ESAIA 30:9 - Jinghpaw Hanson Version Bible

⁹ kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

Jinghpaw Common Language Bible 2009

⁹ Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 30:9 ပူးပေါင်းရင်းမြစ်များ

2 HKAWHKAM LABAU 33:10

Bai Yehowa gaw Manashe hte shi a amyu masha ni hpe shadum jahprang timung, shanhte madat mara ma ai n rai.

SHAKAWN KUNGDAWN 78:8

Htawm hpang e du ai amyu ni a kashu kasha ni, Dai tara hpe chye na lu nna, Shanhte gaw tinang a kashu kasha ni hpe bai gawn dan nna, Dai lam ni kashu kasha ni hpe sharin ya mu ga, Shi anhte a ji woi ni hpe hkang da mu ai.

SHAKAWN KUNGDAWN 81:12

Dai majaw tinang myit ai hku shanhte hkan nang lu hkra, Tinang a myit ja ai hta ngai shanhte hpe dat dat mawe ai.

GA SHAGAWP 28:9

Tara n na lu hkra, na kayin kau ai wa gaw, Akyu hpyi timung, shi hpyi ai ga matsat shabat rai nga ai.

ESAIA 1:10

Sodom du ni e, Yehowa a ga madat mara mu; Gomora masha ni e, anhte a Karai Kasang a tara hpe na la mu.

ESAIA 1:2

Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

ESAIA 1:4

N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

ESAIA 10:5

Asuri wa e, nye a pawt sindawng ai ri nang rai nga nna, nang lang ai hkawn, nye n-yun bu ai myit rai nga ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 24:5

Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ESAIA 28:15

Anhte gaw si hkrung si htan hte ga shaka tawn da saga ai; katsan ga hte anhte myit hkrum ga ai: lim kau ai ari ahpri lwi wa timung, anhte kaw du lu na n rai; anhte gaw masu matsa ga hta shingbyi nna, hkalem ai ga npu e makoi nga ga ai, nga nna tsun myit dai majaw,

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 48:4

Nang gaw je hpre ai wa rai nna, na a du lasa ni ahpri, na a lahtan gaw magri rai nga ai hpe, ngai chye nngai majaw,

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

ESAIA 63:8

Shi gaw, Gaja wa shanhte nye a amyu masha ni rai nga nna, gumle gumlau n chye ai, ngai sha ni, rai nga ma ai, nga nna shanhte hpe Mawai la ai Madu tai wa sai.

ESAIA 65:2

Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

YEREMIA 35:14

Tsabyi jahku n lu na matu, Rehkab a kasha Yonadab gaw, shi a kashu kasha ni hpe htet da ai ga grin nga nna, shanhte gaw tinang a kawa htet da ai hte maren, dai ni du hkra tsabyi jahku n lu ma ai: ngai chyawm gaw jau jau rawt nna, nanhte hpe a tsun nga timung, nanhte nye a ga n madat myit dai.

YEREMIA 7:13

Ya, Yehowa ning nga ai, Nanhte gaw ndai amu mahkra hpe galaw ai majaw mung, ngai jau jau rawt nna, nanhte hpe shadum jahprang timung, nanhte n madat ai hte, ngai shaga yang, n htan hkraw ai majaw mung,

YEREMIA 7:28

Dai rai nna nang gaw, Ndai amyu gaw tinang a Karai Kasang Yehowa a nsen hpe n madat ai hte, sharin achyin n hkam la ai amyu, kangka hpe jahten nna, tengman ai ga n chye tsun ai amyu rai nga ai, ngu nna shanhte hpe tsun u.”

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

EZEKELA 24:3

Gumlau chye ai amyu hpe, ‘Madu Yehowa ning nga ai, ngu nna ga shadawn hku htawn tsun u: Di hpe dun u, dun u; ntsin ru bang u;

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

ZEHPANI 3:2

Shi gaw Yehowa nsen hpe, n madat nga ai; sharin achyin ai, n hkam la nga ai; Yehowa hpe shamyet shanat nga ai, n rai; shi a Karai kasang hpang de sit wa ai, n rai.

KASA 7:51

Du ja nna, masin hte ana hpe matu n gadoi ai ni e, nanhte galoi mung Chyoi pra ai Wenyi hpe hkap daw myit dai; nanhte a nji nwa ni galaw ai zawn, nanhte mung a galaw nga myit dai.

TARA JAHPRANG 32:20

Shi tsun ai gaw, “Shanhte myit magaw ai amyu, Kangka n re ai kashu kasha ni rai ma ai;” Dai majaw, nye a myi man ngai makoi kau nna, Shanhte a lam jahtum hpe ngai yu yu na we ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.