ESAIA 3:11 - Jinghpaw Hanson Version Bible

¹¹ Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

Jinghpaw Common Language Bible 2009

¹¹ Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 3:11 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

1 HKAWHKAM 21:21

Yu u, ngai na a ntsa e tsin-yam tsindam shangun dat nna, nang hpe atsai awai ye kau na de ai; Ahab a amyu a lasha ma nlang hte hte, Israela hta bawng dung nga bawng lawt pra ai ni hpe htau di kau na we ai:

2 HKAWHKAM LABAU 6:23

Nang gaw sumsing lamu hta e madat mara la nna, na a mayam ni hpe tara dara ya mu: shut ai wa hpe mara hte maren, shi a baw ntsa e tai u; dinghpring ai wa hpe dat dat nna shi dinghpring ai hte maren akyu jaw u law.

YOBA 10:15

Ngai tara n lang yang, dingnye ngai hkrum n ga; ngai dinghpring nga timung, kaya kahpa hte hpring nna, nni nkri hkrum nngai majaw, nye a baw hpe ngai sharawt lu na, n rai.

SHAKAWN KUNGDAWN 28:4

Shanhte a amu hte n hkru ai lam hte maren shanhte hpe bai tai u; Shanhte a lata galaw ai hte maren, shanhte hpe bai jaw u; Shanhte a amu shanhte hpang de nhtang dat u.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

GA SHAGAWP 1:31

Dai rai nna shanhte gaw tinang galaw ai hte maren hkrum sha nna, Tinang maw ai lam hte hkru kat wa na mara ai.

GA SHAGAWP 11:31

Yu u, dinghpring ai wa pyi, ga ntsa e ari hkrum nga ai rai yang, Tara n lang ai wa hte yubak kap ai wa grau nna hkrum na, n rai ni?

GA SHAGAWP 12:14

Masha gaw tinang a n-gup asi kaja hte hkru kat na ra ai; Tinang lata galaw ai hte hkam la na ra ai.

GA SHAGAWP 26:27

Nhkun htu ai wa gaw, dai hta hkrat na ra ai; Nlung galau ai wa ntsa e, dai nlung bai kamyet na ra ai.

HPAJI NINGLI 8:13

Tara n lang ai wa chyawm gaw, Karai Kasang hpe n hkrit kamyin ai majaw, mai kaja ai kata nga ai: shingnip hte bung ai, shi asak a nhtoi ni mung, galu kaba wa lu na, n rai.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 48:22

Tara n lang ai ni kaw ngwipyaw lam n nga ai,” nga nna Yehowa tsun nga ai.

ESAIA 65:20

“Dai mare hta ma chyangai e si na n rai, asak n dik ai dingla mung nga na n rai; asak latsa hta si ai wa hpe, ma naw ngu na rai nga ai; yubak kap ai wa gaw asak latsa hta si yang, dagam dala hkrum ai wa,” ngu na rai nga ai.

ESAIA 65:6

“Yu mu, nye a man e ka da nga ai rai nna, ngai atsin sha nga na n rai; ngai matai dawp na nngai;

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

YEREMIA 31:30

Langai hte langai tinang a yubak majaw si na ra ai; hkri ai tsabyi si sha ai wa kadai mung, wa makrim ai hkrum na ra ai.

EZEKELA 16:59

“Kaning rai nme law, Madu Yehowa ning nga ai: ‘Ga shaka hpe sharun kau na matu, dagam ai ga hpe n kaw n law di kau ai majaw, nang di ai hte maren ngai nang hpe di kau na de ai.

EZEKELA 18:20

Yubak galaw ai myit masin gaw, si na ra ai: kasha gaw kawa a yubak hpe, kawa gaw kasha a yubak hpe, hkam na, n rai; dinghpring ai wa a dinghpring ai gaw, shi a ntsa e, tara n lang ai wa a tara n lang ai gaw, shi a ntsa e, mara na ra ai.

EZEKELA 2:10

shi dai laika katsu hpe nye a man e hpyan yang, dai man lahkawng hta, sharung shayawt ai yawn hkyen ai hte dingnye ga hpring nga ai.

EZEKELA 24:14

Ngai Yehowa nan dai ga tsun ni ai: ngai dai lam shabyin nna, shadik na nngai: ngai nye a ga shabai na, n rai; lahpawt dum na, n rai; myit malai mung lu na, n rai: na a lam hte, na a arawn alai hte maren, ngai nang hpe dawdan na nngai,” nga nna Madu Yehowa tsun ai.

EZEKELA 33:8

Ngai gaw tara n lang ai wa hpe, Tara n lang ai wa e, nang teng teng si lu na ndai, ngu nna tsun yang, nang dai wa hpe, shi a lam na nhtang wa hkra, n shadum yang, tara n lang ai wa gaw shi yubak hta si wa timung, shi a asai hpe na a lata na ngai hpyi la na nngai.

MIHKA 3:4

Dai shaloi e shanhte gaw Yehowa hpe hpyi jahtau timung, shi shanhte hpe n htan na ra ai: gaja wa, n hkru n hkra ai arawn alai hkan galaw ai hte maren, shi gaw dai aten e, shi a myi man, shanhte kaw na kayin makoi mat na ra ai.

MIHKA 7:13

Rai timung, dai garai n byin yang, dai mungdan gaw, mung masha ni hkan nang ai arawn alai majaw, shingran katsi ai shara tai na ra ai.

BU HKAWM 32:23

Dai hku n galaw myit yang chyawm gaw, nanhte Yehowa hpe shut myit dai rai nna, gaja wa teng teng nanhte a mara gaw nanhte hpe hkan dep na ra ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

TARA AGYI 9:57

Shehkem masha ni galaw ai yubak nlang a matu mung, shanhte a baw ntsa e Karai Kasang htang jaw wu ai: dai rai nna, Yerubala kasha Yohtam dagam ai ga hte maren shanhte a ntsa e du malu ai.