ESAIA 3:9 - Jinghpaw Hanson Version Bible

⁹ Shanhte a myi man nsam, shanhte a lam sakse hkam nga ai; shanhte gaw tinang a yubak hpe Sodom masha ni zawn dan dan galaw nna, makoi magap ma ai n rai; shanhte gaw tinang hkum hpe shaza kau ma ai majaw, tinang a myit masin dingnye hkrum mu ga.

Jinghpaw Common Language Bible 2009

⁹ Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 3:9 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

NINGPAWT NINGHPANG 19:34

Hpang jahpawt e kana gaw, “Yu u, mana e ngai wa hte yup ni ai; dai na mung shi hpe tsabyi jaw nna wa a amyu matu shapraw lu hkra nang shi kaw shang yup lawm u,” ngu nna kanau jan hpe tsun wu ai.

NINGPAWT NINGHPANG 4:5

Ka-in hte shi a hkungga hpe chyawm gaw shi sawn ya wu ai n rai. Dai rai nna Ka-in gaw ja ja pawt bu ai hte myi man sum nga lu ai.

2 HKAWHKAM 9:30

Bai Yehu gaw Yezrela mare de du ra ai, Yezebela na wu ai rai nna, shi a myi mun tsi chya ai hte baw hpe mawn sumli nhtawm, hkuwawt hku e azi yu nga ai.

SHAKAWN KUNGDAWN 10:4

Tara n lang ai wa myit kaba nna, “Shi ari jaw na n rai,” nga ai. Karai Kasang n nga ai, nga nna, myit mang nga ai.

GA SHAGAWP 15:32

Sharin achyin ai ga shinggan kau ai wa gaw, tinang a asak hpe n kaw n law di kau wu ai; Madat mara ai wa chyawm gaw, nyan lu la nga ai.

GA SHAGAWP 30:13

Grai wa gumrawng gumtawng nna, Myit tsaw myit dap ai hte grang nga ai masha amyu;

GA SHAGAWP 8:36

Ngai hpe shut hpyit ai wa chyawm gaw, tinang a asak wenyi hpe shut kau nu ai; Ngai hpe n dawng ai ni yawng, si ai hpe tsawra nga ma ai.

ESAIA 1:10

Sodom du ni e, Yehowa a ga madat mara mu; Gomora masha ni e, anhte a Karai Kasang a tara hpe na la mu.

ESAIA 3:16

Bai Yehowa gaw, Ziun shayi sha ni myit kaba ai hte, tinang du shadap let myi le le rai nawt hkawm nna, tinang lagaw lahkawn sharat ma ai majaw,

ESAIA 57:20

Tara n lang ai ni chyawm gaw, hta wa ai nammukdara hte bung ma ai; shanhte asim sha n nga lu nna, de a hka hkanu ai hte hkumpup sha shapraw nga ai.

ESAIA 59:12

Kaning rai nme law, anhte tara tawt ai lam, na a man e law htam wa nna, anhte galaw ai yubak gaw sakse tai nga ai; anhte a tara tawt lai ai lam ni anhte hta kap nga nna, tinang shut hpyit ai hpe tinang nan chye nga ga ai:

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 3:3

Dai re ai majaw lanam n shang ai hte, hpang shadoi na marang mung, n htu hkraw ai; nang chyawm gaw shawa num a lahtan htan nna, man htat mat nit dai.

YEREMIA 6:15

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan yu ai aten e, shanhte jahkrat kau ai hkrum na mara ai,” nga nna Yehowa tsun ai.

YEREMIA 8:12

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan ai aten e, shanhte jahkrat kau ai hkrum na mara ai,” nga nna Yehowa tsun ai.

SHARUNG SHAYAWT 5:16

Anhte gup ai janmau hkrat mat sai. Anhte shut hpyit ai majaw, dingnye lu ga ai.

EZEKELA 16:30

“Kaya n chye ai shawa num zawn, ndai lam yawng nang galaw ndai majaw, na a myit masin gade ngawk nga a hka:

EZEKELA 16:49

Yu u, na nnau Sodom a yubak chyawm gaw, shi hte shi a shayi sha ni gaw, myit kaba ai, nhpaw n-ya lu sha ai hte angwi apyaw ningngai nga nna, nni nkri hkrum ai ni hte matsan mayan ni hpe n shadaw shalan ai rai nga ai.

EZEKELA 23:16

dai sumla ni hpe shi mu jang, shi ra kayut nna, Hkalde a mung de kasa shangun dat wu ai.

Daniela 7:20

de a baw hta tu ai nrung shi hpe mung, hpang e tu nna, shawng na hta nrung masum hpe jahkrat kau ai hte, masha myi tu nna, ga kaba chye tsun ai n-gup tu ai hte, manang ni hta grau nna hkrit na nsan ai, nrung kaji tu ai lam hpe mung, ngai chye mayu nngai.

HOSEA 13:9

“Israela e, nang hpe karum ai wa, ngai hte nan, nang nhtan shai nga ai gaw, nang hpe jahten shabyak ai lam rai nga ai.

HOSEA 5:5

Israela a gumrawng gumtawng ai gaw, tinang a man e dawdan ai sakse tai wa ai; dai re ai majaw, Israela hte Ehprim gaw, tinang a n hkru n hkra ai hta ahtu kataw na mara ai; Yuda amyu mung, shan hte rau ahtu kataw na ra ai.

ROMA 6:23

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

1 SAMUELA 15:32

Bai Samuela gaw, “Amalek masha ni a hkawhkam Agag hpe ngai kaw woi wa marit,” ngu wu ai. Agag mung, “Gaja wa, si hkrung hkrithpa gaw, boi mat sai,” nga nna myit pyaw let shi hpang de sa wa ai.