ESAIA 25:3 - Jinghpaw Hanson Version Bible

³ Dai re ai majaw n-gun ja ai amyu gaw nang hpe shagrau sha-a na ra ai; gumshem ai amyu ni a mare gaw nang hpe hkrit kamyin na ra ai.

Jinghpaw Common Language Bible 2009

³ Daru magam n-gun rawng ai masha amyu baw ni nang hpe shakawn kungdawn na mara ai; Mazut ai masha amyu baw ni a mare ni nang hpe hkrit kamyin wa na mara ai.

ESAIA 25:3 ပူးပေါင်းရင်းမြစ်များ

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

ESAIA 29:5

Rai timung, nang hpe hpyen ai wunawng wuwa ni gaw nbun zawn, hkrit na nsan ai wunawng wuwa ni gaw, poi mat ai mahkaw zawn, tai na mara ai: gaja wa dai gaw akajawng sha byin na ra ai.

EZEKELA 38:23

Shing rai ngai gaw, nye hkum hpe shagrau shatsaw nna, shachyoi shapra ai hte, maigan amyu law law a man e chye shangun na nngai: shaloi ngai Yehowa rai nga ai hpe, shanhte chye lu na mara ai.”

MIHKA 7:17

Shanhte gaw lapu zawn ga nhpu mata na mara ai: ga ntsa gumrawt hkawm ai baw zawn, tinang a nhkun de na hkrit gari let pru na mara ai: shanhte gaw anhte a Karai Kasang Yehowa hpang de hkrit gari let du nna, na a majaw hkrit kamyin nga na mara ai.

ZEHKARIA 14:16

Ya, Yerusalem mare hpe gasat sa wa ai masha amyu ni hta na, naw ngam nga ai ni langai hte langai, Zaw nawng zaw wa up ai Yehowa ngu ai, Hkawhkam wa hpe nawku na matu mung, dai sum poi hta lawm na matu mung, laning hte laning lung wa na mara ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

SHINGRAN 11:13

Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.