ESAIA 26:13 - Jinghpaw Hanson Version Bible

¹³ Anhte a Karai Kasang Yehowa e, nang hta shaje madu kaga ni anhte a ntsa e up masai; ya chyawm gaw, na a majaw sha, na a amying shingteng hpe anhte dum na ga ai.

Jinghpaw Common Language Bible 2009

¹³ Dai Madu anhte a Karai Kasang e, anhte gaw kaga masha ni a up hkang ai npu hta nga lai wa saga ai, rai ti mung nang chyu sha anhte a Madu rai nga ndai.

ESAIA 26:13 ပူးပေါင်းရင်းမြစ်များ

2 HKAWHKAM LABAU 12:8

Rai timung, ngai hpe daw jau na lam hte ga ntsa mungdan ni hpe daw jau na lam chye ginhka lu mu ga, shanhte gaw shi a mayam ni tai na mara ai, nga ai.

ESAIA 10:11

Samari hte de a hpara sumla ni hpe ngai di lu ai hte maren, Yerusalem hte de a hpara sumla ni hpe di lu na, n rai ni?” nga ai.

ESAIA 12:4

Bai, dai shani e nanhte gaw, Yehowa a chyeju dum mu; shi a amying ningsang hpe kajai gumhkawng mu; shi a up hkang ai lam, amyu baw ni hpe shana ya mu; shi amying ningsang galu kaba nga ai hpe, chye shangun mu.

ESAIA 2:8

Bai shanhte a mungdan gaw hpara sumla ni hte hpring nga ai; shanhte gaw tinang lata a amu hte, tinang layung ni shachyen ai amu hpe, nawku ma ai.

ESAIA 26:8

Rai sa, Yehowa e, nang tara dara ai lam hta hkan sa let, anhte nang hpe myit mada nga ga ai; anhte a myit masin gaw, na a dan hkung ai amying shingteng hpe marit nga ai;

ESAIA 51:22

shi a amyu a matu, bawmung tai ai, na a Karai Kasang Madu Yehowa gaw ning nga ai: “Yu u, n di n da hkawm shangun ai gawm ngu ai, nye a n-yun bu ai gawm hpe, ngai na a lata na dawm la kau nna, htawm hpang de nang lu lu sa na n rai:

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

ESAIA 64:5

Kabu gara ai myit hte dinghpring ai lam galaw nna, na a lam ni dum ai ni hpe, nang sa tau la ndai: yu u, nang pawt sindawng ndai, anhte yubak galaw saga ai; anhte na na wa dai hta lup saga ai; hkye hkrang la ai kaw du lu na rai ni?

AMO LAIKA (AMOS) 6:10

Ya si mat ai wa a kawa doi, mang nat ai wa hte rau sa nna, si mang hpe nhku de na shapraw yang, nta jut e makoi nga ai wa hpe shaga nna, Nang hte rau langai mi naw nga a ni? ngu nna san wu yang, dai wa gaw, N nga sai, nga nna htan jang, kawa doi gaw, Atsin sha nga u, Yehowa a amying hpe shaga mai ai n rai, nga nna daru kau na ra ai.

MIHKA 4:5

Amyu baw ni yawng tinang hte seng ai hpara ni a amying gang let hkan hkawm ma ai; anhte chyawm gaw anhte a Karai Kasang Yehowa a amying gang let, htani htana prat dingsa hkawm nga saga ai.

YAWHAN 8:32

tengman ai lam mung nanhte chye lu na marin dai rai nna, dai tengman ai gaw, nanhte hpe shalawt dat na ra ai,” ngu nna tsun mu ai.

ROMA 6:22

Ya chyawm gaw yubak kaw na shalawt dat ai hkrum nna, Karai Kasang a ali ama ni tai nga myit dai majaw, chyoi pra hkam na ngu ai akyu gaw, nanhte lu la myit dai: de a chyahtum madaw gaw htani htana asak rai nga ai.

1 KORINHTU 4:7

Kaning rai nme law, kadai wa mi nang hpe ginhka shangun nga a ta? Hkam la ai sha n rai yang gaw, nang hpa lu nga a ta? Hkam la n yang gaw, n hkam la ai zawn, hpa majaw gumrawng nga n ta?

HEBRE 13:15

Dai rai nna, Karai Kasang a mying ningsang kajai tsun hkai nga ai n-gup n-gau a asi ngu ai shakawn kungdawn hkungga hpe anhte Yesu a gawp e, Karai Kasang kaw tutnawng e nawng ya nga ga.

YAWSHU 23:7

nanhte hta naw ngam nga ai ndai amyu ni hte n kanawn, shanhte a Hpara amying n gang, de a amying hte n dagam, shanhte hpe n jaw n jau, n naw n ku ai sha;