ESAIA 24:4 - Jinghpaw Hanson Version Bible

⁴ Lamu ga gaw yawn nga ai hte, nyui mat nga ai; mungkan ga gaw n-gun yawm ai hte, nyui mat nga ai; ga ntsa na dap tsaw ai amyu gaw, n-gun yawm nga ai.

Jinghpaw Common Language Bible 2009

⁴ Ginding aga gaw hkun hkraw ai hte nyui nga ai; mungkan ga ting n-gun yawm nga ai; ginding aga hte sumsing lamu gaw tsam mat na ra ai.

ESAIA 24:4 ပူးပေါင်းရင်းမြစ်များ

ESAIA 24:21

Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 24:3

Gaja wa lamu ga gaw kram nga nna, akrin akraw rai na ra ai: kaning rai nme law, Yehowa dai ga tsun da nga ai.

ESAIA 28:1

Tsabyi jahku nang nna, sau hpum ai kadit mahka e nga ai, Ehprim a chyaru ya ni a gumrawng ai janmau hte, nyui mat magang ai arawng sadang a nampan gaw, dingnye nga u ga.

ESAIA 3:26

Shi a chyinghka ni gaw hkrap ngu hkrap ngoi let sharung shayawt na mara ai: shi gaw shingran katsi ai shara e ga hta dung nga na ra ai.

ESAIA 33:9

Mungdan gaw yawn nga nna nyui mat nga ai; Lebanon gaw mak mat nna, hkraw mat nga ai; Sharon gaw zaibru jang hte bung nna, Bashan hte Hkarmela gaw ashun awam nga ma ai.

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

YEREMIA 12:4

Mungdan gaw yawng hkyen nna, mung ting a namlaw namlap gaten du hkra nyip mat na rai ta? mung masha ni gaw, Karai Kasang, anhte htum mat ai hpe, yu lu na n rai, nga nna n kaja ai ga tsun ai majaw, ashu ashan ni hte u ni pyi myit mat masai.

YEREMIA 4:28

Shing rai lamu ga sharung shayawt nna, sumsing lamu chyang mat na ra ai: dai gaw nye a mungga rai nga ai; dai lam ngai myit shatawng da nna, myit malai nga ai, n rai; ngai dai n galaw ai, nga na n rai.

SHARUNG SHAYAWT 1:4

Kadai mung poi de n sa ai majaw, Ziun a lam ni yawn nga ai; De a chyinghka ni yawng shingran katsi nga ai; hkinjawng ni madai nga ma ai; Mahkawn ni yawn nga nna, shi hkum nan myit ru nga ai.

HOSEA 4:3

Dai re ai majaw, dai mungdan gaw yawn hkyen nga nna, dai hta shanu nga ai ni yawng hte hpawn, pa ga na ashu ashan ni, ntsa malen u ni gawng kya na mara ai: gaja wa, nammukdara nga ni pyi, htum mat na mara ai.

YOELA 1:10

Yi hkauna ni hkam nga ai; mungdan gaw yawn nga ai: kaning rai nme law, nai mam san mat sai, tsabyi jahku ningnan ma mat sai, asau hkyet mat sai.