni gaw hpa lam tsun ma ta? kanang nna nang kaw sa du ma ta?” ngu nna san wu yang, Hezekia gaw, “Tsan tsan e nga ai Babelon mung na sa du ma ai,” ngu nna htan wu ai.

Jinghpaw Common Language Bible 2009

³ Dai hpang myihtoi Esaia gaw Hkawhkam Hezekia hpang de sa nna, “Ndai dat kasa ni gara shara kaw na sa nhtawm nang hpe kaning nga tsun nga ma ni?,” ngu nna san wu ai. Hezekia gaw, “Shanhte gaw grai tsan ai Babelon mung na sa wa ai ni rai ma ai,” ngu nna tsun wu ai.

ESAIA 39:3 ပူးပေါင်းရင်းမြစ်များ

2 SAMUELA 12:1

Dai hpang Yehowa gaw Nahtan hpe Dawi hpang de shangun dat wu ai. Nahtan mung shi kaw shang nna, “Hkawhkam wa e, mare langai mi hta marai lahkawng nga nga ma ai; langai mi gaw sahti kunmi, langai mi matsan mayan wa rai nga ai.

2 HKAWHKAM LABAU 16:7

Dai aten e myihtoi Hanani gaw Yuda hkawhkam Asa hpang de du nna, Nang gaw na a Karai Kasang Yehowa hta n hpa ndai hte, Suri hkawhkam hta hpa ndai majaw, Suri hkawhkam a hpyen luksuk ni gaw na a lata na lawt wa masai.

2 HKAWHKAM LABAU 19:2

Shaloi Hanani a kasha myihtoi Yehu gaw hkawhkam Yehosahpat hpe sa tau nna, “Nang gaw n hkru ai wa hpe karum na hte, Yehowa hpe n dawng ai ni hpe tsawra mai nga a ni? nang galaw ai amu a majaw Yehowa a pawt sindawng ai gaw na ntsa e du ra ai.

2 HKAWHKAM LABAU 25:15

Dai re ai majaw Yehowa gaw Amazia hpe pawt bu nna, myihtoi langai mi shi hpang de shangun dat nna, dai wa gaw, “Tinang a amyu hpe pyi na a lata na n shaw la lu ai Hpara tsasam ni hpe, nang hpa majaw hkan tam nga n ta?” ngu wu ai.

ESAIA 38:1

Dai aten hte yang Hezekia gaw si machyi hkrum nga ai rai nna, Amot a kasha myihtoi Esaia shi kaw sa du nna, Yehowa ning nga ai: “Nang hkrung nga lu na n rai, si na ndai majaw, na a nta na dinghku lam hpajang da u,” ngu wu ai.

ESAIA 38:5

Bai nhtang u; Hezekia hpe ning ngu u; “Na nwa Dawi a Karai Kasang Yehowa ning nga ai, Na akyu hpyi ai ga ngai na ni ai; na myi prwi ngai mu nngai: yu u ngai na a asak hpe shi manga ning naw jat ya na de ai.

ESAIA 39:4

Bai Esaia gaw, “Shanhte na a nta hta hpa mu lu ma ta?” ngu nna san wu yang, Hezekia gaw, “Nye nta hta rawng marawng mahkra hpe mu masai; nye sutdek hta rawng marawng, ngai shanhte hpe n madun dan ai gaw, hpa mung n nga ai,” ngu nna htan wu ai.

YEREMIA 4:16

amyu baw ni hpe shi shana ya mu: yu u, sin langa ni gaw sumtsan mung na sa nna, Yuda mare ni a hpang maga e garu nga ma ai, ngu nna Yerusalem hpe shana ya mu.

YEREMIA 5:15

Yehowa ning nga ai: Israela amyu e, nang hpe gasat na matu, sumtsan mung na amyu langai mi hpe ngai woi wa na nngai: dai gaw, n-gun atsam rawng ai amyu, moi chyaloi nhkoi na amyu, rai nga ai; dai amyu a ga hpe nang n chye, shanhte tsun ai hku, nang n chye na ndai.

YEREMIA 8:19

Yu u, nye amyu shayi sha a shabam ai nsen hpe, sumtsan mung kaw nna ngai na nngai: “Yehowa gaw Ziun mare hta n nga a ni? de a hkawhkam wa gaw, mare kata e n nga a ni? De a tawk la ai hpara sumla ni hte, sumtsan mung na kaman lila lam hkan let, hpa majaw ngai hpe pawt sindawng shangun ma ta?

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

YAWSHU 9:6

shanhte gaw Gilgala dap e nga ai Yawshu hpang de sa nna, shi hte Israela masha ni hpe, “Anhte gaw sumtsan mung na du sa ra ga ai; dai re ai majaw anhte hte ga shaka tawn da ga,” ngu mu ai.

YAWSHU 9:9

Shaloi shanhte gaw, “Na a Karai Kasang Yehowa a amying ningsang majaw, na a mayam ni nachying tsan ai mung kaw nna du ra ga ai: shi a gumhkawng ai shiga hpe mung, Egutu mung e galaw ai lam yawng mayawng hpe mung,