ESAIA 24:9 - Jinghpaw Hanson Version Bible

⁹ Mahkawn mangoi let tsabyi lu na ma ai n rai; chyaru gaw lu ai ni a n-gup hta hka mat na ra ai.

Jinghpaw Common Language Bible 2009

⁹ Sabyi ntsin lu nna kabu gara mahkawn mangoi ai gaw dai shara hta n nga nga ai, de a namchyim namta loi mi hpe kabu sharawng ai masha kadai n nga nga ai.

ESAIA 24:9 ပူးပေါင်းရင်းမြစ်များ

SHAKAWN KUNGDAWN 69:12

Mare chyinghka e dung ai ni, nye a lam kajai nna, Chyaru nang ai ni, laka ga hte ngai hpe asawng ma ai.

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

ESAIA 5:20

N kaja ai hpe kaja ai, kaja ai hpe n kaja ai, nga nna tsun ai ni; nhtoi a malai nsin, nsin a malai nhtoi; dwi ai a malai hka ai, hka ai a malai dwi ai hte galai kau ai ni gaw, dingnye lu ma ai.

ESAIA 5:22

Tsabyi ru kru ni hte, tsi kayau ai chyaru mana maka lu let, sake manawn sha ai hte,

EZEKELA 26:13

Nang hta mahkawn mangoi ai nsen hpe ngai jasim kau nna, na a tingse mahku hpe htawm hpang e kadai na lu na n rai.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

AMO LAIKA (AMOS) 8:3

Dai aten hta e nawku htingnu na mahkawn mangoi ga, hkrap shabam ai hte galai mat na ra ai: si mang ni law nga nna, shara shagu hta na atsin sha kabai kau na mara ai, nga nna Madu Yehowa ngai hpe tsun ai.

ZEHKARIA 9:15

Zaw nawng zaw wa up ai Yehowa gaw, shanhte hpe makawp maga na ra ai; shanhte kawa sha kau nna, lakli nlung ni hpe kabye kau na mara ai: shanhte lu nna, tsabyi jahku hkru ai zawn, kashai na mara ai: shanhte gaw gawm hte tawn hkungri a jut ni zawn, sai hte hpring na mara ai.