ESAIA 22:2 - Jinghpaw Hanson Version Bible

² Jahtau marawn ai hte hpring nna, kaming kamawng let ngwipyaw dum ai mare e, nang hta hkala nba hkrum ai ni gaw, ri nhtu hte hkala nba hkrum ai n rai; na a si mang ni gaw, hpyen majan hta si ma ai n rai.

Jinghpaw Common Language Bible 2009

² Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

ESAIA 22:2 ပူးပေါင်းရင်းမြစ်များ

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 23:7

Moi chyaloi nhkoi kaw nna dè da ai hte, sumtsan mung de sa shingbyi na matu, chye hkawm ai, nanhte a kabu gara ai mare, ndai rai nga malit ni?

ESAIA 32:13

Nye a amyu masha ni a mungdan ntsa e mung, ngwipyaw ai mare na kabu gara ai nta ni mahkra a ntsa e mung, tsing hte ju hpun ka-up na ra ai.

ESAIA 32:14

Kaning rai nme law, hkawhkam htingnu gaw, kau da ai hkrum nna, masha law nga ai mare gaw, shingran katsi mat na ra ai:

ESAIA 37:33

Dai re ai majaw Yehowa gaw Asuri hkawhkam a lam ning nga tsun ai: Shi gaw ndai mare hta shang lu na n rai; dai kata de pala langai mi gap lu na n rai; de a man e nhtu n-gang n madun dan lu na hte, kaduk mung htu lu na n rai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

YEREMIA 14:18

Ngai pa ga de hkawm yang, si ai ni hkrai jawng ma ai; mare kata de shang yu yang, kawsi hpang gara majaw machyi hkrum ai ni hkrai rai nga ma hka! Myihtoi wa hte hkinjawng wa pyi, hpa n chye ai, shara magup hkan e jawt hkawm ma ai.

YEREMIA 52:6

Shing rai shata mali a nhtoi jahku ya e mare kata e hku wa grai hku wa nna, mung masha ni a matu shahpa n nga nga ai.

SHARUNG SHAYAWT 1:1

Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

SHARUNG SHAYAWT 2:20

Yehowa e, yu u; nang kadai hpe ningrai galaw yu ga ai, sumru yu u; Num gaw, tinang nshang na hkrat nna, tinang pawn ai kasha hpe sha lu na rai ni? Hkinjawng hte myihtoi wa gaw, Madu a chyoi pra ai nta hta sat kau ai hkrum mai na rai ni?

EZEKELA 22:5

Arawng hpoi mat nna kashuk kashak hte hpring ai mare e, nang hte ni tsan ai ni, nang hpe asawng asang na mara ai.

ZEHPANI 2:15

Dai mare nan, Ngai gaw nga nga nna, ngai hta shaje kadai n nga ai, nga nna kabu sha rawng ai myit hte sawse lawklek nga let, tinang a kraw lawang e tsun ai mare rai nga ai: ya, shi gaw, katsi katsang hte matse labye ni hpum nga ai shara tai wa sahka! dai hku lai wa ai ni yawng, de a lam, Yi lo, nga nna, tinang a lata ari na mara ai.