ESAIA 32:2 - Jinghpaw Hanson Version Bible

² Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

Jinghpaw Common Language Bible 2009

² Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

ESAIA 32:2 ပူးပေါင်းရင်းမြစ်များ

SHAKAWN KUNGDAWN 143:9

Yehowa e, nang hpang de ngai hprawng wa nngai rai nna, Gumlau ni kaw na ngai hpe mawai la e.

SHAKAWN KUNGDAWN 32:7

Nang gaw nye a makoi magap shara rai nga ndai, Ru tsang ai lawt u ga, nang ngai hpe sin nga ndai: Padang nlaw mahkawn ga hte nang ngai hpe kawan da ni ai. [Selah.]

SHAKAWN KUNGDAWN 63:1

Karai Kasang e, nye a Karai Wa nang rai nga ndai, Jahpawt jau jau e, ngai nang hpe tam na nngai. Hka n rawng ai hkraw ai hte krin ai prang hta e, Nye a myit masin nang hpe shagroi gara nga nna, Nye a hkum shan nang hpe marit nga ai.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 16:3

Hpaji daw mu, hparan ya mu; jan pungding a nhtoi hta, na a shingnip, shana zawn nip shangun u; shapraw kau ai ni hpe makoi da mu; hprawng lawt ai ni hpe hkum madun et.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 28:17

Dai hta kaga ngai gaw, tara ding ai hpe mahkret sumri, dinghpring ai hpe shadawn chyu shatai nna, sin laru gaw masu matsa ga a shingbyi shara jahkoi kau ai hte, hka hpungla ni gaw makoi shara hpe lim kau na ra ai.

ESAIA 41:18

Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

ESAIA 43:19

Yu mu, amu ningnan ngai galaw na nngai; ya pyi byin pru na ra ai; dai hpe nanhte n chye myit ni? Gaja wa, nam mali hkan e nmaw lam, hkraw hkun ai shara e hka nu hka shi, ngai shapraw na we ai.

ESAIA 43:20

Nam na ashu ashan ni mung, nam gwi ni hte u gawla-uk ni mung, ngai hpe shagrau na mara ai: kaning rai nme law, ngai lata la ai nye a amyu masha ni lu hpa lu nna,

ESAIA 44:3

kaning rai nme law, hpang kara ai wa ntsa e ngai ntsin ru bun nna, hkraw hkun ai ga hpe hka shalim na we ai: na a amyu a ntsa e nye a wenyi hpe, na a aru arat a ntsa e nye a shaman ai hpe, ngai ru bun na we ai:

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

YEREMIA 33:14

Yu mu, Israela dap hte Yuda dap hpe lakap nna, ngai tsun ai ga kaja mahkra hpe, ngai shadik na aten du na ra ai, nga nna Yehowa tsun ai.

SHARUNG SHAYAWT 4:20

Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

YAWHAN 7:37

Shaloi dai poi a jahtum nhtoi ngu ai nhtoi kaba hta Yesu gaw tsap da nna, “Hpang kara ai wa nga yang gaw, ngai hpang de sa lu rit.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.