ESAIA 37:4 - Jinghpaw Hanson Version Bible

⁴ Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

Jinghpaw Common Language Bible 2009

⁴ Asuri hkawseng gaw asak hkrung nga ai Karai Kasang hpe n kaw n law di na matu shi a hpyen du wa hpe dat dat nu ai. Dai Madu na a Karai Kasang gaw dai zawn re ai n kaw n law re ai lam hpe na nna shanhte hpe shing ngu tsun sai wa hpe ari jaw u ga law. Dai rai nna naw ngam nga ai anhte a amyu masha ni a matu Karai Kasang kaw akyu hpyi ya mi.”

ESAIA 37:4 ပူးပေါင်းရင်းမြစ်များ

2 SAMUELA 16:12

Dai ni wora wa matsa ai a marang e, ngai hkrum sha ai shoi chyum ai hpe Yehowa mada mara nna, chyeju bai nhtang jaw na nhten,” ngu wu ai.

2 HKAWHKAM 17:18

Dai re ai majaw Yehowa gaw Israela amyu hpe grai pawt sindawng nga nna, shi a myi man kaw na shanhte hpe yeng seng kau mu ai: Yuda amyu hta kaga kadai hpe mung ngam da mu ai n rai.

2 HKAWHKAM 19:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mara akyu hpyi ya mi law,” ngu nna tsun mu ai.

2 HKAWHKAM LABAU 28:19

Kaning rai nme law, Israela hkawhkam Ahaza majaw, Yehowa gaw Yuda mung hpe shagrit kau wu ai: shi gaw Yuda mung hta pagawn di wu ai rai nna, Yehowa hpe grai shut kau wu ai.

2 HKAWHKAM LABAU 34:21

Ndai mu hkrup ai laika a mungga a lam, nye a matu mung, Israela hte Yuda mung hta naw ngam nga ai ni a matu mung, Yehowa hpe sa san yu mu: kaning rai nme law, ndai laika hta ka da mada hte maren, anhte a ji wa ni Yehowa ga n hkan nga ai majaw, Yehowa a pawt sindawng ai gaw anhte a ntsa e ru bun nga ai, ngu dat mu ai.

SHAKAWN KUNGDAWN 106:23

Shaloi shanhte hpe jahten na shi maw nga ai: Rai timung, shi lata la ai Mawshe gaw Shi a man e tsap nga nna, shanhte hpe n jahten mu ga, Shi a myit hpe shakawp ya wu ai.

SHAKAWN KUNGDAWN 50:21

Dai nang galaw ai hpe ngai atsin sha nga nga ai majaw, Nang zawn ngai rai nga nngai, nang myit nga ndai: Rai timung, ngai nang hpe sharin ya nna, Na mara na a man e, hpyan dan na de ai,” ngu wu ai.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 10:20

Dai shani kaw nna naw ngam nga ai Israela masha ni hte, lawt lu ai Yaku a masha ni gaw shanhte hpe zingri ai wa hta bai n shamyet nga ai sha, kangka re ai myit hte, Israela Chyoi pra ai Wa Yehowa hta shamyet shanat nga na mara ai.

ESAIA 10:22

Israela amyu e, na a masha ni gaw nammukdara zaibru daram law nga timung, madat dingsat chyu sha nhtang wa na ra ai: dinghpring ai hte tawn da sai dawdan ai lam dik wa na ra ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 36:13

Bai Rabshake gaw rawt tsap nna, Yuda ga hte nsen kaba sharawt let, “Galu kaba htum ai, Asuri hkawhkam a ga hpe madat mara nga mu law.

ESAIA 36:18

Yehowa gaw anhte hpe hkye mawai la na ra ai, nga nna Hezekia nanhte hpe hkalau yang, hkum madat nga myit. Mung mi hte mung mi a Hpara ni hta, gara mahtang tinang a mung ni hpe Asuri hkawhkam a lata na hkye mawai la lu na rai ta?

ESAIA 36:20

Yehowa gaw Yerusalem mare hpe nye a lata na hkye hkrang la lu hkra, mung shagu na Hpara ni mahkra hta, gara mahtang tinang a mung hpe nye a lata na hkye hkrang la lu na rai ta?” ngu nna jahtau tsun wu ai.

ESAIA 37:17

Yehowa e, na la nna madat mara ya e; Yehowa e, na a myi hpaw nna mada yu u; ahkrung nga ai Karai Kasang hpe shatan nhkan ai Senahkerib shagun ai ga mahkra hpe matsing nga u law.

ESAIA 37:31

Tsin-yam lawt ai Yuda dap lakung ni mung, ru bai jung nna, asi si kung dam wa na mara ai:

ESAIA 37:32

kaning rai nme law, naw ngam nga ai ni Yerusalem mare kaw na, tsin-yam lawt ai ni Ziun bum kaw na, pru wa na mara ai: Yehowa a nja nhpra myit dai lam hpe shabyin na ra ai.

ESAIA 37:5

Shing nga tsun yang, hkawhkam Hezekia shangun ma ni gaw Esaia hpang de du ma ai.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

YEREMIA 26:19

Yuda hkawhkam Hezekia hte, Yuda mung masha ni gaw, dai myihtoi wa hpe sat ma ni? Shi gaw Yehowa hpe hkrit hkungga let, Yehowa hpe tawngban nga ai, n rai ni? Yehowa mung, shanhte hpe lakap nna tsun ai ari ahpri dawm la nu ai, n rai ni? Anhte chyawm gaw tinang akyu hten hkra, n hkru ai amu kaba galaw maw ga hka, ngu nna tsun mu ai.

Daniela 2:18

shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

YOELA 2:17

Yehowa a amu gun hpai ai hkinjawng ni gaw, nta jan hte tawn hkungri lapran e hkrap ngu hkrap ngoi let, Yehowa e, na a amyu hpe matsan dum e law maigan amyu ni anhte a ntsa e up nga nna, na a sali wunli masha ni aroi arip hkrum hkra, shanhte a lata hta anhte hpe hkum ap kau et: Shanhte a Karai Kasang kanang nga a hka? Nga nna masha amyu ni hta, hpa majaw tsun shajang na ma ta? nga nna tsun mu ga.

AMO LAIKA (AMOS) 5:15

N kaja ai hpe n dawng nna, kaja ai hpe tsawra mu: mare chyinghka lam e tara malang ai hku tawn da mu: shing rai yang, Zaw nawng zaw wa up ai Karai Kasang Yehowa gaw, naw ngam nga ai Yawsep a masha ni hpe, matsan dum dam nhten.

AMO LAIKA (AMOS) 7:2

dai ni gaw, mung ting na tsit lali ai hpe sha kau ai majaw, ngai gaw, Madu Yehowa e, mara dat kau ya e; Yaku kaji nga ai majaw, kaning rai rawt lu na rai ta? ngu nna hpyi nngai.

ROMA 9:27

Esaia mung Israela amyu a lam jahtau nna, Israela kashu kasha ni gaw nammukdara a zaibru zawn law ma timung, ngam nga ai kau chyen chyu sha hkye hkrang la ai hkrum na mara ai.

YAKU 5:16

Nanhte shamai shatsai hkrum myit ga, nanhte a yubak mara hpe shada da shapraw dan nna, shada da a matu mara akyu hpyi nga mu.

YAWSHU 14:12

Dai rai nna, dai shani e Yehowa tsun ai bum ndai ngai hpe jaw e; dai bum hta Anak masha ni nga ai mung, mare bunghku ngang ai mare kaba ni nga ai mung, dai shani nang na nit dai: Yehowa ngai hte rau nga nga yang gaw, Yehowa a ga hte maren ngai shanhte hpe shachyut kau lu na a dawng,” ngu nna Yawshu hpe hpyi wu ai.

1 SAMUELA 12:19

Mung masha ni nlang hte mung, Samuela hpe, “Na a mayam ni n si n ga, na a Karai Kasang Yehowa kaw anhte a matu hpyi nem ya mi: anhte hkawhkam hpyi kau ai majaw, shawng na shut ai mara ni a ntsa e, bai shut jat sagaw ai,” ngu mu ai.

1 SAMUELA 12:23

Ngai chyawm gaw, nanhte a matu n hpyi nna, Yehowa hpe shut ai lam gaw, ngai hte tsan nga u ga law: dai mai kaja ai hte tengman ai lam hpe ngai nanhte hpe naw madun na nngai.

1 SAMUELA 14:6

Ya Yonahtan gaw, “Sa, wora, matu n gadoi ai masha ni a dap de sa saga; Yehowa an hpe a karum na ra ai; Yehowa hkye hkrang la ai lam gaw, masha law ai n law ai hta, hkan ai n rai,” ngu nna shi a ri nhtu lang ai wa hpe tsun wu ai.

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.

1 SAMUELA 17:36

Shing rai, na a mayam hkanghkyi hpe mung, tsap hpe mung sat kau lu ai: dai matu n gadoi ai Hpilisti wa mung, ahkrung nga ai Karai Kasang a hpyen laba ni hpe jahpoi ai majaw, dai zawn rai na ra ai,” ngu wu ai.

1 SAMUELA 7:8

Dai rai nna Israela kashu kasha ni gaw Samuela hpe, “Anhte a Karai Kasang Yehowa, Hpilisti masha ni a lata na anhte hpe hkye la mi ga, anhte a matu akyu ahpyi ya nga mi,” nga ma ai.