ESAIA 26:1 - Jinghpaw Hanson Version Bible

¹ Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

Jinghpaw Common Language Bible 2009

¹ Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 26:1 ပူးပေါင်းရင်းမြစ်များ

EZRA 3:11

Shanhte gaw, Yehowa mai kaja nga nna, shi a chyeju Israela ntsa e htani htana anga nga ai, nga nna tsun let hpung mi hte hpung mi htingli htinglai mahkawn ma ai. Yehowa nta a npawt nhpang ni gaw da lu ai majaw, mung masha ni mahkra gaw, Yehowa hpe shakawn kungdawn let, nsen kaba hte jahtau garu nga ma ai.

SHAKAWN KUNGDAWN 31:21

Yehowa gaw, a nga u ga law! ngang ai mare hta, Mauhpa sumnung ai myit, shi ngai hpe madun dan ni ai.

SHAKAWN KUNGDAWN 48:12

Ziun hpe grup kayin nna kawan hkawm yu mu, De a langchyi ni hpe hti yu mu:

SHAKAWN KUNGDAWN 48:4

Yu mu, hkawhkam ni hpawng nga ma ai, Shanhte rau lai sa wa ma ai.

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 14:31

Chyinghka e, sharung shayawt nga u; mare e, hkrap ngu hkrap ngoi nga u: Hpilisti mung ting e, nang yawn du krung nga ndai: kaning rai nme law, dingdung maga de na wan hkut mawng nga ai; shi lai wa ai hku kadai mung n ngam nga ai.

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:20

Dai shani e masha ni gaw tinang nawku na matu galaw da ai aja hpara sumla ni hte, gumhpraw hpara sumla ni hpe, sharu ni hte patsip ni hpang de kabai kau na mara ai:

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 31:5

U gaw tinang a tsip sin nga ai hte maren, Zaw nawng zaw wa up ai Yehowa gaw Yerusalem mare hpe makawp maga na ra ai; makawp maga nna, mawai la na ra ai; yubak shalawt dat nna, shagrin da na ra ai.

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 33:5

Yehowa gaw galu kaba nga ai; shi gaw matsaw ntsang de dung nga ai; shi gaw Ziun bum hpe tara ding nna, dinghpring ai hte jahpring da wu ai.

ESAIA 33:6

N taw n tsang ai hkye hkrang la ai lam, hpaji byeng-ya hte chye chyang ai lam, na a prat dingsa e grin nga na ra ai; Yehowa hpe hkrit hkungga ai lam, na a sutgan rai nga ai.

ESAIA 4:2

Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 5:1

Ngai tsawra ai wa a tsabyi sun hpe lakap nna, tsawra ai wa hpe mahkawn mangoi ga, ngai mahkawn n-ga. Ngai tsawra ai wa gaw sau kawng e tsabyi sun langai mi lu ai:

ESAIA 56:5

Ngai gaw nye a nta nhku e mung, nye a bunghku ni a kata e mung, kashu kasha hta grau hpu nna dum mai ai amying shingteng, shanhte hpe jaw na nngai; n hten n run ai, htani htana amying shingteng ngai shanhte hpe jaw na nngai.

ESAIA 60:18

Na a mung hta kashun kashe, nang shanu ai shara hta, katsi katsang hte hten byak ai htawm hpang de n nga na sai; nang gaw na a bunghku ni hpe Hkye hkrang la ai lam, na a chyinghka ni hpe Shakawn Kungdawn ai shara, nga nna shamying na wu ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

ESAIA 62:11

Yehowa gaw, mungkan htum hkra ning nga ai, “Yu u, nang hpe hkye hkrang la ai wa du ra ai; hkam ging ai shabrai shi a lata hta shi lang nna, karan jaw na kumhpa shi a man e rai nga ai,” ngu nna, Ziun shayi sha hpe tsun mu.

EZEKELA 40:5

Ya, yu u, nta grup yin e bunghku nga nga ai; dai wa a lata hta dawng kru galu ai mai-aw nren lang nga ai; (dai dawng mi gaw lahkam masum hpe ngu ai rai nga ai;) shaloi shi gaw bunghku hpe shadawn nna, de a htat de nren mi, tsaw de nren mi rai nga ai.

ZEHKARIA 2:5

Kaning rai nme law, Ngai gaw dai mare a grup yin e wan bunghku tai nna, de a ka-ang na hpung shingkang tai na nngai,” nga nna Yehowa tsun ai.

ZEHKARIA 2:9

Kaning rai nme law, yu u, ngai gaw shanhte a ntsa e nye a lata ladawn nna, shanhte gaw tinang a mayam ni a lanep tai na mara ai; shing rai, Zaw nawng zaw wa up ai Yehowa gaw, ngai hpe shangun dat ai, nanhte chye lu na marin dai.

BU HKAWM 21:17

Dai shaloi e Israela gaw ndai mahkawn mangoi ga, Hka htung ntsin e, pru u; dai hpe shakawn mu;

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.