ESAIA 22:5 - Jinghpaw Hanson Version Bible

⁵ Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

Jinghpaw Common Language Bible 2009

⁵ Ndai gaw Shingran Kadit hta dai Chyahtum Chyalai N-gun rawng ai Tsaw Htum ai dai Madu gaw kajawng kaja kaming kamawng rai hkrat sum ai hte shanut shanat re ai hpe anhte a ntsa e dat dat ya ai aten rai nga ai. Anhte a mare bunghku ni agrawp daw mat ai hte karum la na matu jahtau ai nsen gaw kawng ni a lapran e hpungtang kashaw nga ai.

ESAIA 22:5 ပူးပေါင်းရင်းမြစ်များ

2 HKAWHKAM 19:3

Shanhte gaw shi hpe, Hezekia ning nga ai: “Dai ni gaw nni nkri, shatan nhkan, asawng asang hkrum ai nhtoi rai nga ai: ma shangai nhtoi gu timung, shangai lu na n-gun n nga ai.

2 HKAWHKAM 25:10

Shi hte rau nga ai Hkalde hpyen ma ni mung, Yerusalem mare a bunghku ni hpe rum kau mu ai.

ESHTA 3:15

Dai hkang dat ai ga gaw Shushan htingnu hta chye ai shaloi jang, hkawhkam wa hkang dat ai hte maren, laika sa ai ni alawan sa wa ma ai. Shaloi hkawhkam wa hte Haman gaw tsabyi rau lu ma ai. Shushan mare chyawm gaw myit ung ang hkrum nga ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 22:1

Shingran kadit hta ang ai myihtoi ga: Na a mare ting gaw hpa lam majaw nta ni a ntsa e lung dè ma ta?

ESAIA 25:10

Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 37:3

Shanhte gaw shi hpe, “Hezekia ning nga ai: Dai ni gaw nni nkri, shatan nhkan, asawng asang hkrum ai nhtoi rai nga ai: ma shangai nhtoi gu timung, shangai lu na n-gun n nga ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

ESAIA 63:3

Tsabyi si htumbyen hpe ngai hkrai kabye ni ai; amyu baw ni hta na, ngai hte lawm ai wa langai mi n nga ai; gaja wa, ngai pawt sindawng ai hte shanhte hpe kabye kau nna, nye a myit kahtet ai hte, shanhte hpe kabye anut kau mawe ai: shanhte a sai gaw nye a hpun nba hta gatsit kap nna, nye a hpun palawng yawng, ateng apang rai mat sai.

ESAIA 63:6

Shaloi nye a pawt sindawng ai hte, amyu baw ni hpe ngai kabye kau nna, nye a myit kahtet ai hte shanhte hpe nang shangun mawe ai; shanhte a asai hpe mung ga de ngai ru kau ya nngai.

YEREMIA 30:7

Ala, dai gaw kaba ai nhtoi rai nga ai; dai hte bung ai n nga ai; dai gaw Yaku amyu tsin-yam tsindam hkrum ai aten rai nga ai; rai timung shi gaw hkye hkrang la ai, hkrum na ra ai.

SHARUNG SHAYAWT 1:5

Shi law la ai yubak a lam, Yehowa shi hpe ari jaw ai majaw, Shi hpe n dawng ai ni baw tai wa nna, shi hpe hpyen ai ni galu kaba wa ma ai: Shi a ma kaji ni hpe mung, hpyen ni bawng rim wa manu ai.

SHARUNG SHAYAWT 2:2

Madu gaw matsan n dum ai, Yaku a shara ni yawng hpe mayu kau nu ai; Shi pawt bu ai hte Yuda shayi sha a hpyen dap ni hpe sharun kau nu ai: Shi dai dap ni hpe ga de jahkrat kau nna, mungdan hte du salang ni hpe awu asin di kau manu ai.

SHARUNG SHAYAWT 2:8

Yehowa gaw Ziun shayi sha a bunghku hpe agrawp kau na maw nga ai: Shi gaw shadawn sumri hpe gran nna, jahten shabyak na matu, shi a lata dawm la ai n rai: Shi gaw kaduk hte bunghku sharung shayawt shangun nna, dai ni rau nyawp mat ma ai.

EZEKELA 7:7

Mung e shanu ai wa e, nang hkrum sha na ari du ra ai; aten du sai, nhtoi gu sai; dai gaw hpyen garu ai shani rai nga nna, bum lang ntsa e kabu jahtau ai nsen n na lu sai.

HOSEA 10:8

Israela yubak a npawt Awen mung, run kau ai hkrum na ra ai: de a tawn hkungri ni a ntsa e, ju hpun hte tsing tu lim kau nna, mare masha ni gaw, ‘Bum ni e, anhte hpe ka-up mi, kawng ni e, anhte a ntsa e hkrat bun mi,’ nga nna shaga na mara ai.”

MIHKA 7:4

Shanhte hta grau kaja ai wa gaw ju hpun zawn rai nga ai; myit grau malang ai wa gaw ju nhpan hta grau yak nga ai; na a sin langa ni mu ai nhtoi ngu ai, nang ari ahpri hkrum na nhtoi, ya du ra ai: ya shanhte gaw nhtum nni hkrum na mara ai.

ZEHPANI 1:15

Dai nhtoi gaw, sindawng kahtet ai nhtoi, ru tsang ai hte kyin dut hkrum ai nhtoi, shingran katsi ai hte marawng marang shabyin ai nhtoi, nsin sin ai hte sin mak ai nhtoi, sumwi mung ai hte nsin htat ai nhtoi,

MAHTE 24:16

dai shaloi e Yuda mung hta e nga ai ni gaw, bum lang de hprawng mu ga;

LUKA 23:30

Dai nhtoi e, bum ni hpe, Anhte a ntsa e daw kamyet mi, nga nna mung, kawng ni hpe, Anhte a ntsa e ka-up mi, nga nna mung, shanhte shaga shajang na mara ai: