ESAIA 24:5 - Jinghpaw Hanson Version Bible

⁵ Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

Jinghpaw Common Language Bible 2009

⁵ Mung masha ni gaw Karai Kasang a hkang da ai tara ni hpe jahten kau ai hku nna mung, prat dingsa agrin nga na matu shi jaw da ai ga shaka ni hpe shut hpyit kau ai hku nna mung, ginding aga hpe awu asin di kau manu ai.

ESAIA 24:5 ပူးပေါင်းရင်းမြစ်များ

2 SAMUELA 23:5

Gaja wa, Karai Kasang a man e nye a amyu matu dai zawn re ai n rai; Rai timung, htani htana ga shaka gaw, shi ngai hte tawn da, nna, Yawng mayawng hpe shachyip ai hte shagrin da nu ai: Dai gaw ngai hpe hkye la ai lam, nye a sharawng shara tai nna, Dai hpe shatut da ya nu ai n rai ni?

2 HKAWHKAM 21:12

Israela Karai Kasang Yehowa ning nga ai, “Yu mu, shiga na lu ai ni a na lahkawng maga na mau hkra, Yerusalem hte Yuda ntsa e ngai ari ahpri shapraw na we ai.

2 HKAWHKAM 21:15

Kaning rai nme law, shanhte a kaji kawa ni gaw Egutu mung na pru wa ai shani kaw nna dai ni du hkra, shanhte nan nye a man e n hkru ai amu galaw nna, ngai hpe pawt sindawng shangun mi ai,” ngu nna tsun mu ai.

2 HKAWHKAM LABAU 33:9

Shing rai manashe gaw Yuda hte Yerusalem masha ni hpe lam shadam kau ai hte, Israela kashu kasha ni a man e Yehowa shaza kau ai maigan amyu ni hta grau n hkru ai amu galaw shangun mu ai.

SHAKAWN KUNGDAWN 105:10

“Hkanan mung hpe na a sali wunli jarit matu, Ngai nang hpe jaw na nngai,” nga ai ga gaw,

SHAKAWN KUNGDAWN 55:5

Hkrit ai hte gari kawa ai gaw ngai kaw pru nna, Kajawng kaja ngai hpe htinggrum da nngai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 33:8

Ningmaw lam ni shingran katsi mat sai; lam hta lai hkawm ai kadai n nga ai; hpyen wa gaw ga shaka hten sai; mare ni hpe mung n nawn, masha ni hpe mung n sawn ma ai.

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

YEREMIA 11:10

Nye a ga hpe lale kau ai, kaji kawa ni a shut hpyit ai hpang de, shanhte nhtang wa masai; hpara tsasam ni hpe daw jau na nga, hkan nang mat wa masai; Israela dap na ni hte Yuda dap na ni gaw, shanhte a kaji kawa ni hte ngai tawn da ai ga shaka hpe, run kau manu ai.

YEREMIA 50:5

Shanhte gaw, Sa marit, galoi n malap kau lu ai ga shaka Yehowa hte matut ga, nga nna Ziun de myi man yawng let, de a lam tam na mara ai.”

EZEKELA 16:59

“Kaning rai nme law, Madu Yehowa ning nga ai: ‘Ga shaka hpe sharun kau na matu, dagam ai ga hpe n kaw n law di kau ai majaw, nang di ai hte maren ngai nang hpe di kau na de ai.

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

EZEKELA 20:24

kaning rai nme law, shanhte gaw nye a tara dara ai lam ni hpe n hkan galaw, nye a matsun maroi ga ni hpe kau da, nye a laban nhtoi ni hpe awu asin di kau ai hte, shanhte a myi gaw kaji kawa ni a hpara ni hpe mada nga ai.

EZEKELA 37:26

Dai hta n-ga ngai shanhte hte ngwipyaw ga shaka tawn da nna, dai gaw htani htana ga shaka tai na ra ai: ngai shanhte hpe dè da nna, shalaw jahtam na nngai: nye a chyoi pra ai shara hpe, shanhte a ka-ang e prat dingsa ngai tawn da na nngai.

Daniela 7:25

Dai wa gaw Tsaw Htum ai Wa hpe shatan nna, Tsaw Htum ai Wa a chyoi pra ai ni hpe shaba na ra ai: shi gaw aten ladaw hte tara hpe, galai kau na maw ai rai nna, shanhte gaw aten mi, aten lahkawng hte aten chyen mi, shi a lata hta ap kau ai hkrum na mara ai.

Daniela 9:10

Anhte a Karai Kasang Yehowa gaw, shi a shangun ma myihtoi ni a lata hte, anhte a matu tawn da ai tara hpe hkan nang hkra, shi a nsen hpe, anhte n madat nga ga ai.

Daniela 9:5

anhte yubak galaw saga ai; anhte shut hpyit nga saga ai; anhte n hkru nga ai hte gumlau nna, na a matsun maroi ga hte, na a hkang da ai ga hpe pyi, kau da saga ai:

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

JAW JAU 20:22

Shing rai, ngai nanhte hpe woi wa nna madu shangun ai mung gaw, nanhte hpe n nhpat kau u ga, ngai tawn da ai ga matsun yawng hte nye a tara mahkra hpe, nanhte hkan galaw lu na rai myit dai.

JAW JAU 26:35

Nanhte nga nga ai hte yang, tinang a laban nhtoi ni hta n ban n sa lu ai, nanhte a dai daw ga gaw, ya a katsi katsang rai mat ai nhtoi hte ting hta ban sa lu na ra ai.

MIHKA 2:10

Rawt mu, sa wa manu: hten byak kaba hte jahten shabyak chye ai awu asin re ai amu majaw, ndai shara gaw, nanhte a ban sa shara, n rai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

TARA JAHPRANG 32:20

Shi tsun ai gaw, “Shanhte myit magaw ai amyu, Kangka n re ai kashu kasha ni rai ma ai;” Dai majaw, nye a myi man ngai makoi kau nna, Shanhte a lam jahtum hpe ngai yu yu na we ai.

HEBRE 13:20

Anhte a Madu Yesu ngu ai, sagu hpung ni a sagu rem wa kaba hpe, htani htana ga shaka asai hte si ai ni kaw na bai woi wa ai, ngwipyaw ai a npawt Karai Kasang gaw,

HEBRE 9:1

Dai shawng na ga shaka hta pyi, nawku htung hte seng ai arawn alai ni hte, mungkan ga na chyoi pra ai nta lawm ga ai.

YAWSHU 23:16

Nanhte a Karai Kasang Yehowa nanhte hpe hkang da ai ga shaka lam hta na nanhte tawt lai nna, Hpara shaje ni hpe sa jaw jau ai hte nawku nga myit yang gaw, Yehowa a pawt ai sindawng nanhte hta du nna, shi nanhte hpe jaw da ai ndai mungdan kaja hta na nanhte alawan htum mat wa na marin dai,” ngu nna tsun mu ai.

YAWSHU 24:25

Shing rai Yawshu gaw dai shani e, amyu masha ni hte ga shaka da nna, Shehkem mare e matsun maroi hte ga madat tawn da wu ai.