ESAIA 32:16 - Jinghpaw Hanson Version Bible

¹⁶ Dai shani e nam mali hta e tara ding ai shanu nga nna, nsi naisi hpring ai yi hkauna hta, dinghpring ai, grin nga na ra ai.

Jinghpaw Common Language Bible 2009

¹⁶ Mungdan shara shagu hkan ding man ai hte teng man rap ra ai lam hpring wa na ra ai.

ESAIA 32:16 ပူးပေါင်းရင်းမြစ်များ

ESAIA 11:9

Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

ESAIA 28:6

tara tingnyang hta dung ai wa hpe tara ding ai nyan, mare chyinghka lam e hpyen hkap manga kau lu ai ni hpe n-gun atsam jaw na ra ai.

ESAIA 33:5

Yehowa gaw galu kaba nga ai; shi gaw matsaw ntsang de dung nga ai; shi gaw Ziun bum hpe tara ding nna, dinghpring ai hte jahpring da wu ai.

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 42:11

Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 48:18

Nang gaw nye a hkang ai ga hpe shatup nga u: dai rai yang na a ngwipyaw ai lam hka nu zawn, na a dinghpring ai gaw, nammukdara hka leng ni zawn, tai wa na mara ai:

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

YEREMIA 31:23

Israela Karai Kasang, Zaw nawng zaw wa up ai Yehowa ning nga ai: Bawng dung hkrum ai ni hpe ngai bai woi wa ai shaloi jang, Yuda mung hte de a mare ni hta nga ai ni gaw, Dinghpring ai shara e, Chyoi pra ai bum e, Yehowa nang hpe shaman ya u ga, nga nna bai tsun lu na mara ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.