ESAIA 27:10 - Jinghpaw Hanson Version Bible

¹⁰ Kaning rai nme law, bunghku kum ai mare gaw katsi katsang rai nga ai hte, zaibru jang e kau tawn da ai mare dingsa hte bung nga ai: dai yang e dumsu kasha gaw ushat tam nna, hpum nga let, makrung matsun ni sha na mara ai.

Jinghpaw Common Language Bible 2009

¹⁰ Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 27:10 ပူးပေါင်းရင်းမြစ်များ

ESAIA 17:2

Aroera mare ni hpe kau da masai; de a mare dingsa ni hta sagu hpung ni hpum nga nna, shanhte hpe jahkrit ai kadai mung n nga ai.

ESAIA 17:9

Dai shani e shanhte a ngang ai mare ni gaw, nam mali hte kawng pungding hkan e, Israela kashu kasha ni a man e kau tawn da ai mare ni hte bung nna, dai mung gaw katsi katsang rai nga ai.

ESAIA 24:10

Kram nga ai mare gaw, run agrawp mat sai; kadai n shang lu hkra, nta shagu la da nga ai.

ESAIA 25:2

Mare hpe nlung sumpum, bunghku kum ai mare hpe marawng marang, tsasam ni a htingnu ni, mare n tai hkra, nang shabyin kau nu ai: dai hpe galoi mung dè da lu na n rai.

ESAIA 32:19

Rai timung, sin hkrat ai hte dai maling kadawng daw nna, mare mung atsai awai shamyit kau ai hkrum na ra ai.

ESAIA 35:1

Nam mali hte hkraw hkun ai shara gaw, kabu gara na ra ai; zaibru jang mung awng sharawng nna, mari pan zawn pu na ra ai.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

ESAIA 7:21

Dai shani e masha wa gaw, dumsu langai mi hte sagu yi lahkawng rem da yang,

ESAIA 7:25

Shanghkawp hte chye kapun ai hkai bang mahkra hta, ju hpun hte tsing hkrai tu ai majaw, kadai n shang lu nna, dai yang dumsu ni a udat shara, sagu ni a kabye shara, tai na ra ai,” nga nna tsun ai.

YEREMIA 25:37

Yehowa pawt sindawng ai majaw, ngwipyaw ai ulawng ni atsin sha rai mat sai.

YEREMIA 52:27

Babelon hkawhkam gaw Hamat mung Ribla mare hta shanhte hpe kahtam sat kau mu ai. Shing rai Yuda amyu gaw tinang a mung hta na shapraw kau ai hkrum mat ma ai.

SHARUNG SHAYAWT 1:4

Kadai mung poi de n sa ai majaw, Ziun a lam ni yawn nga ai; De a chyinghka ni yawng shingran katsi nga ai; hkinjawng ni madai nga ma ai; Mahkawn ni yawn nga nna, shi hkum nan myit ru nga ai.

SHARUNG SHAYAWT 5:18

Ziun bum gaw, shingran katsi ai shara tai mat sai; Nam gwi ni de a ntsa e hkawm nga ma ai.

EZEKELA 36:4

Israela bum ni e, Madu Yehowa ga madat mara mu: bum ni hte kawng ni hpe, hkaraw ni hte kadit ni hpe, grup yin e nga nna, naw ngam nga ai maigan amyu ni a man e lanep hte shatan nhkan shara tai ai, katsi katsang shara ni hte marawng marang tai mat ai mare ni a lam, Madu Yehowa ning nga ai:

MIHKA 3:12

Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.