ESAIA 3:3 - Jinghpaw Hanson Version Bible

³ hpyen manga shi up ai du, arawng lu ai wa, hpaji daw chye ai wa, hpaji maka pru ai wa, mandan chye bau ai ni yawng hpe, jahtum kau na ra ai.

Jinghpaw Common Language Bible 2009

³ shanhte a hpyen luksuk hpyen du ni hte ninghtawn ningbaw ni, mung masa ninghkrin ni hte mandan chye bau ai masha shagu hpe la kau na ra ai.

ESAIA 3:3 ပူးပေါင်းရင်းမြစ်များ

YOBA 22:8

Lapyin ja ai wa mahtang lamu ga hpe up lu ai; shi a myi man pa ai ni dai yang e nga lu ma ai.

PRU MAT 18:21

Dai hta kaga, ndai amyu yawng hta na, Karai Kasang hpe hkrit hkungga ai myit su ai masha, sadi sahka re ai hte sake manawn n tsaw ai masha nang san da na rai wu ai: dai ni hpe, masha hkying mi a agyi, latsa a agyi, manga shi a agyi, marai shi a agyi shatai nna dang tawn da u:

PRU MAT 4:10

Bai Mawshe gaw, “Madu e, ngai gaw n-gup mamsup n rawng ai wa rai nngai; shawng de nna mung n rawng nngai, na mayam hpe nang tsun jang nna pyi n rawng li ai: ngai gaw n-gup li ai hte shinglet li ai wa rai nngai,” ngu nna Yehowa hpe tsun wu ai.

ESAIA 3:2

n-gun atsam rawng ai wa, hpyen majan chye ai wa, tara agyi wa, myihtoi wa, nwawt wa, salang wa;

ESAIA 3:4

Shanhte a ntsa e ma kaji ni hpe ngai du shatai nna, shanhte gaw chyu chyu ai ma a myit hte, shanhte a ntsa e up na mara ai.

ESAIA 5:13

Dai rai nna, nye a amyu masha ni gaw chye chyang ai myit n lu ai majaw, bawng rim mat wa ai hkrum nna, arawng lu ai ni kawsi kyet ai, yu maya ni gaw hpang kara let ai, hkrum ma ai.

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

TARA JAHPRANG 1:15

Dai majaw nanhte a amyu shagu hta, myit hpaji rawng ai hte sadang pru ai masha hpe ngai lata la nna, nanhte a du agyi ngu na, masha hkying mi a agyi, latsa a agyi, manga shi a agyi, marai shi a agyi re ai ni hpe nanhte a ntsa e dang da ya masade ai.

TARA AGYI 8:18

Dai hpang Gidon gaw Zeba yan Zalmuna hpe, Tabora bum e nanhte sat kau ai ni gaw kaning nsan ai ni rai ma ta? ngu nna san wu yang, shan gaw, Nang zawn re ai hkrai rai ma ai; langai hte langai hkawhkam kasha zawn ahpraw rawng ma ai, ngu nna htan mu ai.

1 SAMUELA 8:12

bai, shi a hpyen du shatai na, masha hkying mi up na, manga shi up na matu, aya tawn da na mu ai, manga shi up na matu, aya tawn da na mu ai; bai, nkaw mi hpe, shi a yi hkauna galaw, shi a mam dan shu na hte, shi a hpyen ri nhtu, shi a hpyen leng tup shachyaw amu hta hpajang tawn na ru ai.