ESAIA 26:14 - Jinghpaw Hanson Version Bible

¹⁴ Dai madu ni gaw si ma masai; bai hkrung lu na n rai; shanhte minla tai masai, bai rawt lu na n rai; dai lam majaw, nang shanhte hpe kawan katsan yu ai hte, shanhte hpe jahten shabyak kau nna, shanhte a masat dingsat pyi n nga lu hkra, shamyit kau manu ai.

Jinghpaw Common Language Bible 2009

¹⁴ Ya chyawm gaw shanhte si mat masai, bai hkrung wa lu na ma ai n rai; shanhte a minla ni rawt wa na mara ai n rai, hpa majaw nga yang nang gaw shanhte hpe ari jaw nna shanhte hpe jahten kau nit dai. Kadai mung shanhte hpe galoi mung dum nga ai n rai.

ESAIA 26:14 ပူးပေါင်းရင်းမြစ်များ

GA SHAGAWP 10:7

Dinghpring ai wa a masat dingsat gaw, a nga ai; Tara n lang ai wa a amying chyawm gaw, tsam mat na ra ai.

ESAIA 8:19

Nat shung ai ni hte, mandan bau jawp kahte ai ni hpe tam mu, nga nna nanhte hpe tsun myit yang, masha amyu gaw tinang a Karai Kasang hpe tam mai na, n rai ni? hkrung nga ai ni a amu, si mat ai ni hpe mai san na rai ni?

SHAKAWN KUNGDAWN 106:28

Bala Peura hpe shanhte manoi nna, Si ai wa hpe nawng ai hkungga sha ma ai.

SHINGRAN 20:5

ngam nga ai masha chyasi ni chyawm gaw, dai shaning hkying mi garai n htum ai laman e, bai n hkrung lu ma ai, Dai gaw shawng na ngu ai bai hkrung rawt wa ai lam rai nga ai.

MAHTE 2:20

“Rawt u, dai ma kaji hte shi a kanu hpe woi la nna, Israela a mung de wa su; dai ma kaji a asak hpe tam ai ni si mat masai,” nga ai.

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

SHAKAWN KUNGDAWN 109:13

Shi a aru arat htum mat u ga, Hpang e pra wa ai ni hta, shanhte a amying mat mat malu ga.

SHAKAWN KUNGDAWN 9:6

Gumlau ni mat mat wa nna, prat tup htinggaw htum mat masai. Mare ni hpe mung nang run kau nna, De a masat dingsat pyi hten mat sai.

TARA JAHPRANG 4:28

Dai hkan e myi n mu, na n na, n lu n sha chye ai hte manam n chye ai, masha lata hte tawk la ai hpun hpara nlung hpara re ai ni hpe nanhte nawku lu na marin dai.

PRU MAT 14:30

Shing rai Yehowa gaw dai nhtoi hta e Egutu masha ni a lata na Israela kashu kasha ni hpe hkye hkrang la mu ai; dai nawng hkin-gau hkan e Egutu masha ni si taw nga ma ai hpe Israela masha ni mu ma ai.

ESAIA 26:19

Na a si ai masha ni bai hkrung na mara ai; nye a moi mang ni bai rawt na mara ai: ga nhpu hta shanu nga ai ni e, hprang nna mahkawn mangoi mu; kaning rai nme law, nang hta hkrat ai mari gaw, namlaw namlap hta hkrat ai mari hte bung nna, lamu ga gaw si mat ai ni hpe bai shapraw na ra ai.

SHAKAWN KUNGDAWN 36:12

Shut ai hku galaw ai ni dai yang e kataw nga ma ai; shanhte kanawng kau ai hkrum nna, n rawt lu ma ai.

SHAKAWN KUNGDAWN 59:5

Gaja wa, Israela Karai Kasang, Zaw nawng zaw wa up ai Karai Kasang Yehowa e, Amyu baw nlang hte hpe kawan yu na, rawt u: N shawp ai hku hkan ai ni hpe matsan hkum dum nga et. [Selah.]

SHAKAWN KUNGDAWN 135:17

Na tu, timung, n na lu ma ai, Shanhte a n-gup hta nsoi nsa mi n rawng ma ai.

HPAJI NINGLI 9:5

Hkrung nga ai ni gaw, tinang si na hpe chye nga ma ai: si mat ai ni chyawm gaw hpa n chye ma ai hte, hpa shabrai mung, n hkam la lu manu ai: kadai mung shanhte hpe n dum ma ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 37:19

shanhte a Hpara ni hpe wan hta kabai bang kau mu ai; shanhte chyawm gaw Karai Kasang n rai; masha a lata hte galaw da ai hpun hte nlung sumla hkrai rai ma ai majaw, dai ni hpe jahten shabya kau mu ai.

YOBA 7:9

Sumwi hkoi mat nna, mat mat ai zawn, katsan ga de yu wa ai ni, bai lung wa lu na, n rai.

YOBA 18:17

Ga ntsa e shi hpe dum na masat dingsat mat mat nna, mare lam ni hta shi a amying hpe kadai n dum nga ai.

YOBA 24:20

Shi a kanu gaw shi hpe malap kau na ra ai; byet ni shi hpe mu mu sha kau na mara ai: htawm hpang de shi hpe kadai dum na, n rai; n shawp ai wa gaw hpun zawn daw kau ai hkrum na ra ai.