ESAIA 38:20 - Jinghpaw Hanson Version Bible

²⁰ Yehowa gaw ngai hpe hkye hkrang la sai: Dai re ai majaw anhte gaw prat dingsa Yehowa a nta nhku e, tingse dum let, Nye a mahkawn mangoi ga hpe mahkawn mangoi na ga ai.

Jinghpaw Common Language Bible 2009

²⁰ Madu e, nang gaw ngai hpe shamai shatsai la nit dai. Anhte gaw sumpyi ni dum nna na a shakawn kungdawn ga hpe mahkawn mangoi na ga ai, Anhte ahkrung nga dingsa na a Nawku Htingnu hta mahkawn shakawn kungdawn nga na ga ai.

ESAIA 38:20 ပူးပေါင်းရင်းမြစ်များ

SHAKAWN KUNGDAWN 104:33

Ngai hkrung nga ai hte yang, Yehowa hpe ngai mahkawn na nngai, Ngai naw nga yang, nye a Karai Wa hpe ngai mangoi na nngai.

SHAKAWN KUNGDAWN 116:2

Shi gaw ngai hpang de shi a na kayin dat wu ai rai nna, Ngai hkrung nga ai prat hte hta e, ngai shi hpe shaga na nngai.

SHAKAWN KUNGDAWN 145:1

Nye a Karai Kasang hte Hkawhkam wa e, Ngai nang hpe shagrau na nngai; Na a amying nsang hpe, htani htana sha-a nga na nngai.

SHAKAWN KUNGDAWN 145:2

Shani shagu ngai nang hpe a sha-a nga na de ai: Na a amying nsang hpe, htani htana Prat dingsa, ngai shakawn nga na nngai.

SHAKAWN KUNGDAWN 146:2

Ngai asak hkrung nga ai hte yang, Yehowa hpe ngai shakawn nga na nngai; Ngai naw agrin nga ai hte yang, Nye a Karai Kasang hpe ngai kungdawn nga na nngai.

SHAKAWN KUNGDAWN 150:4

Shupsheng dum ai hte ka let, Shi hpe shakawn kungdawn mu; Tingse sumri hte sumpyi hte, Shi hpe shakawn kungdawn mu.

SHAKAWN KUNGDAWN 33:1

Dinghpring ai ni e, Yehowa hpe shakawn mu; Myit dinghpring ai ni a kungdawn ga sut nga ai.

SHAKAWN KUNGDAWN 33:2

Tingse dum let Yehowa a chyeju shakawn mu, Sumri shi rawng ai duria hte shi a matu dum mu.

SHAKAWN KUNGDAWN 51:15

Madu e, nye a nten hpaw ya e. Shaloi nye a n-gup nang hpe shakawn na lam hkai dan na ra ai.

SHAKAWN KUNGDAWN 68:24

Karai Kasang e, nang nawt sa wa ai hpe, nye a Karai Wa hte Hkawhkam chyoi pra ai lam hkan nna, Nawt sa wa ai hpe, shanhte mu ma ai.

SHAKAWN KUNGDAWN 68:25

Mahkawn mangoi ai ni shawng sa wa nna, Tingse dum ai ni hpang hkan ma ai: Shupsheng dum let mahkawn ni ka-ang e sa ma ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

YONA 2:10

Ngai chyawm gaw chyeju dum ai nsen hte, nang hpe hkungga jaw na nngai: Ngai ndat da ai ga sadi ngai shanga na nngai; Hkye hkrang la ai lam Yehowa kaw na rai nga ai,” nga ai.

HABAKU 3:19

Madu Yehowa gaw, nye a n-gun atsam rai nga ai: Shi gaw nye a lagaw hpe shan lagaw zawn shatai nna, Nye a tsaw ai shara hta, ngai hpe hkawm shangun ai law. Sumpyi dum ai agyi a matu; nye a tingse ni hta mai dum ai mahkawn ga.