ESAIA 26:4 - Jinghpaw Hanson Version Bible

⁴ Yehowa hpe prat tup jaw lup kamsham nga mu: Madu Yehowa gaw htani htana lunghkrung rai nga ai.

Jinghpaw Common Language Bible 2009

⁴ Dai Madu hpe htani htana kam hpa nga mu; shi gaw anhte hpe tut nawng makawp maga na ra ai.

ESAIA 26:4 ပူးပေါင်းရင်းမြစ်များ

2 HKAWHKAM LABAU 20:20

Shing rai shanhte gaw hpang jahpawt jau jau rawt nna, Tekoa nam mali de sa wa ma ai: shanhte sa wa nga yang, Yehosahpat gaw tsap nna, Yuda masha ni hte Yerusalem masha ni e, “Madat mara mu; nanhte a Karai Kasang Yehowa hpe kamsham nga mu; shing rai yang nanhte grin wa lu na myit dai; shi a myihtoi ni hpe mung kamsham nga mu, shaloi nanhte ninglaw lu na myit dai,” ngu nna tsun mu ai.

2 HKAWHKAM LABAU 32:8

shi a maga e masha lahpum hkrai rai nga ai; anhte a maga de chyawm gaw, hpyen majan hta anhte hpe makawp maga lu ai, anhte a Karai Kasang Yehowa rai nga ai, nga nna tsun ai ga majaw, mung masha ni gaw Yuda hkawhkam Hezekia ga hta shamyet shanat nga ma ai.

YOBA 9:19

N-gun lagaw hta shamyet, ngu yang, yu u, shi atsam grau rawng nga ai; tara dara hkat, ngu yang, ngai hpang maga kadai sakse hkam na rai ta?

SHAKAWN KUNGDAWN 125:1

Yehowa hpe shamyet shanat ai ni, n shamu nga ai Ziun bum zawn rai nga ma ai; Dai gaw htani htana anga nga ai.

SHAKAWN KUNGDAWN 18:2

Yehowa gaw nye a lunghkrung, nye a hpyen dap, nye a hkye hkrang la ai Wa, Nye a Karai Wa, ngai shingbyi nga ai nye a lungpu, Nye a n-gang, nye a hkye la ai nrung, nye a langchyi, rai nga li ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chyalu rai nga ai.

SHAKAWN KUNGDAWN 55:22

Na a lit Yehowa hta mara da u. Shi nang hpe shadaw na re ai: Tutnawng e dinghpring ai ni hpe, Kataw shangun nga na n rai.

SHAKAWN KUNGDAWN 62:11

Karai Kasang lang mi ga jaw ni ai: Karai Kasang n-gun a npawt rai nga ai gaw, Lahkawng lang ngai na yu se ai.

SHAKAWN KUNGDAWN 62:8

Amyu masha ni e, Karai Kasang hpe tut tut hpa nga mu; Nanhte a myit shi a man e hpaw dan mu: Karai Kasang gaw anhte a shingbyi shara rai nga ai. [Selah.]

SHAKAWN KUNGDAWN 62:9

Kaja wa, darat daroi masha ni nbung hkrai rai nga ma ai; Daru magam masha ni masu ai hkrai rai nga ma ai: Shanhte hpe joi hta shen yu yang, yawng hte wa nbung hta grau tsang ma ai.

SHAKAWN KUNGDAWN 66:7

Shi gaw shi a n-gun hte prat tup up nga ai, Shi a myi, masha amyu ni hpe azi yu nga ai: Je hpre ai ni tinang hkum hpe shagrau lu na ma ai n rai. [Selah.]

SHAKAWN KUNGDAWN 93:1

Yehowa gaw Hkawhkam rai nga ai; Hpung shingkang hpe shi bu hpun nga ai; Yehowa gaw n-gun hte mawn sumli nga ai, Dai hpe shingkyit zawn kyit da nu ai: Gaja wa, mungkan ga hpe shi tawn da nu ai: Dai gaw shamu shamawt nga ai n rai.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 44:8

Nanhte hkum tsang myit, hkum hkrit myit; moi shawng kaw nna ngai nang hpe tsun madun da ni ai, n rai ni? nanhte nan nye a sakse ni rai nga myit dai. Ngai hta shaje Karai Kasang nga a ni? Gaja wa, Lunghkrung shaje nga ai gaw, ngai n chye nngai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 45:24

“Yehowa hta chyu sha dinghpring ai hte n-gun atsam rai nga ai da,” nga nna nye a lam tsun da sai; masha ni gaw shi hpang de du na mara ai; shi hpe pawt sindawng ai ni yawng, kaya kahpa hkrum na mara ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 51:5

Nye a dinghpring ai tara ani sha rai nga ai; nye a hkye hkrang la ai lam pru wa sai; nye a lata gaw amyu baw ni hpe tara dara na ra ai; zunlawng ni gaw ngai hpe ala nga nna, nye a lata hta shamyet shanat na mara ai.

ESAIA 63:1

Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

TARA JAHPRANG 32:4

Dai Lunghkrung, shi a magam hkum tsup nga ai. Shi a lam shagu dinghpring ai lam rai nga ai; Kangka re ai hte mara n rawng ai Karai Kasang, Dinghpring ai hte tengman, shi rai nga ai.

TARA JAHPRANG 33:27

Chyi nma Karai Kasang gaw na shingbyi shara rai nga ai, Htani htana lahpum ta gaw nang hpe pawn la nga ai. Shi gaw, Jahten shabya kau mu, nga nna, Hpyen wa hpe na a man na jahtaw kau wu ai.

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

1 SAMUELA 2:2

Yehowa zawn chyoi pra ai kadai n nga ai; Nang hta kaga Karai shaje n nga ai, Anhte Karai Kasang zawn, lunghkrung shaje n nga ai.