ESAIA 22:23 - Jinghpaw Hanson Version Bible

²³ Grin nga ai shara hta ngai shi hpe hpri maina zawn dit da nna, shi gaw kawa nta dap ni a matu arawng sadang tingnyang tai na ra ai.

Jinghpaw Common Language Bible 2009

²³ Ngai gaw shi hpe sumprat langai zawn ngang ngang dawk jung da na nngai, shi gaw shi a dinghku ting a arawng sadang a hka hpawk tai na ra ai.

ESAIA 22:23 ပူးပေါင်းရင်းမြစ်များ

YOBA 36:7

Shi gaw dinghpring ai ni hpe n yu nga ai, n rai: shanhte tutnawng shagrau ai hkrum lu hkra, Hkawhkam ni hte rau tingnyang hta dung shangun mu ai:

EZRA 9:8

Ya hkring mi sha, anhte a Karai Kasang gaw, anhte a myi hpe jahtoi ya lu nna, anhte a bawng dung ai hta nsa kachyi mi awai la lu hkra, Karai Kasang Yehowa gaw naw ngam nga ai shanglawt ni hte, shi a chyoi pra ai shara hta noi mai na chyinghkyi, chyeju myit hte, anhte hpe jaw da mani ai.

ZEHKARIA 10:4

Shi kaw na, njut nlung, hpri maina, hpyen ndan hte, ahkang aya lu ai ni yawng, pru na mara ai.

1 SAMUELA 2:8

Matsan mayan ni hpe ga nhpu kata na, Kawsi jaren ni hpe hkumpup kata na, Shi sharawt la nna, du magam kasha ni hte rau dung let, Magam tingnyang sali dagraw lu ai ahkang jaw wu ai: Ginding aga madi wa daw ni hpe Yehowa madu nga ai rai nna, Dai ni a ntsa e mungkan aga de tawn wu ai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

HPAJI NINGLI 12:11

Hpaji rawng ai wa a ga gaw, majawn hte bung nga ai: sagu rem wa langai sha jaw da ai hte, masha hpung ni hpe shadum jahprang chye nna, htawn tsun ai sara ni a ga gaw, dit jung da ai hpri masen hte bung nga ai.

ESHTA 10:3

Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.

ESHTA 4:14

Ndai aten e nang atsin sha nga n yang gaw, kaga Yuda masha ni a matu lawt pru shara hku dam timung, nang hte na nwa a nta masha ni gaw, si na mara ai: ndai aten e ning re ai amu gun hpai lu na matu, nang hkawhkam jan tai lu ai, nawn shara nga ai, n rai ni?” ngu nna ga htan dat wu ai.

ESAIA 22:24

Shanhte gaw kawa nta a arawng sadang hte, aru arat, matu mara hte hpawn, n-gawt hte ndum du hkra, arung arai kaji kaba yawng, shi hta noi da na mara ai.

ESAIA 22:25

Zaw nawng zaw wa up ai Yehowa chyawm gaw, “Grin nga ai shara hta dit da ai hpri maina gaw, dai shani e malaw mat nna, agrawp kau hkrum ai hte hkrat mat na ra ai; shi hta noi da ai lit gaw, gun kau ai hkrum na ra ai,” nga ai: kaning rai nme law, ndai lam Yehowa tsun da sai.