ESAIA 3:14 - Jinghpaw Hanson Version Bible

¹⁴ Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

Jinghpaw Common Language Bible 2009

¹⁴ Dai Madu gaw salang ni hte shi a amyu masha ni a ningbaw ni hpe tara tingnyang man de woi sa wa nga ai. Shi gaw ning ngu mara shagun nga ai: “Nanhte gaw sabyi sun ni hpe hpya kau nga manit dai, nanhte a dum nta ni gaw matsan mayan masha ni kaw na nanhte la wa ai arai ni hte hpring nga myit dai.

ESAIA 3:14 ပူးပေါင်းရင်းမြစ်များ

YOBA 22:4

Hkrit hkungga ai myit rawng ai majaw, nang hpe daru ai rai ni? Tara dara hkat na, nang hte shang na rai ni?

YOBA 24:14

Masha sat ai wa gaw nhtoi htoi yang rawt nna, nni nkri hkrum ai ni hte matsan mayan ni hpe sat kau nga ai: shana e rai yang lagu lagut tai nga ai.

YOBA 24:9

Bai nkau mi gaw, jahkrai ma hpe kanu a chyu hte jahka kau nna, matsan mayan ni a arung arai hpe tang da ma ai.

YOBA 34:23

Masha gaw Karai Wa man e tara shang dara hkat na, shi gaw masha wa hpe sagawn yu ra ai, n rai.

SHAKAWN KUNGDAWN 10:9

Hkanghkyi gaw shi a lungpu hta zawn, makoi ai shara hta e shi gyem nga ai: Matsan mayan ni hpe kamu la na shi gyem nga ai; Shi a sumgawn gang karawt yang, matsan mayan wa mung lawm nga ai.

SHAKAWN KUNGDAWN 14:4

N hkru ai amu galaw ai hte, Nye a amyu masha ni hpe muk hpe zawn sha kau nna, Yehowa hpe n hpyi jahtau ai ni mahkra gaw Hpa mung n chye nga ma hka!

SHAKAWN KUNGDAWN 143:2

Na a man e hkrung mahkrung n ding n man rai nga ma ai majaw, Na a mayam wa hpe tara hkum dara et.

GA SHAGAWP 30:14

Matsan mayan ni hpe ga ntsa na mung, Kawsi hpang kara hkrum ai ni hpe shinggyim masha ni hta na mung, shatsai kau lu hkra, Ntawng nhtu hte bung ai kawng, Nhkyi hte bung ai wa tu ai masha amyu, rai nga a hka!

ESAIA 10:1

Matsan mayan ni hpe sum shangun nna, nni nkri hkrum ai, nye a amyu masha ni hpe, map sha maw sha ai hte, gaida gaina ni hpe lanep shatai let, chyahkrai nmai ma ni a sutgan kashun la lu hkra,

ESAIA 10:2

n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

ESAIA 11:4

shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

ESAIA 14:30

Matsan mayan ni a kasha alat ni gaw shat lusha nna, sut n su ai ni gaw, a pyaw sha yup lu na mara ai; ngai gaw na a aru hpe jahkraw sat kau nna, na a matu mara ni sat kau hkrum na mara ai.

ESAIA 26:6

Masha lagaw dai hpe kabye kau na ra ai: gaja wa, matsan mayan ni a lagaw, hpa n lu ai ni a lahpan, dai hpe kabye kau na ra ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 30:12

Dai re ai majaw, Israela a Chyoi pra ai Wa gaw, “Nanhte nan ndai mungga hpe n kaw n law di nna, myit magaw ai lam hte adip arip re ai hpe kam let dai hta manoi nga myit dai majaw, nanhte a yubak gaw,

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 58:4

Nanhte gaw dangrang hkat ai hte, ga law ga la nna, n hkru ai lata latup hte htwi let, lusha gam myit dai: nanhte a nsen gaw, matsaw ntsang de hkrang lu na matu, nanhte dai ni lusha gam ai n rai.

YEREMIA 12:10

Law la ai sagu rem ni gaw, nye a tsabyi sun hpe jahten kau manu ai; shanhte gaw nye a sali wunli hpe kabye kau manu ai; nye a pyaw la ai kumhtaw hpe, shingran katsi ai zaibru jang shatai kau manu ai.

YEREMIA 5:27

U raw hta u ni hpring nga ai hte maren, shanhte a nta ni gaw hkalem hkalau ai hte hpring nga ai: dai re ai majaw shanhte kaba wa nna, sut su nga ma ai.

EZEKELA 18:12

nni nkri hkrum ai hte matsan mayan ni hpe zingri, masha sut rai hpe kashun la nna, tang da ai arai, madu hpe n hkin ya; hpara ni hpe mada, matsat shabat amu galaw,

EZEKELA 20:35

amyu baw ni a nam mali de ngai nanhte hpe woi shawn nhtawm, dai yang e myi man chyaw nanhte hpe dawdan na nngai.

EZEKELA 20:36

Nanhte a nji nwa ni hpe, Egutu mung na nam mali e dawdan ai hte maren, ngai nanhte hpe dawdan na nngai,” nga nna Madu Yehowa tsun ai.

JAW JAU 25:14

Nanhte shada rai dut rai mari ai hta, manang hpe dip zingri lu na n rai.

JAW JAU 25:17

Nanhte shada map sha hkat lu na n rai; na a Karai Kasang hpe nang hkrit hkungga na rai ndai: ngai gaw nanhte a Karai Kasang Yehowa rai nga nngai.

AMO LAIKA (AMOS) 2:7

shanhte gaw matsan mayan ni a baw hpe, ga nhpu hte magap kau na ndawt nga nna, sumnung ai ni a lam hpe shanut kau ma ai; nye a chyoi pra ai amying ningsang awu asin hkrum hkra, kawa hte kasha gaw mahkawn langai sha hte jawm kanawn ma ai:

AMO LAIKA (AMOS) 4:1

Samari bum ntsa e shanu nga nna, matsan mayan ni hpe adip arip hte, kadawn nga ai ni hpe zingri zingrat let, tinang a madu wa ni hpe, Lu na tsabyi jahku shapraw ga, nga nna tsun ai Bashan upra ni e, ndai ga madat mara mu:

MIHKA 2:1

Tinang a yup ku ntsa e n kaja ai hku maw nna, n hkru ai lam galaw ai ni gaw, dingnye lu ma ai: shanhte gaw tinang a lata hta ahkang aya lu ai majaw, jahpawt nhtoi htoi jang, dai lam shabyin ma ai.

MIHKA 2:2

Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

MIHKA 3:3

nye amyu masha ni a hkum shan hpe pyi nanhte sha nna, shanhte a hpyi gaw kau ai hte, nrut nra ni hpe agrawp kau nhtawm dibu hta shadu na matu azat nna, sau di hta rawng ai shan zawn, shatai mu ai.

MIHKA 6:10

Tara n lang ai wa a nta hta n tara ai sutgan hte, matsat shabat re ai dang bye kaji, naw nga a ni?

MAHTE 21:33

Ga shadawn kaga hpe naw madat la mu; Nta madu langai mi tsabyi sun hkai sharam da nna, de a grup yin e nhpan kum da ai hte, dai hta e tsabyi htung htu da nna, langchyi gap da nhtawm, sun galaw ai masha hpe shap ya nna, kaga mung de sa nga mat ai.

YAKU 2:6

Nanhte mahtang matsan mayan wa hpe n gawn n sawn di kau mu hka; sut su ai ni chyawm gaw, nanhte hpe zingri zingrat di myit dai rai nna, tinang a lata hte nan tara tingnyang ni a man de, nanhte hpe dun ahkyit la myit dai, n rai ni?