ESAIA 3:12 - Jinghpaw Hanson Version Bible

¹² Nye a amyu masha ni hpe chyawm gaw, ma kaji ni shanhte hpe adip arip di nna, num ni shanhte a ntsa e up ma ai. Nye a amyu e, nanhte hpe lam madun ai ni, nanhte hpe lam shadam nna, nanhte sa wa ai lam hpe, jahten kau ma ai.

Jinghpaw Common Language Bible 2009

¹² Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

ESAIA 3:12 ပူးပေါင်းရင်းမြစ်များ

2 HKAWHKAM 11:1

Ahazia kanu Ahtalia gaw, shi a kasha si nga ai hpe mu wu yang, shi rawt nna hkawhkam a dap lakung ni nlang hte hpe sat kau mu ai.

YOBA 30:13

Ngai sa wa ai hku shanhte htu kaput kau ma ai; ngai hpe kataw shangun na shanhte shakut ma ai: shanhte hpe dang na karum ai wa n nga ai.

GA SHAGAWP 28:16

Nyan n rawng ai du gaw, gumshem du rai nga ai; Lawhpa myit n rawng ai du chyawm gaw, asak galu na ra ai.

HPAJI NINGLI 10:16

Mungdan e, na a hkawhkam wa ma naw rai nna, du salang ni jahpawt jau jau e shat sha nga ai majaw, nang dingnye lu ndai.

ESAIA 19:14

Yehowa gaw Egutu mung ka-ang e nhtan shai ai wenyi kayau tawn da nna, chyaru nang ai wa gaw tinang a nhpat hta bai galwi ai hte maren, shanhte gaw Egutu hpe lam shagu hta shadam kau mu ai.

ESAIA 3:4

Shanhte a ntsa e ma kaji ni hpe ngai du shatai nna, shanhte gaw chyu chyu ai ma a myit hte, shanhte a ntsa e up na mara ai.

ESAIA 51:22

shi a amyu a matu, bawmung tai ai, na a Karai Kasang Madu Yehowa gaw ning nga ai: “Yu u, n di n da hkawm shangun ai gawm ngu ai, nye a n-yun bu ai gawm hpe, ngai na a lata na dawm la kau nna, htawm hpang de nang lu lu sa na n rai:

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

MIHKA 3:5

Nye a amyu masha ni hpe lam shadam let, hkru hkru sha lu jang, Nang ngwipyaw nga ndai, nga nna mung, n galaw daw ai wa hpe, Nang hpyen hkrum na ndai, nga nna tsun jahtau ai myihtoi ni a lam, Yehowa ning nga ai:

NAHUM 3:13

Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.

MAHTE 15:14

Shanhte gaw nga nga mu ga: myi kyaw ninglen lam madun ai ni rai nga ma ai: myi kyaw ai wa gaw, myi kyaw wa hpe lam madun a taw gaw, shan lahkawng gaw nhkun kata de hkrat na mara ai,” ngu mu ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.