ESAIA 28:9 - Jinghpaw Hanson Version Bible

⁹ “Dai myihtoi wa gaw kadai hpe sharin mayu a ta? shi tsun ai shiga, kadai hpe chye shangun a ta? Chyu chyu nna, kanu a madoi chyu hpang hta hka ai ni hpe, rai kun?

Jinghpaw Common Language Bible 2009

⁹ Shanhte gaw ngai hte seng ai lam hta aput angun rai ma ai. Shanhte gaw, “Shi kadai hpe sharin achyin ya nga ai gaw kadai hpe rai nga a ta? Shi a mungga hpe kadai wa ra marit nga ma ta? Dai gaw ya sha chyu jahka kau sai ma ni a matu chyu sha mai kaja nga ai!

ESAIA 28:9 ပူးပေါင်းရင်းမြစ်များ

SHAKAWN KUNGDAWN 131:2

Gaja wa, chyu hka ai ma, kanu hte rau nga ai zawn, Nye a myit masin hpe, ngai jasim kau nna, atsin sha di da we ai: Nye a myit masin gaw chyu hka ai ma zawn, ngai hta rai nga ai.

YEREMIA 6:10

Shanhte madat mara lu hkra, ngai kadai hpe ga tsun nna, sakse shatai na rai ta? yu u, shanhte a na matu gadoi n hkam ai na rai nna, n madat mara lu ma ai; Yehowa a mungga gaw shanhte a jahpoi shara rai nga ai; dai hta sharawng awng ma ai n rai.

YAWHAN 12:38

“Madu e, anhte tsun ai shiga hpe kadai kam ya a ta? Dai Madu a lata mung kadai kaw dan yu a ta?” nga nna myihtoi Esaia tsun ai ga dik wa na re ai majaw, shanhte gaw shi hpe n kam ma ai.

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

1 PETRU 2:2

n hkru n hkra, hkalem hkalau, sawt masawt, manawn masham hte nsu nnawn ai baw law ai ga nlang hte hpe kau da nhtawm,

YAWHAN 3:19

Tara dara ngu ai mung, Nhtoi gaw mungkan ga de shang sai, rai timung, masha ni a arawn alai n shawp nga ma ai majaw, shanhte gaw nhtoi hta nsin hpe grau tsaw ma ai, dai gaw tara dara hkrum ai lam nan rai nga ai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 53:1

Anhte shana ya ai shiga hpe, kadai kamsham a ta? Yehowa a lahpum, kadai hpe shadan dan a ta?

MARKU 10:15

Nanhte hpe ngai teng teng tsun made ga, Kadai rai timung Karai Kasang a mungdan hpe ma kaji zawn n hkap la ai wa gaw, dai hta e gaja wa n shang lu na ra ai,” ngu nna shanhte hpe tsun mu ai.

ESAIA 50:4

Hki ba hkrum ai wa hpe shalan shabran na chye wa lu hkra, Madu Yehowa gaw, sharin achyin hkam la ai ni a shinglet, ngai hpe jaw ni ai; jahpawt shagu shi ngai hpe jasu nga ai: sharin achyin hkam la ai ni, na la lu ai zawn, shi nye a na hpe jasu ya nga ai.

GA SHAGAWP 1:29

Kaning rai nme law, shanhte gaw hpaji byeng-ya hpe n dawng ma ai, Yehowa hpe hkrit hkungga ai myit n lata la ma ai.

SHAKAWN KUNGDAWN 50:17

Sharin ai ga hpe nang n dawng nga nna, Nye a mungga hpe na a shingdu de kabai kau ndai.

ESAIA 48:17

Nang hpe Hkye hkrang la ai wa, Israela Chyoi pra ai wa Yehowa ning nga ai: “Ngai gaw, na a akyu matu nang hpe sharin achyin ya nna, nang mai hkan ai lam hta nang hpe lakawn wa ai, na a Karai Kasang Yehowa rai nga nngai.

ESAIA 30:20

Madu gaw nang hpe nni nkri muk jaw nna, ruyak ai ntsin lu shangun timung, na a sara ni gaw htawm hpang de makoi mat na n rai; tinang myi hte nan, na a sara ni hpe mu lu na rin dai.

ESAIA 28:26

Kaning rai nme law, shi a Karai Kasang gaw, shi hpe atsawm sha sharin ya ai hte, lam madun nga ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.