ESAIA 32:6 - Jinghpaw Hanson Version Bible

⁶ Kaning rai nme law, mana ai wa gaw, matsa mawa ga hte Yehowa hpe ga hku shut kau na matu mung, kawsi hkrum ai ni, grau kawsi kyet na hte, hpang kara hkrum ai ni ntsin n lu lu na matu mung, mana ga tsun nna n kaja ai hpaji daw na ra ai.

Jinghpaw Common Language Bible 2009

⁶ Angawk ai wa gaw angawk ai hku shaga nga ai, n hkru ai amu galaw na matu myit shapraw nga ai. Shi galaw ai amu hte tsun ai ga ni gaw dai Madu hpe n kaw n law di nga ai, shi gaw kawsi kyet ai wa hpe galoi mung n jaw sha, hpang gara ai ni hpe lu na ntsin n jaw nga ai.

ESAIA 32:6 ပူးပေါင်းရင်းမြစ်များ

SHAKAWN KUNGDAWN 141:4

Nye a myit n shawp ai amu n maw u ga; Kaman lila galaw ai masha ni hte rau, Tara n hkan ai bungli ngai mung n galaw n ga; Shanhte a reng ai shat hpe, ngai n sha lawm n ga.

GA SHAGAWP 19:3

Masha gaw ngawk ai myit a majaw, tinang lam yit nna, Kraw e Yehowa hpe mara shagun nga ai.

GA SHAGAWP 24:7

Hpaji byeng-ya gaw, myit n su ai wa a matu, nau tsaw nga ai; Shi gaw mare chyinghka lam e n-gup n hpaw wam nga ai.

ESAIA 10:2

n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 26:10

Tara n lang ai wa gaw, chyeju hkam la timung, dinghpring ai lam sharin la hkraw ai, n rai; malang ai hku hkan ai mung hta pyi, shi myit magaw ai hku maw nna, Yehowa a daru magam hpe nawn ai n rai.

ESAIA 3:15

nye a amyu masha ni hpe adip arip di kau nna, matsan mayan ni hpe myi man jasum ai gaw, hpa majaw rai ta? nga nna Zaw nawng zaw wa up ai, Madu Yehowa tsun nga ai.

ESAIA 31:2

Shi mahtang nyan rawng nna, nni nkri jahkrum na ra ai; shi a ga shabai la na n rai; n hkru n hkra ai amyu hpe mung, tara n hkan ai ni, sa karum na mung, hkap shadang na ra ai.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

YEREMIA 13:23

Ehtiopi wa gaw tinang a ahpraw asam, rawnggawk gaw tinang a ateng apang ka ai hpe, galai kau lu na a ni? dai rai yang, n hkru n hkra galaw man ai ni, nanhte nan, kaja ai amu galaw lu na myit dai.

EZEKELA 34:18

Nanhte gaw kaja ai udat shara hta ushat sha ai hta n-ga, naw ngam nga ai tsingdu hpe nanhte a lagaw hte kabye kau nna, san ai ntsin hpe lu lu ai hta n-ga, naw ngam nga ai hka hpe kabye hkanu kau na gaw, nanhte a matu amu kaji zawn nawn nga myit ni?

Daniela 12:10

Masha law law wa tinang hkum hpe shachyoi shapra nna, hpraw wa ai hte san seng na mara ai; tara n lang ai ni chyawm gaw, tara n lang ai hku hkan nang na mara ai; tara n lang ai wa kadai mung, chye na lu na n rai: nyan rawng ai ni chyawm gaw, chye na lu na mara ai.

AMO LAIKA (AMOS) 8:6

hpa n lu ai ni hpe gamaw kau mayu ai hte, matsan mayan ni hpe mungdan kaw na jahtum kau mayu ai ni e, ndai ga madat mara mu.

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

1 SAMUELA 24:13

Moi na ni a ga malai gaw, ‘N hkru ai ni kaw na n hkru ai sha pru chye ai,’ nga ai ga wa teng timung, nye a lata gaw nang kaw n shadu n ga.