ESAIA 24:8 - Jinghpaw Hanson Version Bible

⁸ Ngwipyaw ai shupsheng nsen sim mat sai; kabu gara ai ni a garu ai nsen n nga sai; ngwipyaw ai tingse dum ai gaw sim mat sai.

Jinghpaw Common Language Bible 2009

⁸ shanhte a kabu pyaw ai tingse hte chying bau a mahku nsen sim mat nga masai.

ESAIA 24:8 ပူးပေါင်းရင်းမြစ်များ

YOBA 3:7

Gaja wa, dai shana gaw, katsi katsang rai nga u ga; kabu gara ai nsen dai hta n lawm nga u ga.

YOBA 30:31

Dai rai nna, nye a tingse sharung shayawt ai nsen, nye a sumpyi hkrap ngu hkrap ngoi ai nsen sha shapraw nga ai.

SHAKAWN KUNGDAWN 137:2

Dai yang e tu ai, mu mahka hpun ni hta, Anhte a tingse ni anhte noi da ga ai.

ESAIA 16:10

Kaja htum ai yi hkauna ni hta kabu gara, n nga sai; tsabyi sun ni hta mahkawn mangoi ai hte kabu gara nsen, n nga sai; tsabyi si htumbyen ni hta tsabyi si kabye ai wa, n nga sai; kabu jahtau ai nsen hpe ngai jasim kau we ai.

ESAIA 5:12

Shanhte a poi hta tingse, pahke, shupsheng, sumpyi hte tsabyi machyan lawm nga ai: Yehowa a magam bungli hpe chyawm gaw, shanhte hpa n nawn ai hte, shi a lata shachyen ai amu hpe hpa n dum ma ai.

ESAIA 5:14

Dai majaw Katsan ga gaw tinang a lawhpa ai hpe shalaw let, tinang a n-gup shadawn sharam n nga hkra mahka dat nna, shanhte a hpung shingkang, wunawng wuwa ni jahtau garu ai ni hte shanhte hte rau kabu gara ai ni gaw, dai de ru mat wa ma ai.

YEREMIA 16:9

Kaning rai nme law, Israela Karai Kasang, Zaw nawng zaw wa up ai Yehowa ning nga ai: Yu u, ndai shara hta, kabu gara ai nsen, mani pyaw ai nsen, la ningnan a nsen, num ningnan a nsen, nanhte a man e, nanhte a prat hta, ngai jasim kau na we ai.

YEREMIA 25:10

Dai hta n-ga, shanhte hta na kabu gara ai a nsen, num ningnan a nsen, htumrin rin ai nsen hte pyengdin a nhtoi hpe, ngai jasim kau na we ai.

YEREMIA 7:34

Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

SHARUNG SHAYAWT 5:14

Salang ni gaw, mare chyinghka e n dung ma ai; Shabrang ni gaw, sumpyi n dum ma ai.

EZEKELA 26:13

Nang hta mahkawn mangoi ai nsen hpe ngai jasim kau nna, na a tingse mahku hpe htawm hpang e kadai na lu na n rai.

EZEKELA 28:13

nang gaw Karai Kasang a sun ngu ai, Eden hta, rawng nga ndai: lungseng amyu myu, lungseng hkyeng, utahpaya, sin, myek-yoi, chyawng, nagahtoi, nila, mya, patemya ni hpe, ja hta hkrep nna na hkum hpe mawn sumli ndai: shupsheng hte sumpyi chye galaw ai ni mung, nang hta lawm nna, nang shangai wa ai shani e na a matu lajang da masai.

HOSEA 2:11

Dai rai nna, mam dan ai aten e, nye a nai mam hpe, tsabyi si shup ai aten e, nye a tsabyi jahku hpe, ngai dawm la nna, shi hkum hpe jahpun mai ai, nye a sagu mun hte lachyit ri hpe, gare la kau na nngai.

AMO LAIKA (AMOS) 6:7

Dai re ai majaw shanhte gaw, shawng rim mat wa hkrum ai ni hte rau, bawng dung sa wa nna, kaleng taw let, tinang hkum hpe chyan ai ni a pyaw daw kadaw ai lam, htum mat na ra ai.

SHINGRAN 18:22

Tingse dum ai ni, laka ka ai ni, sumhpyi dum ai ni hte pahke dum ai ni a nsen, nang hta htawn hpang galoi mung ngoi lu na n rai; hpa hpaji maka lam hta rai timung, hpaji maka rawng ai masha nang hta htawm hpang galoi mung paw pru lu na n rai; htumrin rin ai nsen mung, nang hta htawm hpang galoi mung na lu na n rai;