ESAIA 27:5 - Jinghpaw Hanson Version Bible

⁵ Shing n rai, shi nye a n-gun hta hpa nna, ngai hte jinghku hku u ga, rai sa, ngai hte jinghku hku u ga.

Jinghpaw Common Language Bible 2009

⁵ Rai ti mung nye a amyu masha ni a gumlau hpyen ni nye a makawp maga lam ra sharawng ma ai rai yang, shanhte ngai hte ngwi pyaw sim sa lam galaw mu ga. Rai sa, shanhte ngai hte ngwi pyaw sim sa lam galaw mu ga,” ngu nna tsun na ra ai.

ESAIA 27:5 ပူးပေါင်းရင်းမြစ်များ

YOBA 22:21

Shi hte hkau chyap nna, ngwipyaw nga u; shing rai yang, ngamu ngamai hkrum na ndai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 25:4

Kaning rai nme law, nang gaw matsan mayan ni a shingbyi shara, nni nkri hkrum ai ni a shingwung shara, nbung laru ru yang makoi magap shara, gumshem ai ni gaw, shakum hpe adawt ai nbung laru zawn pawt kahtet bu yang, jan n-gang hte shingnip nang rai nga ndai.

ESAIA 26:12

Yehowa e, nang anhte a matu ngwipyaw lam san da na ndai; kaning rai nme law, anhte a amu mahkra hpe pyi nang anhte a matu shachyen nu ai.

ESAIA 42:19

Nye mayam wa hta kaga, myi hten ai wa kadai rai ta? ngai shangun dat ai kasa zawn, kadai na lahpang a ta? nye jinghku wa zawn, kadai myi hten a ta? Yehowa a mayam zawn kadai myi hten a ta?

ESAIA 45:24

“Yehowa hta chyu sha dinghpring ai hte n-gun atsam rai nga ai da,” nga nna nye a lam tsun da sai; masha ni gaw shi hpang de du na mara ai; shi hpe pawt sindawng ai ni yawng, kaya kahpa hkrum na mara ai.

ESAIA 56:2

Shing rai galaw ai wa, dai lam hkan nang ai masha kasha gaw, laban nhtoi hpe awu asin n di ai hte, n hkru ai amu hpa mung n galaw hkra, tinang lata hpe hkang da ai rai yang, a nga ai.

ESAIA 57:19

N-gup a asi hpe ngai hpan da nngai; sumtsan mung na wa hta mung, ni nga ai wa hta mung, ngwipyaw lam, gaja wa, ngwipyaw lam, rai nga u ga; ngai shi hpe shamai shatsai na nngai,” nga nna Yehowa tsun ai.

ESAIA 64:7

Nang gaw na a myi man hpe makoi kau nna, anhte a shut hpyit ai hte anhte hpe shamyit kau mani ai majaw, na a amying nsang hpe shaga ai wa mung, nang hta manoi manat na nga, tinang hkum hpe shadut ai wa mung, n nga ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

LUKA 14:32

Shing n rai yang, dai kaga hkawhkam wa tsan tsan e naw rai nga yang, kasa shangun dat nna, htinglu htinglai na lam hpyi nem na ra ai.

LUKA 19:42

“Mare nang e, ngwipyaw ai lam hpe dai ni na nhtoi e nang chye lu wu taw gaw law! ya chyawm gaw dai lam ni hpe na a man e makoi da nga ai.

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

YAWSHU 10:6

Shaloi Gibeon masah ni gaw, Gilgala dap de Yawshu kaw masha shangun nna, “Na a mayam ni hpe lup mu hkum yu nga et; anhte hpe hkye la na alawan lung wa rit; bum ga na Amori hkawhkam ni nlang anhte hpe gasat na nga hpawng nga masai,” ngu nna sa tsun mu ai.