ESAIA 24:2 - Jinghpaw Hanson Version Bible

² Dai shaloi e hkinjawng wa gaw, yu maya wa zawn, madu gaw mayam wa zawn, madu num gaw mayam num zawn, dut ai wa gaw mari ai wa zawn, hka madu gaw hka kap ai wa zawn, atu sha ai wa gaw atu jaw ai wa zawn, tai na ra ai.

Jinghpaw Common Language Bible 2009

² Hkinjawng ni hte amyu masha ni, mayam ni hte mayam madu ni, mari ai ni hte dut ya ai ni, hkoi ya ai ni hte hkoi la ai ni, sut su ai hte matsan mayan re ai ngu na masha shagu hte gaw hpang jahtum na lam hpe maren hkrum na rai ma ai.

ESAIA 24:2 ပူးပေါင်းရင်းမြစ်များ

NINGPAWT NINGHPANG 41:50

Dai hku hku ai shaning garai n du yang, Ona mare a hkinjawng Hputi Hpera a shayi sha Asnat gaw, Yawsep a matu shadang sha lahkawng shangai ya wu ai.

2 HKAWHKAM LABAU 36:20

Nhtu n hkrum ai ni hpe Babelon mare de bawng woi wa mu ai rai nna, shanhte gaw Persi mungdan grin wa ai du hkra, shi hte shi a kasha ni a mayam ni rai nga ma ai.

ESAIA 2:9

Dai rai nna, ga ntsa masha gaw gum dagup nna, shinggyim masha gaw dingnyawm nga ai majaw, nang shanhte a mara hpe raw dat kau ya mu ai n rai.

ESAIA 24:3

Gaja wa lamu ga gaw kram nga nna, akrin akraw rai na ra ai: kaning rai nme law, Yehowa dai ga tsun da nga ai.

ESAIA 28:7

Rai timung shanhte pyi tsabyi majaw shut masai; chyaru majaw ndi nda hkawm masai; hkinjawng wa hte myihtoi wa gaw chyaru majaw shut masai; shanhte tsabyi jahku hta galu nna, chyaru majaw ndi nda hkawm ma ai; shanhte teng ai shingran n mu, tengman ai hku tara n dara ma ai.

ESAIA 5:15

Shing rai hpa n hkaw ai ni gum dagup ai, arawng lu ai ni shagrit kau ai, myit kaba ai ni myi man sum ai, hkrum na ma ai.

YEREMIA 41:2

Shaloi Nehtania kasha Ishmaela gaw, dai marai shi hte rau rawt nna, Babelon hkawhkam a ahkang hte munggyi tai nga ai Shahpan a kashu Ahikam a kasha Gedalia hpe nhtu hte kahtam sat kau mu ai.

YEREMIA 42:18

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.

SHARUNG SHAYAWT 4:13

Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

SHARUNG SHAYAWT 4:16

Yehowa a myi man shanhte hpe shabra kau manu ai; shi shanhte hpe bai yu na n rai; Shanhte gaw hkinjawng ni hpe n kaw n law di nna, salang ni hpe hkungga ma ai n rai,” nga nna masha amyu baw ni hta tsun shajang nga ma ai.

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

HOSEA 4:9

Shing rai yu maya masha ni hta byin ai zawn, hkinjawng ni hta mung byin na ra ai: shanhte a arawn alai hpe ngai sawk yu nna, shanhte galaw ai hte maren matai htang na nngai.