ESAIA 28:2 - Jinghpaw Hanson Version Bible

² Yu u, Madu gaw n-gun ja ai hte atsam rawng ai wa hpe hkang da nna, dai wa gaw, sin lawm ai jahten ai nbung laru adawt ai hte, hka hpungla kaba lim ai zawn, tinang a lata hte shanhte hpe ga du hkra kadawng kau na ra ai.

Jinghpaw Common Language Bible 2009

² Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 28:2 ပူးပေါင်းရင်းမြစ်များ

YOBA 22:16

Shanhte gaw aten garai n du yang nyawp mat nna, shanhte a npawt nhpang ni hka hpungtun e shayawng kau nga ai.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 27:1

Dai shani e, Yehowa gaw, shi a ja la ai, galu kaba nna n-gun ja ai nhtu hte, lawan chye a baren lapu hte magyi magaw re ai baren lapu hpe, kawan katsan yu nna, nammukdara e, rawng ai numraw hpe sat kau na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 30:28

shi a nsoi nsa gaw du du hkra lim ai hka hpungla hte bung nna, shi gaw masha amyu ni hpe hten byak ngu ai hking hte hking kau na ra ai: masha amyu ni a n-gup hta mung, shanhte hpe lam shadam ai runghtung htung ya na ra ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 32:19

Rai timung, sin hkrat ai hte dai maling kadawng daw nna, mare mung atsai awai shamyit kau ai hkrum na ra ai.

ESAIA 40:10

Yu u, Madu Yehowa gaw hpung shingkang hte du nna, shi a lahpum up nga na ra ai; shi karan jaw na kumhpa shi lang nna, shi gam jaw na shabrai shi a man e rai nga ai.

ESAIA 8:6

“Ndai amyu gaw angwi sha lwi ai Shilo hkaraw na hka hpe gang kau nna, Rezin hte Remalia kasha hta kabu ma ai majaw,

EZEKELA 13:11

Dai gaw daw wa na ra ai, ngu nna namhtun chya ai ni hpe tsun mu; marang kaba htu lim na ra ai; sin kaba hkrat na ra ai; bungsha gaw dai hpe agrawp kau na ra ai.

EZEKELA 38:9

Nang gaw laru marang zawn lung wa nna, nang hte, nang hta lawm ai hpyen masha wunawng wuwa yawng hte hpawn, dai mungdan hpe sumwi zawn ka-up na marin dai.”

Daniela 9:26

Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

NAHUM 1:8

shi gaw Ninewe mare hpe mawru ru ai hte, shamyit kau nna, hpyen ni hpe nsin sin ai shara de shachyut kau na ra ai.

YAWSHU 10:11

Shing rai Israela man na shanhte hprawng wa ma yang, Bet-horon kaw na yu wa ai lam e, Yehowa gaw lamu de na lungdin kaba jahkrat bun wu ai rai nna, Azeka mare du hkra adup ai hte si shajang ma ai: Israela kashu kasha ni a nhtu hte si ai hta, sin marang e si ai mahtang grau law ma ai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”

SHINGRAN 8:7

Ya, shawng na wa pahtau dum dat wu ai: shaloi asai kayau ai sin hte awan htu wa ai; dai hpe ga ntsa de jahkrat dat yang, dinghta ga daw masum hta na daw mi hkru mat wa ai; nam maling hpun ni mung htam masum hta na htammi hkru mat wa ai; tsit lali ai tsingdu yawng gaw hkru mat wa ai.