ESAIA 22:12 - Jinghpaw Hanson Version Bible

¹² Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

Jinghpaw Common Language Bible 2009

¹² Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 22:12 ပူးပေါင်းရင်းမြစ်များ

2 HKAWHKAM LABAU 35:25

Yeremia mung Yoshia majaw sharung shayawt nga ai rai nna, mahkawn mangoi chye ai numsha lasha ni gaw tinang a sharung shayawt ai ga hte, dai ni du hkra Yoshia lam shagawp tsun nga ma ai; dai ga gaw Israela amyu hta tsun nga na htung tai wa nna, sharung shayawt laika hta ka da nga ai.

EZRA 9:3

Dai lam hpe ngai na jang, nye a palawng hte lawai ai nba hpe ngai gang je kau nna, kara hte nhka mun ni hpe baw kau ai hte, myit mak let dung nga nngai.

NEHEMIA 9:9

“Anhte a ji wa ni gaw, Egutu mung hta e hkrum ai tsin-yam tsindam hpe nang mu nna, Nawng Hkyeng makau e shanhte a nsen hpe madat mara nu ai:

YOBA 1:20

Shaloi Yoba gaw rawt nna, shi a hpun nba gang je kau ai hte, shi a kara shangun kau nhtawm, ga de gum dagup let nawku nna,

HPAJI NINGLI 3:11

Shi gaw yawng mayawng hpe tinang a ahkying aten hte htuk tsawm ai hku galaw da nu ai: shinggyim masha hpe htani htana prat dingsa nga nga na marit shangun timung, shi gaw Karai Kasang hpajang da ai magam bungli hpe npawt ndung hkren gawn yu lu ai n rai.

HPAJI NINGLI 3:4

hkrap ngu hkrap ngoi ai aten hte, mani ai aten mung nga ai; sharung shayawt ai aten hte, ka manawt na aten mung nga ai;

ESAIA 15:2

Mung masha ni gaw hkrap ngu hkrap ngoi na matu, Bayit yan Dibon shara na, tsaw ai kawng ni de lung wa masai; Moba masha ni gaw Nebo yan Medeba shara a lam sharung shayawt nga ma ai; langai hte langai baw krin nna, nhka mun yawng doi kau hkrum masai.

ESAIA 26:10

Tara n lang ai wa gaw, chyeju hkam la timung, dinghpring ai lam sharin la hkraw ai, n rai; malang ai hku hkan ai mung hta pyi, shi myit magaw ai hku maw nna, Yehowa a daru magam hpe nawn ai n rai.

ESAIA 29:1

Dawi but nga ai mare, Ariela e, Aw, Ariela e! laning mi a ntsa e laning mi kahtap mu: poi ladaw shagu mu;

ESAIA 3:24

Dai shaloi e manam pyaw ai baw a malai yat manam ai, shingkyit a malai sumri, kara hkri ai a malai baw hpye kan ai, lawai ai nba a malai lachyit sumding, tsawm htap ai a malai wan hkru ai hkang pru na ra ai.

ESAIA 32:11

Apyaw sha nga ai num ni e, hkrit gari mu; n dum shami nga ai ni e, myit ru nga mu; hpun palawng raw kau nhtawm, lachyit nba bu hpun mu:

ESAIA 37:1

Ya hkawhkam Hezekia gaw dai ga na jang, shi a hpun nba gang je kau nna, lachyit nba bu hpun let, Yehowa nta de shang wa ai.

ESAIA 37:2

Bai shi gaw kunhting wa Eliakim yan chyare wa Shebna hte hkinjawng salang ni hpe, lachyit nba bu hpun let, Amot a kasha myihtoi Esaia hpang de shangun dat mu ai.

ESAIA 58:3

‘Anhte lusha gam yang, nang hpa majaw n mu n ta? Anhte hkum shagrit kau yang, nang hpa majaw n matsing n ta?’ nga nna tsun ma yang, ‘yu mu, nanhte lusha gam ai shani e, tinang pyaw ai lam nanhte tam nna, nchyang ni hpe amu galaw shaja shangun myit dai.

YEREMIA 16:6

Mung masha kaji kaba si na mara ai; shanhte hpe lup makoi na, n rai; shanhte a matu kadai mung sharung shayawt na, n rai, tinang hkum hpe jahpye na, n rai, tinang kara hpe mung rep kau na, n rai:

YEREMIA 16:8

Bai, nang gaw, poi galaw ai nta hta hkum shang et; shanhte hte kanawn nna hkum lu hkum sha et.

YEREMIA 4:8

Dai majaw, lachyit nba bu hpun let, hkrap ngu hkrap ngoi, sharung shayawt nga mu: kaning rai nme law, Yehowa a pawt kahtet ai gaw anhte kaw na garai n dawm la nga ai.

YEREMIA 7:29

Na a ga shaka kara hpe doi kabai kau u; krin ai kawng ni a ntsa e sharung shayawt hkawm u: kaning rai nme law, pawt sindawng hkrum ging ai amyu hpe, Yehowa kau da nna gang kau nu ai.

EZEKELA 27:31

dai hta n-ga shanhte gaw, na a matu kara doi kau nna, lachyit nba bu hpun let, yawn hkyen ai myit hte hkrap ngu hkrap ngoi nna, ja ja sharung shayawt na mara ai.

Daniela 5:1

Hkawhkam Belashaza gaw, du salang hkying mi hpe shaga nhtawm, poi kaba galaw nna, shanhte hte rau tsabyi jahku lu nga ai.

HOSEA 9:1

“Israela e, masha amyu ni zawn, kabu gara ai myit hkum madun et; kaning rai nme law, nang gaw na a Karai Kasang hpe shinggan kau let, shawa num tai nga ndai; nang gaw chyarang shagu hta shawa num shabrai hpyi sha ndai.

YOELA 1:13

Hkinjawng ni e, lachyit nba bu hpun nna, hkrap shabam mu; tawn hkungri a amu gun hpai ai ni e, sharung shayawt mu: nye a Karai Kasang a man e daw jau ai ni e, sa marit; lachyit nba bu hpun let, shana tup taw nga mu: kaning rai nme law, lusha hkungga hte dumhpung hkungga hpe, nanhte a Karai Kasang a nta e, n nawng ya nga myit hka.

YOELA 1:8

Hkawn ram prat e si mat ai madu wa matu, lachyit nba bu hpun nna sharung shayawt ai hkawnsek zawn, sharung shayawt nga u.

YOELA 2:12

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

YOELA 2:17

Yehowa a amu gun hpai ai hkinjawng ni gaw, nta jan hte tawn hkungri lapran e hkrap ngu hkrap ngoi let, Yehowa e, na a amyu hpe matsan dum e law maigan amyu ni anhte a ntsa e up nga nna, na a sali wunli masha ni aroi arip hkrum hkra, shanhte a lata hta anhte hpe hkum ap kau et: Shanhte a Karai Kasang kanang nga a hka? Nga nna masha amyu ni hta, hpa majaw tsun shajang na ma ta? nga nna tsun mu ga.

AMO LAIKA (AMOS) 8:10

Nanhte a pyaw poi ni hpe yawn hkyen ai hte, nanhte a mahkawn mangoi ga hpe sharung shayawt ai hte, ngai galai kau na nngai; masha yawng lachyit nba kyit nna, abaw yawng krin nga na lam, ngai shabyin na nngai; kasha shingtai si ai majaw hkrap ai zawn ngai hkrap shangun nna, de a jahtum ai gaw n hpru n mai ai nhtoi zawn tai na ra ai.

YONA 3:6

Dai ga gaw Ninewe hkawhkam kaw mung du nna, shi gaw shi a tingnyang hta na rawt nhtawm, hkawhkam yangwat raw kau wu ai hte, lachyit nba lawai let, wan dap hta dung nga ai.

MIHKA 1:16

Na a tsawra ai kashu kasha ni gaw, bawng dung hkrum ai majaw, na a kara hpe doi shakrin kau u: langda baw zawn, na a baw hpe shakrin kau u.

YAKU 5:1

Sut su ai ni e, sa marit; nanhte a ntsa e du magang ra ai tsin-yam tsindam majaw, hkrap shabam nga mu.