ESAIA 27:12 - Jinghpaw Hanson Version Bible

¹² Dai shani e Yehowa gaw, Hka nu kaba kaw nna Egutu hka shi du hkra, shi hte seng ai nsi naisi dup la nhtawm, Israela kashu kasha ni e, nanhte langai hte langai hkauling zawn hta la ai hkrum na marin dai.

Jinghpaw Common Language Bible 2009

¹² Dai shani e, Uhprat hka nu kaw nna Egutu mung jarit du hkra, dai Madu gaw shi a amyu masha masha langai hpang langai hpe chyarang kaw nna hkaulan mam gu hte nsan hpe ginhka la ai zawn shinggyin la na ra ai.

ESAIA 27:12 ပူးပေါင်းရင်းမြစ်များ

NINGPAWT NINGHPANG 15:18

Dai shani e Yehowa gaw Abram hte ga shaka tawn da nna,

1 HKAWHKAM 8:65

Shing rai Shawlumon gaw, ndai aten e, Habat mare kaw nna Egutu hka shi du hkra, shara shagu hkan na du sa ai grai law ai Israela shawa hpawng hte rau, anhte a Karai Kasang Yehowa a man e nhtoi bat lahkawng ngu ai nhtoi shi mali ya tup, poi de wu ai.

NEHEMIA 1:9

nanhte myit kayin nna, nye a hkang da ai ga hkan galaw myit yang gaw, nanhte a shabra kau hkrum ai ni gaw, lamu ga htum hkra bra nga timung, ngai shanhte hpe shinggyin la nhtawm, nye mying nsang tawn da na matu, ngai lata la ai shara de bai woi wa na nme ai, nga nna na a shangun ma Mawshe hte tawn da ai ga shaka hpe dum mu.

SHAKAWN KUNGDAWN 68:22

Dai Madu gaw, “na a lagaw asai hta nang gumchya lu nna, Na a gwi ni a shinglet gumlau ni hpe mata lu mu ga;

SHAKAWN KUNGDAWN 72:8

Nammukdara kaw nna nammukdara du hkra, Uhprat hka nu kaw nna lamu ga htum hkra, shi up nga u ga.

ESAIA 17:6

Rai timung, tsanlun hpun ashun ai hpang, hpun ndung e tsanlun si lahkawng masum, kung dam htum ai lakung ni hta mali manga naw noi nga ai hte maren, dai mungdan hta naw hti nga ai ni ngam nga na mara ai,” nga nna Israela Karai Kasang Yehowa tsun nga ai.

ESAIA 49:5

Ngai gaw Yehowa man e arawng sadang lu ai hte, nye a Karai Kasang gaw nye a n-gun tai wa nna, Yaku a amyu hpe shi hpang de bai wa shangun na hte, Israela masha ni hpe shi hpang de zuphpawng shangun na matu, shi a shangun ma tai na, hkritung kaw nna ngai hpe hpan da ai Yehowa, ya ning nga ai:

ESAIA 56:8

Dumbru dumbra rai nga ai, Israela masha ni hpe shinggyin la ai Madu Yehowa gaw, Ngai hte seng ai ni hpe shinggyin la ai hta kaga, shanhte hte rau tsasam amyu ni hpe mung ngai naw shinggyin la na nngai, nga nna tsun ai.

YEREMIA 3:14

Htak mat ai ma ni e, bai wa marit, nga nna Yehowa tsun ai: ngai gaw nanhte a madu nan rai nga nngai; ngai gaw mare mi hta na langai mi, htinggaw mi hta na lahkawng, lata la nna, Ziun mare de woi wa na nngai.

YEREMIA 44:28

Dai rai nna, ri nhtu na hprawng lawt ai ni hkrai, Egutu mung nna Yuda mung de nhtang wa lu na mara ai: shanhte mung law na n rai; shing rai, nye a ga mahtang, shanhte a ga mahtang, grin nga na kun? Egutu mung de sa shingbyi ai, naw ngam nga ai Yuda masha ni yawng, chye lu na mara ai.

EZEKELA 20:34

nanhte bra nga ai amyu ni hta na mung, ayai nga ai mungdan ni hta na mung, ngai nanhte hpe n-gun ja ai lata, shada da ai lahpum, ru bun ai pawt kahtet ai hte shinggyin la nna jahpawng da na nngai:

EZEKELA 20:41

Nanhte bra nga ai amyu ni hta na mung, nanhte ayai kau hkrum ai mungdan ni hta na mung, ngai nanhte hpe shinggyin la nna zuphpawng shangun yang, manam pyaw ai baw hpe zawn, ngai nanhte hpe hkap la nna, maigan amyu ni a man e, nanhte a jaw e, arawng sadang dan hkung na nngai.

EZEKELA 39:25

“Dai re ai majaw Madu Yehowa ning nga ai: Bawng dung hkrum ai Yaku amyu hpe, ya ngai nhtang woi wa nna, Israela dap ting hpe matsan dum na nngai: nye chyoi pra ai mying ningsang hpe ngai maga na nngai.

EZEKELA 47:19

Dingda maga jarit gaw, Tamara kaw nna, Meribot-kadesha hka htung ni hte Egutu hka shi lai, nammukdara kaba du hkra, rai na ra ai. Dai gaw dingda de na lamu ga jarit rai nga ai.

AMO LAIKA (AMOS) 9:9

Kaning rai nme law, yu mu, ngai htet da nna, n-gu hpe hking hta hking ai zawn, maigan amyu ni hta Israela amyu hpe ngai hking na nngai: rai timung, shingrun tum mi pyi, ga de hkrat na n rai.

ZEHKARIA 8:7

Zaw nawng zaw wa up ai Yehowa ning nga ai: “Yu mu, ngai gaw nye a amyu masha ni hpe sinpraw mung hte sinna mung de na, hkye hkrang la na nngai;

LUKA 15:4

“Nanhte hta, sagu latsa lu nna langai mi mat yang, dai jahku shi jahku hte hpe nam e naw tawn da nhtawm, mat ai sagu hpe mu la hkra n hkan tam ai, kadai wa nga na rai ta?

YAWHAN 10:16

Ndai ulawng hte n seng ai sagu kaga mung ngai naw lu nngai: dai sagu ni hpe mung ngai woi wa lu na rai nna, dai ni mung nye a nsen madat na mara ai; shaloi sagu hpung langai sha, sagu rem wa langai sha, rai na ra ai.

YAWHAN 6:37

Wa e ngai hpe ap ya ai yawng mayawng hte gaw, ngai hpang de du na mara ai; ngai hpang de du sa ai wa hpe mung, gaja wa ngai n kanawng kau na nngai.

YAWSHU 15:4

Azmon hku garet nhtawm, Egutu hka e hkrawn, Nammukdara e htuk rai nga ai: dai gaw shanhte a lamu ga dingda jarit rai na, rai nga ai.