ESAIA 3:16 - Jinghpaw Hanson Version Bible

¹⁶ Bai Yehowa gaw, Ziun shayi sha ni myit kaba ai hte, tinang du shadap let myi le le rai nawt hkawm nna, tinang lagaw lahkawn sharat ma ai majaw,

Jinghpaw Common Language Bible 2009

¹⁶ Dai Madu gaw, “Yu u, Yerusalem numsha ni kade wa gumrawng gumtawng nga ma hka! Shanhte gaw shanhte a baw ni sharawt nhtawm hkawm sa ma ai. Shanhte gaw galoi mung apyaw sha hkalem sha nga ma ai. Shanhte gaw lagaw lahkam kaji sha hte nawt sa nhtawm shanhte a lagaw lahkawn ni mung sharat nga ai.

ESAIA 3:16 ပူးပေါင်းရင်းမြစ်များ

GA SHAGAWP 16:18

Gumrawng gumtawng ai gaw, hten byak ai a shawng e, Myit kaba ai gaw, kadawng mat ai a shawng e, rai nga ai.

GA SHAGAWP 21:4

Tsaw dap ai myi man, gumrawng ai myit masin, tara n lang ai ni a pyengdin pyi, yubak rai nga ai.

GA SHAGAWP 30:13

Grai wa gumrawng gumtawng nna, Myit tsaw myit dap ai hte grang nga ai masha amyu;

Shawlumon A Mahkawn Ga 3:11

Ziun shayi chyinghkawn ni e, pru marit: Hkungran nna, myit masin kabu gara ai nhtoi hta, Kanu shagup ya ai, janmau gup nga ai, Hkawhkam Shawlumon hpe mada yu mu law.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 24:4

Lamu ga gaw yawn nga ai hte, nyui mat nga ai; mungkan ga gaw n-gun yawm ai hte, nyui mat nga ai; ga ntsa na dap tsaw ai amyu gaw, n-gun yawm nga ai.

ESAIA 3:1

Kaning rai nme law, yu mu, Zaw nawng zaw wa up ai Madu Yehowa gaw, Yerusalem mare hte Yuda mung na, myit manoi shara hte shamyet shanat shara hpe dawm kau na ra ai: lusha jarit yawng hpe mung, hka lu yawng hpe mung,

ESAIA 3:17

Madu gaw, Ziun shayi sha ni a baw pungding hpe hpye shakan kau ya ai hte, Yehowa gaw shanhte a hpun palawng sharun kau ya nna, kaya jahkrum na mu ai.

ESAIA 3:18

Dai shani e Madu gaw, shanhte a tsawm ai lagaw lahkawn ni, htanbam awa ni, gumrit ni,

ESAIA 3:4

Shanhte a ntsa e ma kaji ni hpe ngai du shatai nna, shanhte gaw chyu chyu ai ma a myit hte, shanhte a ntsa e up na mara ai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

ZEHPANI 3:11

Shing rai, nang ngai hpe tawt lai ai amu majaw, dai shani hta e nang kaya kahpa hkrum na, n rai; kaning rai nme law, dai shaloi e gumrawng gumtawng grang ai ni hpe, na a ka-ang na ngai yeng kau nna, nye a chyoi pra ai bum hta e myit kaba ai masha, htawm hpang de nga lu na n rai.

MAHTE 21:5

Shi gaw, “Ziun shayi sha hpe ning ngu mu: ‘Yu u, na a Hkawhkam wa gaw, Sumnung ai myit rawng nna, lawze a ntsa e, Rai sa, lawze kanu a kasha ntsa e jawn let, nang kaw du ra ai,” nga ai.

LUKA 23:28

Yesu gaw shanhte hpang de kayin nna, “Yerusalem shayi sha ni e, nye a majaw hkum hkrap myit: nanhte hkum dai hte, nanhte a nshu nsha ni a matu hkrap nga mu: