ESAIA 3:24 - Jinghpaw Hanson Version Bible

²⁴ Dai shaloi e manam pyaw ai baw a malai yat manam ai, shingkyit a malai sumri, kara hkri ai a malai baw hpye kan ai, lawai ai nba a malai lachyit sumding, tsawm htap ai a malai wan hkru ai hkang pru na ra ai.

Jinghpaw Common Language Bible 2009

²⁴ Manam pyaw ai baw lang na malai, shanhte gaw ahpu ahkying nga manam na ra ai, tsawm ai shingkyit ni a malai, shanhte gaw ahtat awat re ai sumri ni kyit ra na mara ai; tsawm htap ai kara a malai, shanhte gaw abaw shakrin kau hkrum na mara ai; kaja ai bu hpun palawng ni a malai, shanhte gaw tsupni ni hpun ra na mara ai; shanhte a tsawm htap ai gaw kaya kahpa tai mat na mara ai!

ESAIA 3:24 ပူးပေါင်းရင်းမြစ်များ

ESHTA 2:12

Ya, numsha ni a lam tawn da ai tara hte maren, shata shi lahkawng tup, tinang hkum hpe jasan jaseng na matu, shata kru sau hte mura, shata kru manam pyaw ai hte numsha ni lang ra ai shatsawm ai baw hte mawn sumli ngut jang mahkawn ni langai hte langai hkawhkam Ahasuru man de shang na aten du ra ai;

YOBA 16:15

Ngai gaw nye hkum hpyi ntsa e lachyit nba chywi shakap nna, nye a nrung hpe ga nhpu hta galu kau se ai.

GA SHAGAWP 31:24

Shi gaw lachyit sumpan da nna dut nga ai; Hpaga ga ai ni kaw, shingkyit mung da dut nga ai.

GA SHAGAWP 7:17

Nye yup ra hpe mura, achyaw, maza hpun hte, ngai pup shamawng se ai.

ESAIA 15:2

Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

ESAIA 15:3

Shanhte gaw mare lam hkan e lachyit nba lawai nna, nta ni a ntsa e mung, mare htingwang hkan e mung, yawng sharung shayawt nga nna, ja ja hkrap ngu hkrap ngoi ma ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

ESAIA 3:23

jam na ni, kata palawng ni, bunghkaw ni hte myi man awa ni hpe, htawm kau na ra ai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

ESAIA 57:9

Nang gaw sau lang let hkawhkam wa hpang de sa wa nna, manam pyaw ai baw shalaw ai hte, na a kasa ni hpe sumtsan mung de shangun dat nna, Katsan ga du hkra, tinang dai shagrit kau nit dai.

YEREMIA 4:8

Dai majaw, lachyit nba bu hpun let, hkrap ngu hkrap ngoi, sharung shayawt nga mu: kaning rai nme law, Yehowa a pawt kahtet ai gaw anhte kaw na garai n dawm la nga ai.

YEREMIA 48:37

Kaning rai nme law, masha yawng baw krin nna, nhka mun yawng doi kau hkrum masai: nlang lata jahpye nna, lachyit nba bu hpun ma ai.

YEREMIA 49:3

Heshbon e, sharung shayawt u; Ai mare myit mat sai; Raba shayi sha ni e, hkrap shabam mu; lachyit nba bu hpun mu; sharung shayawt let, sun nhpan makau hku gat kahkrang mu: kaning rai nme law, Malhkam hpara gaw, shi a hkinjawng ni hte du salang ni hte rau, bawng rim wa ai hkrum na ra ai.

YEREMIA 6:26

Nye a amyu shayi sha e, lachyit nba bu hpun nna, wan dap hta galwi nga u: kasha shingtai si ai zawn, yawn nga nna aja awa sharung shayawt nga u: jahten shabyak ai wa gaw, anhte a ntsa e akajawng sha du na ra ai.

SHARUNG SHAYAWT 2:10

Ziun shayi sha a salang ni gaw, ga ntsa e dung nna, atsin sha nga nga ma ai; Shanhte gaw tinang a baw ntsa e ga nhpu hpe bun nna, lachyit nba lawai ma ai. Yerusalem a mahkawn ni gaw, ga du hkra gum dagup nga ma ai.

EZEKELA 27:31

dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

EZEKELA 7:18

Shanhte gaw tinang hkum hpe lachyit nba lawai nna, hkrithpa shanhte hpe htinggrum na ra ai: myi man yawng sum mat nna, baw shagu kara doi kau ai hkrum na mara ai.

YOELA 1:8

Hkawn ram prat e si mat ai madu wa matu, lachyit nba bu hpun nna sharung shayawt ai hkawnsek zawn, sharung shayawt nga u.

JAW JAU 26:16

nanhte hpe ngai di na lam gaw, nanhte a myi man jasum na hte minla byaw mat ai jahkrum na, hkrit kajawng ai, mang shakrwi krawi ai, a li awaw waw ai ana ngai nanhte a ntsa e dat dat na we ai: nanhte dat ai nli mung kaman rai mat na malit dai; hpyen ni gaw nanhte a nsi naisi shu sha na maru ai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

MIHKA 1:16

Na a tsawra ai kashu kasha ni gaw, bawng dung hkrum ai majaw, na a kara hpe doi shakrin kau u: langda baw zawn, na a baw hpe shakrin kau u.

TARA JAHPRANG 28:22

Yehowa gaw nang hpe mang shakrwi krawi ai, ali awaw waw ai, nma bya ai, bungge ge ai, jan gri ai, hkau pyi pyi ai, mam maru ru ai hte tsin-yam dai ni gaw nang kaw hkan nang na mara ai.

TARA JAHPRANG 32:24

Shanhte kawsi hpang kara, kahtet kamawt ari hkrum nna, Shoihpa shoirang kaba hte nyawp mat na mara ai; Matse labye a kawng mung, ga na rai matse a tuk mung, Shanhte hpang de ngai dat dat na we ai.

1 PETRU 3:3

Nanhte a mawn sumli ai gaw, kara lajang ai, aja gumhpraw hte sumli ai, hpun palawng shareng let hkum jahtap nga ai hku n rai;

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

SHINGRAN 16:9

Dai rai nna masha ni gaw kahtet kang la ai hte jahkat kau ai hkrum nna, ndai ari zinli ni hpe up byeng ai Karai Kasang a amying nsang hpe matsa shatan ma ai; dai hte wa hkrum ma timung, shi a hpung shingkang shagrau na gaw, shanhte myit malai n lu ma ai.

SHINGRAN 18:9

Shi hte hpye ai amu galaw nna, sawse lawklek ai ga ntsa hkawhkam ni gaw, dai mare hkru ai wan hkut mu ma ai shaloi, shi hkrum ai ari hpe hkrit nna tsan tsan e tsap nga let,